|
مشروع استثماري هو " الهلال مول " [FT] السلام عليكم ورحمة الله وبركاته سؤال بسيط ارجو الاجابة عليه لماذا لا يكون هناك استثمار عقاري بحيث يتم بناء بعض المشاريع العقارية باسم نادي الهلال وتكون نواة لبداية اعتماد الهلال الصرف على نفسه ومن افضل هذه المشاريع ان يتم انشاء مول باسم النادي او يسمى باحد القاب نادي الهلال وبذلك يستفيد الهلال ان يكون لديه مورد مادي ثابت باذن الله مما يساعد ولو بالقليل في العائدات المالية للنادي حتى لو يتكفل ببناءه احد اعضاء النادي ويكون العائدات الاولية لهذا العضو لحين ما يسترجع رأس ماله بالكامل ثم تكون العائدات بعد ذلك للنادي وان امكن ان يتساعد في انشائة مجموعه من اعضاء الشرف اتمنى النظر في هذا الاقتراح من قبل رئيس النادي والاعضاء والغيورين على النادي |
جميل إقتراحك ، بس ما شاء الله الموﻻت عندنا في الرياض معروفة والكل أصبح يتجه لها الرياض جاليري الفيصلية المملكة الهرم ...إلخ أنا بالنسبة لي أتمنى يسوون قطار من النادي للمﻻعب عشان بعض الجماهير ما تضايق السائقين في الشوارع .. |
أنا أتمنى أن يكون هناكك سلسلة مطاعم وصيدليات وسوبرماركات بإسم " غغير الهلال " لكي يجلب جميع المشجعين ولا نقتصر فقط ع مشجعي الهلال !! اتمنى ان يضع الهلال ملاعب للايجار بعد [ الساعه بـ 300 مثلا ] الاستثمااار ووواجد لكن وين الي يبي يعمل .. |
اما مول الهلال عاد هههههههههههههههههههههه الشغله مايبيلها مول ولاشي بصراحه هالحركه ملعب ومتحف ومتجر ولازم هالشي يكون بوسط البلد او مكان قريب للناس لانه عريجا بعيد مرره :D سفر يارجل ههههههههه |
انا مع انشاء ملعب يضم صالات وقاعات ومحلات ومطاعم وملاعب تدرب بالايجار ويكون في وسط الرياض على ان يكون هناك مواصلات خاصة تصل لهذا الصرح من جميع انحاء العاصمه |
الاهلي فعل ذلك وبدأ بإستثمار عقاري ( عمائر ) الهلال سبق الجميع في بداية القرن الهجري واتذكر منادييل الهلال ولبن الهلال وبعض المنتجات التي لم تستمرللأسف حالياً اتوقع الاستثمار العقاري هو الأنسب لكن تبقى الخصخصة عائق يعطيك العافية |
الفكره كويسه لو كان هناك خصخصه أو صار النادي شركه خاصه لكن تمشي على المحبين أو رؤساء الأنديه الحاليين صعب لإن كل رئيس نادي يبي يبني للهلال مجد في وقت رئاسته فيكون صرفه على مدة تواجده |
إقتباس:
|
سبحان الله كأنك داخل راسي من زمان وانا براسي هالفكره بس مايسمونه مول الهلال يسمى بأي اسم عادي لأن بيجيك المتعصبين من الأنديه الثانيه وماراح يودون عوائلهم له عشان مايكسب النادي لكن اذا سميته بأسم غيره محد راح ينتبه او يهتم ونتكسب من جماهير الأنديه الثانيه>>كيف بس داهيه هع وبالنهايه المردود المادي للنادي او لعضو الشرف المتكفل فيه لين يرجع خسايره وتنتقل الملكيه للهلال |
إذا متجر الهلال في جدة قفل تبغى مول |
نبي مشاريع بأسم الهلال .... وافضل مكان المنطقة الشرقية ... |
يجب ان يكون اسم الهلال علامة تجارية بجميع المجالات ستدر هذه العلامة ملايين الريالات عالنادي لكن اعتقد مازالت قوانين الاستثمار الرياضي لاتساعد شكرا موضوع مميز دمتم بخير |
انا مع انشاء ملعب يضم صالات وقاعات ومحلات ومطاعم وملاعب تدرب بالايجار ويكون في وسط الرياض |
تضحكني بعض الردود ، ومعليش انا احترمكم جداً ولكنني ضحكت من اللف يقوم عضو شرف ببناء مول ، الارباح الاوليه له حتى يسترجع خسايرة باختصار اي عضو شرف عنده مول يعطيه الهلال خخخخ وبس بعدين ماتوقع هذي تجارة والمول بيدخل اموال طائلة عشان كذا الدعم اقل كلفة افضل لاعضاء الشرف كونهم سيظهرون بالواجهه دوماً |
اقتراح جميل اتمنى العمل به وتطبيقه بالشكل الصحيح فكون الهلال يكون قادر على التكفل بجميع مصاريفه وتحمل مسئولياته دون الحاجة الى اعضاء الشرف فهذا هو الاستثمار الحقيقي |
انا اشوف الفنادق اكثر شي مربح خاصه اذا كانت في مدن سياحيه مثل دبي الدوحه الشرقيه وكذا يعني والفنادق ماتكلف واجد مقارنه باسعار المولات |
ماهو شرط ان المول يكون باسم الهلال يتم تسميته بمسميات تجاريه اخرى ولكن العائدات الماديه ترجع لنادي الهلال |
جدا فكرة رائعه وتصب لمصلحة الهلال |
الله يعطيكم العافية وبالتوفيق للهلال |
وانا اخوك المول يبيله الاف الامتار واحسب المتر بكم |
آممممممم مع إحترآميّ الشديد لك ولرآيك آبداً بنوب بنوب مَ أعجبنيّ هذآ الإقترآح ,, وأصلاً لو الهلآل يحطون لهم مول أبد النصر والأهلي والإتحاد بيحطون لهم ! متجر الهلآل يكفينآ ، الله لآ يحرمنآ منه ! |
اقتراحي هوووو وضع صالات رياضية للزعيم مثل وقت اللياقة والرسوم تعود للهلال |
إقتباس:
يكون فيها صالات تدريب رسميه لابطال الهلال للكاراتيه والتايكوندوا ويكلف بالتدريب في الصالات الاخرى ابطال الهلال ومنها يكتشف مواهب لدعم النادي وصالات حديد ولياقه يكلف بها لاعبي الهلال المعتزلين وتطور الفكرة بحسب الاقبال على المشروع |
فكرة جميلة وأستغرب من أنديتنا عدم الأستثمار طويل الأجل بدلا من أضاعة مئات الملايين في جلب انصاف الاعبين محليين واجانب |
السلام عليكم لن يكون هذا الكلام والاقتراحات الا بعد خصخصه الانديه لأن الرئيس لن يعمل لغيره لأن المشاريع هذي يبغى لها وقت للأنشاء ومن ثم ادارات تسويق واداره مبيعات واداره محاسبه ومحاسبين قانونيون وادارات الانديه بعيده كل البعد عن الفكر الاستثماري وشاهد اعظاء مجالس الادارات اغلبها وجلها تفتقد لعين الخبير الاستثماري لا يوجد بالانديه بفكر استثماري الا واحد فقط وهو الاستاذ خالد البلطان وبحكم انه رجل عقاري وخير دليل مباراه الهلال والشباب الاخيره كيف سوقها وعرف يستثمر وبعدها مباراه الرائد للهلال يمنعون النقل من اجل الحضور ولا فيه تنضيم ويدخلون ببلاش وعائد 30 الف الاستثمار بالانديه يبغى اشياء واضحه خصخصه الانديه بعد ذلك خلاص اذا خصخصت مايحتاج اشرح هم عارفين ماذا يريدون من النادي لأنهم ماشروا النادي الا عارفين كيف يستثمرون كل كبيره وصغيره وسوف يكون هنالك عوائد غير طبيعيه للانديه لذلك لا نشره على الادارات الان لان كل اداره تبي تعمل من اجل تسجيل اسمها بلوحه الشرف وخدمه الانديه بحسب الامكانيات المتوفره ولن يزرع من اجل غيره يحصد تحياتي |
هذي راح تصير بعد الخصخصة و كلنا نعرف ان الخصخصة باتت قريبة من من الاولى كثير من الاستمثارات راح تنجح ولكن بعد الخصخصة |
فكره منتزه جدا خاصه الملاعب او القطارات بس القطار مكلف جدا |
يكون الوظايف للسعودين يكون احسن |
انا من ناحيتي اتمنى ان يضع الهلال ملاعب للايجار [ الساعه بـ 300 مثلا ] |
بعد الخصخصه راح يكون فيه عوائد ماليه قوويه ومشاريع مثل هذي يبي لها دراسه ومكلفه ولاهو وش رايك يله نبني .. ما يصير كذا انا مع فكرتك .. بس فيه مشاريع افضل واسرع كعوائد ومفيه للنادي |
اتمنى بصراحة ان يتم ذلك بشكل سريع وان يتم بصورة تخدم النادي بحيث يدر على النادي دخل قوي وثابت |
فكره مميزه واتمنى تلقى لها اذان صاغيه صح ان المتجر يقوم بنفس الفكره ولكن ليس بالشكل المطلوب من ناحية توفير دخل كبير الله يوفق رجالات الزعيم بخدمة هذا الكيان |
اتمنى الردهاه. ..............?????????????????????????????? |
اقتراج جيد لكن ما اتوقع ان رايح يكون فيه فائدة |
ياجماعه المسئلة ماهي مشروطة بمول انا اقصد ان يكون فيه دخل ثابت للنادي |
مول مره وحده هههههههههههه لا والله حنا الصدق يبيلنا استاد مزبووووط بالتوفيق للهلآل |
أنا أؤيد الإستثمار مهما كان شكله لكن يجب أن يكون بلجنة مختصة ليس لها بالعمل الفني وإدارة النادي تتفرد في عملها الإستثماري لتضمن النتائج |
كلام جميل إقتباس:
|
اضحكتني بعض الردود وحسستني ان بعضكم عايش برى المملكة واحد يقول انفاق والثاني يقول مواصلات خاصة للملعب او لمقر النادي يا اخوان البلد الآن ما اهتمت في مطاراتها وطرقها تبون تزين لنا مواصلات انا اقول لو يكون الاستثمار عن طريق اخذ وكالات بعض المطاعم والمقاهي والمحلات التجارية الي مو موجودة عندنا والمكسب تقريبا 80 % للهلال و20% للشركات |
فكرة جيده لكن ما اتوقع .. بالملعب الجديد ان شاء الله راح نشوف جلسات عائلية في خارج الملعب و جلسات شبابية فقط ومطاعم إلخ... اتمنى ان يكون ملاعب تأجير بالساعة تكون 250 ريال سعودي. |
هي افكار رائعة بس الانظمة لاتسمح في المملكة مازالت قوانين الاستثمار الرياضي غير موجودة حتى اللاعب يسجل متسبب لايوجد مهنة لاعب شكرا لك اخي الكريم |
| الوقت المعتمد في المنتدى بتوقيت جرينتش +3.
الوقت الان » 11:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd