ما عندك سالفة !

القيمة المادية ليست مقياس !!!


تعال خل نحسب مبالغ اجانب الفتح الموسوم الماضي

شادي ابو هشهش , إلتون , دوريس سالمون , ومدري وش اسمه الاخير

عطني كم تتوقع المبلغ ؟ّّ!!

وجابوا لك الدوري !!


بالمقابل إحسب قيمة صفقات الهلال بالموسم الماضي

مانقان , اوزيا , هرماش , بوليفار , يوبيونق , ويسلي ,يوسف العربي , مدري بعد ايمانا الموسم الماضي ولا اللي قبلة من كثر ما نبدل ونغير ونهدر من هالملايين

!!!!!!!!

كيف الحال بس

إقتباس الرسالة الأصلية كتبت بواسطة هلالي عاشق10 ما عندك سالفة ! القيمة المادية ليست مقياس !!! تعال خل نحسب مبالغ اجانب الفتح الموسوم الماضي شادي ابو هشهش , إلتون , دوريس سالمون , ومدري وش اسمه الاخير عطني كم تتوقع المبلغ ؟ّّ!! وجابوا لك الدوري !! بالمقابل إحسب قيمة صفقات الهلال بالموسم الماضي مانقان , اوزيا , هرماش , بوليفار , يوبيونق , ويسلي ,يوسف العربي , مدري بعد ايمانا الموسم الماضي ولا اللي قبلة من كثر ما نبدل ونغير ونهدر من هالملايين !!!!!!!! كيف الحال بس

طيب تخيل لو الهلال جاب مثل اجانب الفتح وش رح يكون ردك؟

وفق الله بن مساعد واعضاء مجلس إدارته لكل خير وللعمل على مايخدم الهلال
وفق الله سامي ولاعبيه لتحقيق الانتصارات
وفق الله كل هلالي يدعم فريقه في كل الضروف....

تقبل الله منا ومنكم صيام الشهر

الاجانب اولا لسا مانقدر نحكم عليهم الا هرماش كلنا عارفين مستواه

اشكر لك حبك واهتمامك بالزعيم

وأتمنى نبتعد عن إثارة الجماهير بمثل هذه المواضيع

اولا اشكرك ع طرح
لكن اتمنى تقبل وجهة نظري في موضوعك
اولا ياستاذي نظرتك قصيرة جداا انا ببدا معك من البداية
اول سوال لك انا اجاوبك عليه
فريق الشباب اجانبه ناااااااااااااااااار
الشي الثاني
عندك الفتح والاهلي والشباب ماعندهم ديون ياستاذي الفاضل

وش اللي كثر الله خير الادارة اللعيبه اللي جت المتردية والنطيحه مع احترامي
نجي للكوري لاعب له سنة ماطق كورة
هرماش لاعب ثقيل وحركة بطيئة تمنيت يكون مكانه صانع لعب لكن احمد محجوب سمساركم اللي وهقكم بالعربي وازيا وبوليفار ومانقان جيبو لنا سمسار حق البلوي(كالون كيتا تشيكو بوشا الفيس والقائمة تطول )

وبعدين تعال وش اللي اتحدى اي ادارة دفعت في محترفينها اكثر مننا
مدرب الاهلي بكم ؟؟
محترفين الشباب بكم ؟؟
حدث العاقل بما يعقل !!

100 مليون ويييييييييييين ع قولت الحوطي نكذب لبي قلبس
وياليتهم ع سنع
نيفيز لما جاء هنا وبدع كان امنيته يلعب مع المنتخب الحين مافيه طموح جاي ياخذ دراهم ويمشي
اراهن ع فشله !!


تجديد!!! ترا مابعد باقي الا عزوز ؟؟

صعبه اني احسبها بس بذكرك بشي

لاتنسي رعاية موبايلي لك 80 مليوووووووووووووووووووووون ريال سنويااا
عبدالرحمن بن مساعد رئيس بالاسم
شغال ع كم عضو شرف واحمد بن سلطان والراعي الرسمي

اتمنى اني وفقت في تعليقي ع موضوعك

واعتذر ان كان فيه اخطاء املائيه الاني كتبتهاا بسرعه

والسلام خير ختام

انا احتج واعترض ومو موافق على كل اللي قلته

رائي الشخصي

هههههههه اما عطوني نادي افضل .. الاهلي افضل . والشباب لسه ما خلص لعيبته
وحنى رجعنا نيفيز وهرماش ومدافع ما طقها من ٦ شهور .. ترا كبرنا على حركات الترييش واحنا احسن ناس ،، ما ضيعنا الا هالدجه

إقتباس الرسالة الأصلية كتبت بواسطة amf هههههههه اما عطوني نادي افضل .. الاهلي افضل . والشباب لسه ما خلص لعيبته وحنى رجعنا نيفيز وهرماش ومدافع ما طقها من 6 شهور .. ترا كبرنا على حركات الترييش واحنا احسن ناس ،، ما ضيعنا الا هالدجه

الاهلي افضل ههههههههههههههههههههههههههههههه
ضحكني تصدق من زمان ما ضحكت
تبي تقنعني ان برونوا سيزار افضل من نفيز الي شارك مع منتخب البرازيل
سؤال تابعته مع فلامنجو
والا مع الهلال ليش فلامنجو تابعته
والا بس عاده اي لاعب يجي الهلال لازم تقول فاشل
وبعدين المندسن اول ما جا طلعوا اصابه مزمنه الادارة تجيب لاعب مصائب يوم عدى الفحص الطبي
جابو عذر ثاني لاعب فاشل
وبالنسبه لهرماش ترى اذا ماكنت تعرف ان الجماهير كانت تطالب برحيله عشان انه محور هجومي والان في محور دفاعي
وبالنسبه للكوري مارح الرد الموضوع بيرد عليك
يا عالم تراه كوري مش خليجي وحق كبسه !! نقاط مهمه لموسم رائع !!

حركات التربيش مي عندنا
وحركات اي لاعب يجي للهلال نقول فاشل مي عندنا
وحركات المندسين مي عندنا
اجل الاهلي افضل
وش افطرت انت؟

مشكوور اخوي ع الموضوع.
انت تبي تحسبها ماليا؟؟؟؟؟؟؟ اوك
بالنسبه .. لـ ( كاستيلو + هرماش + نيفيز ) انا معاك صفقات ناجحه وباذن الله لهم مردود.
لكن الكوري اسمحلي ولو انه وقع الفاس بالراس ولكن اعتراضنا وخاصه انا واتكلم عن نفسي
ان اللاعب عاااطل لمدة عام. ولانه بمليون دولار تروح تجيبه؟ يعني لو ما نجح هالمليون طاير.
ويمكن تصير حالة عناد عند اللي جابه ولازم غصب يلعب. شفنا هالحالات كثير من مدربين
وغيرهم يصرون على لاعب فاشل بس عشن فلان هو اللي جابه ولازم يلعب.
اخرها شف ايش طلع الشمراني من الشباب. عناد برودوم واصراره على تيجالي.
واخرتها هو اللي طلب الغاء عقده ولكن بعد ما طار الشمراني.
ما تعتقد ان المرشدي والمسلم ممكن يطيرون من الهلال والسبب كوري عاطل؟
ليه ما وفروا هالمليون وبلاش لاعب اسيوي. حبكت الا تجيب اسيوي حتى لو عاطل؟
..
لازم تفهم اخوي القضيه مو مجرد لاعب يلعب وشدوا من حيله بالتصفيق يا شباب
وهرج ما يودي ولا يجيب. السالفه ياخوك ابعد من كذا . يمكن يكون لها تأثير على لاعبين
افضل منه وتخسر الكوري وتخسر لاعبينك.
اللاعب المحلي اذا ما يكون غلى قناعه ان الاجنبي افضل منه واحق بالمركز منه
والا بدا يدور فريق ثاني والفريدي اكبر دليل.

كلام عين العقل وموضوع راقي فية كلام العقلاء

باقي نسأل الله يوفق الزعيم ورجالة في المواسم القادمة

الله يعطيك العافية وبالتوفيق للهلال