صاحب هذي الصوره ممكن يريحنا ويرجع لنا ذكريات محمد الدعيع
 

http://center.jeddahbikers.com/uploa...3746689531.jpg
من بعد ما اعتزل حارس القرن ونجم النجوم الحارس الاول في قارة اسيا الاخطبوط محمد الدعيع والمرمى الهلالي يعاني ويستقبل اهداف سهله مع ان العتيبي كان له جهد طيب في اكثر المباريات وكان نوعا ما يقوم بالواجب ولكن الفرق بين الدعيع والعتيبي كبير جدا .

المرمى الازرق تعود على عمالقه من ايام خالد الدايل وبعده عبدالله ومحمد الدعيع لان الهلال يختلف عن كل الفرق،، الهلال نادي نجوم الحارس يايكون بنفس مستوى البقيه والا ماراح ينجح .

حارس الهلال الحالي عبدالله السديري مع كامل احترامنا له ماهو الحارس اللي ممكن يحمي مرمى فريق بحجم الهلال اخطاء كثيره ومتردد في الخروج للكور العرضيه وتحس من ملامح وجهه الخوف والشد العصبي وهذي الصفه ماتصلح نهائيا في الحارس يعني عكس العملاق الدعيع اللي كان يميزه الهدوء والذكاء وردة الفعل السريعه وما انسى حارس الاتحاد السابق مبروك زايد كان قريب من صفات الدعيع.
يعني بصراحه الطاقم الهلالي في حراسة المرمى مع حبنا واحترامنا لهم السديري والسبيعي والشمري مستوياتهم ماتؤهلهم للوقوف في الباب الازرق والله العظيم الهلال محتاج افضل واحسن محتاج من يزرع الطمئنينه لبقية افراد الفريق ولنا كجمهور ممكن الثلاثي ينفعون كحراس احتياطيين لكن اساسيين وللهلال تحديدا هذي صعبه.

الهلال محتاج لحارس يقفل الباب ويخوف المهاجمين للفريق الخصم واعتقد ان الحارس اللي يمكن يقوم بهذي المهمه مافي غيره ثنيان التعاون لان الحارس هذا من خلال كلام المحللين اللي مسوين احصائيات لافضل حارس سعودي اكدوا ان فهد افضل حارس تصدى لاهداف وصد ركلات ترجيح مع ان فريقه ماهو ذاك الفريق ومن غير احصائيات الحكام الثنيان نجم يشهد بهذا كل المدربين والنقاد والجماهير ..
صراحه استغرب انسحاب الهلال من مفاوضته واستكثار عشره ملايين عليه مع انا عارفين ان مركز الحراسه اهم مركز وحساس بل هو نصف الفريق .
اتمنى التعاقد معه لان المباريات التجريبيه اثبتت ان استقبال الهلال للاهداف مازال مستمر من الموسم الماضي بسبب ضعف الحارس .
لازم تتحرك الاداره والمدرب لاحظار الثنيان تحديا مهما كان المبلغ لانه الحارس الوحيد اللي ممكن يرجع لنا شيء من محمد الدعيع ويريحنا ويريح زملاءه في الملعب.http://center.jeddahbikers.com/uploa...3746690651.jpg
كما اتمنى من ادراة الهلال استشارة الحارس العملاق محمد الدعيع في مستوى الحراسه الهلاليه مع اني شخصيا سمعت رأيه امس بعد مباراتنا مع الشباب ولكن علشان يقتنعون من ناس متخصصين لان ارائنا كجمهور يعتقد انها لا قيمة لها .
الوقت يسمح لتعديل غلطة عدم التعاقد مع حارس متمكن يعني باقي شهر على بداية الموسم ممكن نجيب هذا الحارس ويصير الفريق متكامل ...وفق الله الهلال فوق كل ارض وتحت كل سماء.

السبيعي والشمري موجودين وفيهم الخير والبركة يحتاجون الفرضة

أفضل من البارد السديري صبرنا علية بما فية الكفاية هو والبيشي

يبطي ما جا 10% من الدعيع.. هو مثل السبيعي و العنزي موسم واحد
يبدع بعدين يرجع لإمكانياته وأخطائه

ياشباب اتمنى اعطاء السبيعي فرصصصه ولآ تحكموا عليه من موسم واحد .. تذكرون السبيعي قبل موسمين كان ممتــآآز ..!
واتمنى عدم الحكم عليهه من مباراهه وآحــدهه ..!

ياشباب خذوها من خبير السبيعي والثنيان ينفعون مع اندية الوسط صدقوني السديري افضل منهم بكثير عطوه ثقة اكثر ويبي تصحيح لاخطاءه من المدرب تمنيت اثنين مع السديري مبروك زايد او حارس العروبة الرويلي

السديري ماراح يتطور او يتعدل ويحس ان مستقبله بالهلال في خطر

الا اذا جالس بالدكه

لانه الخانه الاساسيه جت له بدون اي تعب من حارس ثالث إلى الحارس الاول

علشان كذا ما يهتم في تطوير نفسه على سامي انه يرجعه حارس ثالث وراح تشوفون كيف يتغير ويتطور

السديري هذا مدري كيف متحمله سامي ><"
اخطائه والله غريبه عجيبه ..
الفرصة أخذها وشبع منهاا ولازم نعطيها واحد غيره ( الشمري ، السبيعي )

اتمنى التدوير بينهم لكي تحدث منافسه



صبر ايوب يا الشمري

انا استغرب ليه الهلال مايفكر بحارس الفتح العويشير ؟؟؟

فكونا من السديري فكونا لايتفاهم مع المدافعين ابدا

حسن العتيبي افضل حارس بعد الدعيع شاء من شاء وأبا من أبا

أنا أشوف أن السبيعي كويس بس يبي له تكثيف بالتدريب ...

الشمري المفروض يعطى فرصة بدال السديري

و يكون السبيعي الحارس الاساسي و الشمري الحارس الثاني

و ياليت في مباراة العين الودية يكون الشمري هو الحارس

ليه مانعيد الدعيع ولا حسن العتيبي ترى كل واحد من الجماهيريريد له لاعب مفضل انا اتمنى حارس يستقبل في المباره على الاقل 6 اهداف على شان نستمتع في الاهداف السديري ارحل عبده بسيسي مرحباً بك في الزعيم هذا هو المنطق في هذا الزمان