|
يا عالم تراه كوري مش خليجي وحق كبسه !! نقاط مهمه لموسم رائع !! السلام عليكم ورحمة الله وبركاته كل عام وانتم بخير وعسى الله يتقبل منا ومنكم الصيام والقيام :smilie47: الحين أبيكم تتأملوا في الصوره التاليه واللي خبير في كمال الاجسام وخبير في الرياضه راح يعرف يحكم http://files.alhilal.com/images/3820...7786157947.jpg بالله ذا جسم واحد عاطل من سنه وما يتمرن ولياقته صفر !! :d نعنبوا ابليسكم لو لاعب من لعيبتنا قعد شهرين تلاقي كرشته قدامه ومو عارف يهرول :d ولكم في لاعبيننا المعتزلين خير دليل .... لكن من الواضح للأعمى ان اللاعب جسمه مشدود جدا ومحافظ على وزنه .. وممكن تلاحظوا عضلة ساقه الخلفيه وكيف متورمه ما شاء الله :d .. وهذا دليل كاف لخبراء الرياضه ان العضلة مبذول عليها جهد رياضي كافي !! وبعدين نشوف الصورة الثانيه وركزوا معي http://files.alhilal.com/images/7509...6259812922.jpg انا طالب طب في المانيا واعرف تكوين الجسم وعضلاته واكيد كل طلاب الطب والمتخصصين في الرياضه راح يعرفوا ه الشئ ... دققوا على رجل اللاعب اليسرى من تحت الشورت مباشره الى القدم .. ستشاهدوا مباشرة موقع نهاية العضلة الضامه في الركبه من الجهة الداخلية للجسم وستشاهدوا هذا الموقع منفوخ ما شاء الله :d وهذا دليل على قوة العضله والجهد المبذول عليها ولمزيد من التوضيح عن العضله الضامه شوفوا ه الصورة http://upload.wikimedia.org/wikipedi..._Muscles_2.PNG ثانيا : شوفوا عضلة ساقه الخلفية في هذه الصوره وقارنوها بعضلات بقية اللاعبين وستجدوها الاكبر والاقوى .. مع ان بقية اللاعبين كانوا متواجدين في اندية الموسم المنصرم !! يا اخوان تراه كوووووووووووري :d واللاعب وكما قال الاعلام الكوري انه كان يتدرب في الصين واليابان طوال السنه الماضيه .. مدري ليش حاطين ببالكم انه سعودي عاطل عن العمل ومعاه حافز وكل يوم يدق ب ه الكبسه ومو عارف يجري !! :d نظرتي في الاجانب واختيارهم : 1- الكوري : عمره مناسب كقلب دفاع ويمتلك خبره كقائد في فرق سابقه وكقائد لقلب دفاع .. لذلك أتوقع انه صفقه ممتازه جدا واتمنى دعم الجمهور له 2- كاستيلو : اللاعب محور معروف جدا في الاكوادور ومميز جدا وقوي البنيه ومنضبط وكلكم سمعتوا مدرب منتخب الاكوادور شو قال عنه وانه نادم لتوجهه للخليج .. والمدربين لا يصرحوا بمثل هذا الكلام الا لو اللاعب مميز !! 3- نيفيز : اللاعب رائع جدا وجربناه من قبل ودام انه اجتاز الفحوصات الطبيه فما فيه الا العافيه (( ترى الفحوصات الطبية مش نمسك رجل اللاعب من برا ونقول كويس او لا :d .. ترى العلم تطور وممكن نعرف كل خليه عضله فيه اذا هي شغاله او لا :d .. !! )) وطبعا أتوقع انه سيشكل خط مرعب مع العابد وسالم وعزوز والشلهوب وهرماش 4- هرماش : اللاعب مميز هجوميا وكان مظلوم سابقا لانه مش دفاعي أبد ... وكلنا كنا نشوف كيف تمريراته رائعه وثقته بنفسه عاليه جدا ومحور هجومي من الطراز الرائع مثل تشافي في برشلونه مع فارق الامكانيات طبعا .. http://files.alhilal.com/images/7509...6259812922.jpg علينا دعم هذا الرباعي من الان فصاعدا ونبطل نقد شوي .. عشان الهلال فقط :ba::ba::ba: المدرب سامي والكادر الفني والاداري واللاعبون وقبلهم رئيس النادي يبذلون الكثير لتصحيح الموسم السابق اللي أخذنا فيه بطولة !! .... لذلك لازم نعطيهم فرصه شوي وما نبدأ ننتقد الا بعد مرور 7 جولات من الموسم .. وانا سأكون أول المنتقدين حينئذ !! أتمنى للهلال موسم رائع ومتفااااااااااااااااااااااااااااائل كثيرا والله .. واتمنى لكم رمضان راحل بذنوبكم وجالب لسعادتكم وفرحتكم .. د. أحمد |
دكتور احمد تهقى فيصل لو يسوي رجيم طول العمر ماراح يصير نفس جسمه *_^ هههههههـ والله موضوع يبرد الكبد فعلا جسم الرجل كأنه توه مخلص من مباراة كااس عالم ^_^ وبعدين سااامي مستحيل يأتي بواااحد يكون عاااله ع الفريق،،،، الله يوووفقه معانا وشكرا دكتوري،، |
يعطيك العافيه على الموضوع الاكثر من الرائع وان شاء الله تقنع الزعماء الي ماهم مقتنعين فيه |
يعطيك العافية يالغالي وتقرير اكثر من حلو من الصعب الحكم على اي شيء بالايجاب او السلب قبل مشاركته في مباريات لا تقل عن سبع مشاركات لتحكم على اي لاعب الشيء المريح بالنسبة لي ان عمر اللاعب فوق الثلاثين وهذا ما كان ينقص الزعيم لاعبي الهلال كلهم عدا الشلهوب العام الماضي لا تزيد اعمارهم عن الثلاثين مع ان قناعاتي ان حراسة المرمى و احد قلبي الدفاع ومحور واحد صناع اللعب يجب ان يكونوا لاعبي خبرة واعمارهم تزيد عن الثلاثين والسبب واضح ان فريقنا العام الماضي واللي قبله بامكانهم احراز اهداف باي فريق لامتلاكنا لاعبين مهارريين لاكن لقلة الخبرة وللاسف عادي نخسر مباراة بلحظات قاتله هذي الامور ما كانت تحدث عندما كان الدعيع ولي يونج بيو و رادوي وويلهمسون متواجدين وامكن وضحت مع الاتحاد كانوا لاعبيهم كبار في السن وتوقعنا سقوط الاتحاد من عام 2007 ولاكن لاعبين الخبرة على قل العطاء داخل الملعب لاكن كانوا يعرفون متى يهاجمون ومتى يدافعون ومتى لا يندفعون وهذي فقدنا الكثير منها العامين الماضيين |
بن جبلة يوز عني :d لا كلام بعد كلام الاطباء :d للامانه انا متفائل بـ هؤلاء اللاعبين و بااذن الله راح نشوف موسم هلالي رائع ثم استغرب من التذمر الكبير من بعض الجماهير بـ اتجاه الكوري لماذا نستبق الاحداث ننتظر و نشوف مسستوى اللاعب اذا كان ممتاز او سيء |
موضوع رائع الله يعطيك العافية لازم نتفائل والباقي علي الله |
ماذبحني الا الجماهير بس تنتقد تنتقد اصبروا عليهم وعلى سامي وماراح يصير إلا كل خير إن شاء الله |
# بنص جبهة المنتقدين الي ابلشونا ! شكرآ لك ! |
الله يوفقه معانا ويكون سند للدفاع الشاب لاعب ممتاز وخبير وله باع في الدوري الاسيوي والتعاقد معاه لمدة سنة امر جيد جداً |
طيب عضلات ولياقة ما شاء الله فيه شيء اسمه حساسية الكورة متى ترجع له ,,, اذا بعض اللعيبة المصابين ما يرجع مستواه الا بعد كم مباراة كيف بذا غايب موسم عالكورة مير الله يعين على ذا الرئيس |
مع الحافظ تمنيت محترف بالثلاثينات لان خط الظهر ينقصه لاعب خبرة وقائد والحمد لله تحقق ما تمنيت وطلع اللاعب صاحب بنية قوية ولياقة عالية من خلال صوره نسأل الله التوفيق s13ss13ss13s |
وأنا أخوك لا تهتم بكلام البعض البعض يا غالي همها الأول والأخير الانتقاد ، ولا غيره الله يحفظك |
إقتباس:
ياخوي الاعلام الكوري يقول انه بيتدرب في اليابان والصين وبما انه لاعب كرة قدم اكيد بيلعب كرة قدم أيضا !!! يعني الا تدورو شئ تنتقدوه عليه :d |
والله عليه عضلات ساق مرررررررعبه شي كبيررر !! |
يعطيك العافيه على الموضوع الاكثر من الرائع |
| الوقت المعتمد في المنتدى بتوقيت جرينتش +3.
الوقت الان » 11:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd