المفروض يضل في الهلال ويعطى كل سنه 5 ملايين ويعلم اللاعبين مهاراته وكيفية تخطي اللاعبين وهو جاذب لاولياء الامور حتى من المنافسين

ع فكره كان فيه لاعب في نهاية السبعينات وبداية الثمانينات الميلاديه يلعب لنادي درجه ثانيه في مدينة عرعر اسمه زكريا قنديل والله اللاعب هذا ماهر جدا والملاعب ترابيه يلعب جناح يمين لكن ماشاء الله يتخطى ثلاثه اربعه بالراحه وسريع تجده في الجهه اليمنى وعندما يقترب من الزاويه اليمنى للملعب يتجه صوب المرمى ويتخطى ثم يضع الكره بيسراه في المرمى (اقرب مايكون للعب الغشيان وجسمه مشابه ليوسف ) لكن حظه انه كان في شمال المملكه والان هو موظف في الرياض (الله يذكره بالخير) ودائما يتصدر فريقه بدنه فرق الشمال من ضمنها العروبه الصاعد حديثا للممتاز وفي دورات الصعود ينبهر منه الصحفيين ولكن لااعلم للان هاللاعب لم يستفد منه المنتخب السعودي ....فلو كان في دوله كالبرازيل مباشرة اخذوه لنادي كبير واستفادوا منه ....ممايدل على ان الكشافين عندنا صفر ع الشمال

لاعب لن يتكرر والله أعلم ؟

هي مجرد لقطه وليست مهاره انا لحقت على ابويعقوب على تاريخ 1408 طبعا هو قبل بس اتوقع من 1408 لانه جاء كاس الملك 1409 وفزنا 3 على النصر وماانسى وش سوى في النصراويين طلع النخل في روسهم

من يوم هو بشباب الهلال واعرف لعبه حسم بطوله شباب المملكه امام الاتحاد بهدف كعب

ابو يعقوب. شي ثاني.

الله يعطيه العافية.

بس هذي مو سحبه. هذي لعبه بالكعب

مارادونا والثنيان اساطير والبقيه من خلفهم

وانت الله يصلحك وش حارق رزك اي واحد ابدع مع الزعيم واطرب سواء كان الذيب ابوعبدالله او النمر ابوناصر وغيره من النجوم اللي ما اقدر اعدهم وهم بالبال لا ينسوون
يستاهلون المديح هذا وهم معتزلين متضايق من مديحهم خلاص اعتزلوا وتاريخهم يشفع لهم ان نمدحهم ونذكرهم بكل خير ونجدد حبنا لهم

ملاحظة اذا ما مدحناهم الحين متى نمدحهم اذا ماتوا بعد عمر طويل مدحهم واحترام تاريخهم اقل من حقهم بمليون مرة

تحياتي للجميع

كفوووووو يابوناصر
:ba1::ba:

ابو يعقوب .. خساره لـ الكره السعوديه والاسيويه ..

وبصراحه لو كان في البرازيل والله يكوون بيليه

انا ما اناقش على المهارة هذي هي عادية ولا مو عادية

انا لو اشوف ابويعقوب يشرب بطاسة ماء مدحته على مسكة الطاسة وجلست استعذب لمساته وهو ماسك الطاسة واذا بتقول تطبيل قل ابويعقوب اعتزل ولا قصر ويستاهل المدح والمدح اقل من حقه اللي يستاهله بكثييييييييييييييير

لعيونه وعيون تاريخه اللي ما ينكره احد هذا اللي اقصده من كلامي اللي فوق تعليقك واذا على التشجيع اشجع الهلال لي اكثر من 30 سنة واعرف ابويعقوب الكمبيوتر والفيلسوف والنمر زيييين وياما طيب خاطري بعد فضل رب العالمين ربي يسعده وين ماراح

تحياتي للجميع

تصحيح فقط : تراه أبومحمد ــ ماهوأبويعقوب
الرجال متزوج ولديه ذرية 2 من الأبناء محمد وعبدالعزيز , وعدد من البنات .