نتمنى ان يبقى سامي مدربا للهلال اطول فتره لكن ان ياخذ عشر سنين يبني فريق هذه مبالغه ان شاء الله يتوفق ويكون المدرب الافضل في العالم والاكيد انه لابد من الصبر على الاخطا ان وجدت فهي طبيعيه وتحصل من مدربين كبار
انا اتوقع هرماش ونيفيز لن يفيدوا لكن ان شاء الله يحصل العكس
شكرا لك

ابصراحه سامى ميطمن وانت همك سامي الهلال اهم الدفاع البارح خارج التشكيله نفس المشكله العام الاعبين بدون تجانس الله يوفق الهلال لحد يجامل على حساب الهلال البطل بتوفيق لزعيم

والله الشرهه ماهي عليك على ادراة الشبكه اللي تخلي "مندس "مثلك يسرح ويمرح في الموقع ويحاول يظهر انه هلالي ، واقص يمناي انك فقراوي رح كمل مريستك بعيد عن موضوعي فاهم هههههههههههههه ترا جمهور الهلال فاهم واكبر من انه يصدق كلام شخص مندس صابه المرض النفسي من بعد ماشاف سامي مدرب لزعماء ، واحب افهمك شيء واكرر "سامي "غير وكل مدربين العالم غير من حقه يتمتع بمده كافيه حتى لو كانت عشر سنوات وان شاءالله يستمر اكثر

الهلال جزب 10 سنوات خلال الفترة الاخيرة المشكله من الادارة .. الفريق يحتاج استقرار يجب اعطا سامي الفرصه الى نهاية عقدة

1 -المواهب ارجو ان تضيف الشهراني +الحافظ +الدعيع + السديري يعني نص الفريق
2 - 10 سنين قل سنه معقوله غير كذا ؟؟؟؟؟
3 - التجانس اعتقد الفريق كان في مرحلة اعداد وهذه المباريات لزيادة المخزون اللياقي وبداية عمل تجانس
4- سلامتكم

لا بس حبيت اقول قبل النوم ... يا حلييييلك.

عقد البطولات انا اتفق معك بكل شي 10 سنوات صراحتن ماتنهضم نعم كلنا نحب سامي لكن بعض العقول لاتريد ان تفهم هذا الكلام

الشي الاهم لو كان غير سامي لاسمعت كلمة سباك تتردد كثيرا لكن لايهمهم الهلال بقدر مايهمهم سامي

منذو ان بدا سامي التدريب وانا ارى المنتدى كله مدح في سامي حتى قبل ان يلعب مباراه رسميه

حتى نظرات سامي في تدريب جعلوا منها قصه بالله هل هذه عقول مع احترامي لااصحابهاا

نعم سوف نصبر على سامي ونعطيه حقه بالفرصه وبعدها سنحكم عليه رغم انني اتمنى نجاحه

لكن في حالة فشله انا اول واحد سوف يطالب برحيله لاان الكيان اولا

اتفق معك بكم نقطه واللي اختلف معك فيها مع احترامي لك ..

1 - ان الهلال ما يوجد به موهبه الا العابد وسالم .. الهلال يملك مواهب وغير اللي ذكرتهم ( سلمان الفرج - ياسر الشهراني - الحافظ - عطيف - عزوز الدوسري ... إلخ ) وتذكر ان كل لاعب تجيه فتره ينزل مستواه وبسبب اصابه او غيرها .. وانا متأكد ان 90% على الاقل من مواهب الكره السعوديه بالهلال .. ""

2 - ان اللاعبين ناقص وزنهم .. بالعكس هذا شي يدل على ان فيه شغل ويبشر بخير لان اللاعب لازم مايكون وزنه زايد وكل ما نقص احسن له ولنا ..

ومشكوور "

اقول يالحبيب مافي موهبه الا نواف وسالم اجل ، وين راح الشهراني و الحافظ وعبدالله عطيف و ناصر الشمراني + الرباعي الاجنبي اذا اضفت لهم نواف وسالم يصير عندك 11 موهبه من الطراز الاول يحلم اي فريق في الخليج ويمكن باسيا يكونوا اساسيين بصفوفه بالاضافه لصف الاحتياط اللي فيه مواهب مثل السالم والفرج والكعبي ودي اقتنع بكلامك بس قويه قويه .

انا اتكلم عن الاعب الموهبه اللي يفرق معك ويغير لك النتيجه وخرج من نادي الهلال او اكتشفه نادي الهلال , الفرج صح جيد لكن يقدر اي لاعب يغطي مكانه ! الشهراني ماخرج من الهلال جاء بعقد بعدين الشهراني له اخطاء كثيره خاصه في الدفاع عندما يواجهه مهاجم يتراجع للخلف حتى يصل الى منطقة الجزاء ومايفكر يقطع الكوره منه ، البقيه كبار في العمر ، اللي ظهرو مؤخرا مثل بدرالمرشدي وفهدالجهني وغيرهم عاديين جدآ

يالبى قلبك وقلب كل واحد يفكر بهالاسلوب ..
بعد كلامك ما فيه كلام

الله يوفق سامي وإن شاء الله يرتفع رتم الفريق ونسبة الانسجام بين اللاعبين

وكم كنت أتمنى جاهزية جميع الأجانب واللاعبين الاساسيين لتكون الفائده أكبر

أنت مثال الهلالي الحقيقي الذي قلبه على فريقه وليس شخص آخر
نعم نعز سامي ونقدر سامي ولكن لن نضحي بمستقبل الزعيم
من أجل أن نصبر على شخص حتى يحقق النجاح
والزعيم لن يتوقف لا على سامي ولاعلى غيره سيظل الزعيم هو الزعيم حتى بدون مدرب

تسلم يالغاالي والله واخيرا لقيت اللي يفهم كلامي .. لبى قلبك.
اقسم بالله اني اكثر انسان فرح بتولي سامي تدريب الهلال واتمنى من كل قلبي انه ينجح مع الهلال.
ونجاح سامي كمدرب يعتبر انجاز لكل هلالي لانه ينتمي لكتيبة الزعماء. ولكن يظل الزعيم فوق الجميع و تظل الانجازات مطلب لجماهير الهلال ولن يتنازلوا عنها لمجرد
ان سامي معشوق جماهير الهلال كلااااعب هو المدرب. فسامي اللاعب يختلف
عن سامي المدرب. وننتظر من سامي المدرب ان يقدم انجازات مع الهلال لكي نقف
له احترام وتقديرا كمدرب كما وقفنا وصفقنا وهتفنا له كلاعب.
مشكلة الكثيرين لا يفرقون بين سامي المدرب وما نريد منه وبين سامي اللاعب وكم كنا نحبه ونقدره. وهذه مشكلتهم لانهم جمهور اسماء واشخاص ونحن جمهور الزعيم الكيان
نحن نريد لهلالنا ان يستمر متفوقا ومحققا للانجازات. وجماهير الاشخاص لا يهمها سقوط الزعيم الكيان من اجل اسماء تحبها. ولا يهمها ان تنتظر لتلك الاسماء
حتى عشر سنوات بدون بطولات.
شكرا لك اخي الكريم ولك مني التحيه والتقدير.

اتمنى من الادارة الهﻻليه اعطاء سامي 10سنوات ﻻنه الرجل الامين للزعيم