استغنى نادي الاتحاد عن خدمات الاعب الشاب النجم يحي دغريري واعتقد اكثر الجمهور يعرف هذا الاعب اللي يلعب للمنتخب الشباب والاولمبي .. الاتحاد تعاقد معه من نادي التهامي بجيزان .
اتذكر ان الاعب وقت بروزه قبل سنتين كان محط انظار كل الفرق ولكن الاتحاديين بسرعه وقعوا مع الاعب والآن بكل غرابه يستغنون عنه .

التوجه و الفكر اللي يسير عليه الهلال حاليا وهو اعطاء الفرصه للاعبين الشباب وهم من سيعتمد عليهم الفريق مثل الشهراني وعطيف وحافظ والعابد وسالم الدوسري اعتقد ان هذا المخطط يستوجب التعاقد مع نجم الاتحاد السابق يحي دغريري خصوصا وانه الآن اصبح لاعب حر وليس عليه أي التزامات للاتحاد .

ممكن يقول احد ان الاعب لو كان جيد مافرط فيه الاتحاد ولكن كل من تابع مستواه مع المنتخب وشاهد سرعته واهدافه مع المنتخب يعرف ان الاعب مبدع وربما يكون الجو العام للفريق الاتحادي ماساعد الاعب على البروز .

اتمنى احظار الاعب وتقييم مستواه مع الفريق الاولمبي فاذا كان يستحق الانتقال للفريق الاول يتم تصعيده وشخصيا متأكد ان الاعب موهوب ولكن ينتظر اخذ فرصته وهذا ماكان ينقصه مع الاتحاد.
[/SIZE]

والله أنا معاك في مستوى اللاعب إنه فنان ولاعليه كلام وأتمنى التعاقد معاه على الأقل نكسب لاعب صغير ومعروف مستواه وراح يخدم الزعيم لسنوات

يعطيك العافيه

غريبه والله الاتحاد فرط فيه !!!

لاعب مسنواه كبير صح اصاباته كثير بس الى يبغى يعرف الاعب يشوف تصفيات الى تاهلو لكاس العالم في كولومبيا و كاس العالم لشباب في كولومبيا لاعب مجنون سريع مراوغ

بس اشوفه ما يصلح للهلال لاني اتوقع ما راح يقدر يشارك بكثرة النجوم

اتمنى ينتقل للاتفاق او الفتح راح ياخذ مكان اساسي وراح يبدع

لاعب نزل مستواه وهو مهاجم ولكن لايتميز الا بالسرعه فقط وانا ضد جلبه للهلال تابعت اخر مباراة له مع المنتخب في الرياض لاعب مستواه اقل من عادي

احترم رأي من يقول ان الاعب مايصلح يجي الهلال ولكن وجهة نظري ان يتم تجريب الاعب في الاولمبي اذا نجح والا يتم الغاء فكرة التعاقد معه مع اني اتوقع ان الاعب الموهوب حتى لو نزل مستواه يرجع بسرعه ..ولا ننسى ان كل فريق فيه لعيبه اقل من مستوى الفريق بما فيها نادي الهلال يعني مايمنع نجرب مستوى لاعب معروف انه نجم ولكن ربما وضع الاتحاد العام السيء والمشاكل من حوالي موسمين مايساعد على الابداع والنجوميه

لاعب مميز لا اعلم هل اصابة الرباط الصليبي ستؤثر عليه

,,,

أضم صوتي لصوتك وأتمنى التعاقد معاه وتقييم مستواه

ويعطيك العافيه على حرصك أخوي

تحياتي لك

,,,

اتمنى يتعاقد معه الهلال واتوقع انه راح يعيد اكتشاف نفسه من جديد

لاعب جيد جدا

اتمنى التعاقد معه كهاوي لتجربته في الفريق الاولمبي

بالتوفيق للملكي

السلام عليكم
اتوقع الجهاز الفني يعرف مايحتاح وما لا يحتاج من الاعبين
جايبين لاعيبه من الطائي البقعاوي
ومن الحد البحريني والمحرق عيال المنصور
ولا راح يشوفون الدغريري اذا هو يبي يفيد الفريق راح يجيبونه
جابو ناصر الشمراني
مو عاد الدغريري
دعوا القياده للكوتش
وتمتعوا بالرحله
تحياتي

>>>>>>>>>>>>>>>>>>>>>>>>>>>

لوفيه خيرمارماه الطير

...................................................

(الكريري لاعب الإتحاد على طبق من خشب..)

الاتحاد ما استغنى عنده الا عشانه صار فريق اول والفريق مايحتاجه !!

سبحان الله جيل كولومبيا كان اميزهم هذا اللاعب مع سالم الدوسري .

والان لم يبقى من جيلهم الا الدوسري والشهراني وعبدالله الحافظ وعبدالله عطيف وفهد فلاته .

فتيل لم يستطيع ان يفرض نفسه في الاهلي وكان مميز جدا . وابراهيم الابراهيم كذلك مستوى اقل الان .

اتمنى من الاداره التحرك سريع للتعاقد مع الاعب
الاتحاد استغنى عنه لان عندهم اكثر من 38 لاعب والدوري مسموح تسجل 30 فقط المدرب الاتحادي استعجل والله الاعب مووووووووهبه