كلنا يعرف ان الزجاج سهل الكسر بالضبط هذا هو اللاعب الهلالي العريق الذي اسميته بالرجل الزجاجي لانه سهل الكسر.

بالتاكيد الان عرفتم من اقصد ، انه اللاعب اللذي جعل للنادي الصحي قيمه واهتمام وهو اللذي جعل للطبيب فعاليه ودور كبير .. يعني بالعربي هو اللي محلل راتب دكتور النادي من كثر ما هو ملازم له

انه اللاعب الوحيد اللي ما تساله عن افضل مباراه خاضها او افضل هدف سجله او افضل مدرب مر عليه لانه لن يستطيع الجواب .

انه
احصائيه بسيطه عن اللاعب منذ 2007 - 2013 :

لعب في الدوري السعودي : 74 مباراه ،، يعني بحسبه بسيطه تقريبا بالسنه معدل المباريات اللي يلعبها 11 مباراه

لعب في كاس ولي العهد : 5 مباريات فقط ،، يعني اقل من مباراه وحده في السنه

لعب في كاس خادم الحرمين : 4 مباريات فقط ،، يعني برضو اقل من مباراه وحده في السنه

لعب في الاسيويه : 5 مباريات فقط ،،

جا للهلال ب 8 مليون ريال ،، يعني عبداللطيف الغنام يلعب في السنه تقريبا 13 الى 14 مباراه وياخذ عليها مليون ريال

وعلى فكره اكثر لاعب مخسرنا مسكنات وعلاجات وادويه ،، مين تتوقعون ؟؟؟؟؟


عبداللطيف الغنام - نادي الهلال السعودي - الموقع الرسمي

إقتباس الرسالة الأصلية كتبت بواسطة طيار هلالي مع ادارة بن مساعد اهم شي الاعب يكون أخلاق ويضحك ويبتسم ويحترم الادارة ! لاحبتك عيني ماضامك الدهر .. فرطوا بالغامدي المحترف الخلوق الي مافيه مثله محترفين سعوديين غير الشلهوب وعبدالغني وجابو الجيزاني علشان الغنام ياخذ راحته ونسقوا البرقان لعيونه ! الغنام لاعب خلوق ويشد حيله ويركز بالملعب لكن أكبر غلط وجوده بالنادي .. مارح يضيف شي لك اذا عندك نجوم صغار بالمحور يبون يثبتون أنفسهم ! والمشكله يتم تنسيق أو اعاره هالنجوم علشان الغنام يلقى فرصه ! صدقوني هذي اخر سنه للغنام مع الهلال !

اخي طيار هلالي

اخلاق اللاعب ليست كل شي ،، الاخلاق يسأل عنها اذا بغا يتزوج ،، اما في الملعب ابغا اداء وانضباط وتحقيق الاستفاده من اللاعب

لو على الاخلاق مافيه مثل اخلاق عيسى المحياني مثلا وتم الاستغناء عنه بكل سهوله

إقتباس الرسالة الأصلية كتبت بواسطة طيار هلالي مع ادارة بن مساعد اهم شي الاعب يكون أخلاق ويضحك ويبتسم ويحترم الادارة ! لاحبتك عيني ماضامك الدهر .. فرطوا بالغامدي المحترف الخلوق الي مافيه مثله محترفين سعوديين غير الشلهوب وعبدالغني وجابو الجيزاني علشان الغنام ياخذ راحته ونسقوا البرقان لعيونه ! الغنام لاعب خلوق ويشد حيله ويركز بالملعب لكن أكبر غلط وجوده بالنادي .. مارح يضيف شي لك اذا عندك نجوم صغار بالمحور يبون يثبتون أنفسهم ! والمشكله يتم تنسيق أو اعاره هالنجوم علشان الغنام يلقى فرصه ! صدقوني هذي اخر سنه للغنام مع الهلال !

آستغرب من آلزج بـ آسم آبوفيصل في كل شي

آلغنآم كآن موجود و آصآبآت و آلله يكون في عونه و يشفيه يآرب


شي غريب

اللاعب انا للحين ماني مقتنع فيه...
وكل مالعب مباراه اضع يدي على قلبي '(

ههههههههههههه عجبتني مسكنات ، والله قهر انه قاعد الى الان اصابات و مستويات سيئة و مكلف على الادارة رواتب و مكافآت
و علاج !!

عبداللطيف الغنام لاعب امكانياته مميزه مقارنه باللاعبين الاخرين في مركزه

لكن مشكلته هي كثرة الاصابات

انا معك لما تقول ان اللاعب اصبح اسير لغرفه العلاج لكن اختلف معك و بقوه من ناحيه مستواه لان اصلا ما في لاعبين سعوديين مميزين في المحور الا ٣ او ٤ و انديتهم مستحيل تفرط فيهم

بسم الله الرحمن الرحيم
اسأل الله أولا أن نكون وإياكم من من يعيننا الله عزوجل على قيام العشر الأواخر من رمضان ويجعلنا من عتقائه من النار.
ثانيا نسال الله أن يكفي الاعب الخلوق عبد اللطيف الغنام شر الإصابات.
ثالثا أتمنى أن نبتعد عن العاطفه وتتخذ الاداره الفنيه القرار المناسب بأبعاد الاعب لانه لم يفد الفريق من خلال المواسم السابقة بسب كثرة الإصابات وبرغم يقيننا أنها قضاء الله وقدره.
رابعا أتمنى التوفيق للفريق بقيادة القدير سامي الجابر.
محبكم بوباسل

الاعب لام يسوي عمليه في مكان اصابته نفس عزوز الدوسري
تذكرون سبب استغناء الهلال عن الغامدي هو الاصايات واخذه الشباب وسوو له عمليه وهو الان من افضل المحاور فالمملكه

من عرفته وهو في غرفة العلاج يلعب مباراة ويرجع ومع ذلك الادارة متمسكه فيه مع ان الغامدي احسن منه عشر مرات والبرقان شوفتكم منجم مع الشباب والان نفس الغلطه العازمي لاعب محور شاب يتم اعارته وابقاء الرجل الزجاج مع ان حتى المباريات اللي يشارك فيه مو ذاك الزود

إقتباس الرسالة الأصلية كتبت بواسطة السنيورهــ عبداللطيف الغنام لاعب ماقصر مع الهلال والهلال ماقصر معه .. بس بينه وبين الاصابات صحبه .. واشوف ان الاعتزل احسن له .. لاهنت ع الموضوووع .. شعر // الصراحه : ما تجيب إلا الخسارهـ ** والمجامل يجعل أحبابكـ كثير والنفاق : أسھل طريق(ن) لـ الصدارهـ ** توصل القمه ولا عندكـ ضمير

ولا تهونين يالسنيوره وصح لسانك

وانا اقول بيع عقده افضل له وللهلال ولجمهوره من الاعتزال

ما قالوا ان دكتور جا واكتشف الخلل وكان السبب ضروس اللاعب .. وش السالفه اذا عيد العزيز الدوسري سوا عمليه الادارة اجبرته على عمليه خطره وهذا الغنام بالاصابه الي في العضله الخلفيه اكيد فيه شي مزمن معقوله ماله حل .. خلاص اللاعب لا يصلح لكرة القدم ابدا .. اي شخص يقر بتجديد عقد الغنام للمجاملات الشخصيه سيكون على حساب النادي .. للاسف هذي الي صاير

الأجر رزق مكتوب والإصابة قدر محسوب وجلد اللاعب في هذ الايام المباركة دليل على انه محبوب والله كاتب له تكفير الذنوب
وجهة نظر يا زعماء ولا يهون الكاتب ولا المكتوب

إقتباس الرسالة الأصلية كتبت بواسطة dhmoni الأجر رزق مكتوب والإصابة قدر محسوب وجلد اللاعب في هذ الايام المباركة دليل على انه محبوب والله كاتب له تكفير الذنوب وجهة نظر يا زعماء ولا يهون الكاتب ولا المكتوب

صحح لسااانك

بس حنا هنا ما اخطينا عليه عشان يكفر ذنوب على حسابنا