|
سونج هوان & وعقليات بعض الجمهور! السلام عليكم ورحمة الله وبركاته أنا ما ادري كيف تفعلت معرفات بعض الأعضاء بالمنتدى إذا كتابتهم كذا اللاعب كبير واللاعب عاطل واللاعب في الدوري السنغفوري و و و ... مالك وماله ي رجل خل اللاعب يوصل ويتنفس ونشوف وش عنده وبعدها انا أول واحد يشوته ظفر لن أحكم على اللاعب إلا بعد خمس جولات ... هناك تعالوا حاسبوا سامي وطقته.! جماهير تطير بالعجه ... أذكر بعد تعاقد الهلال مع السويدي وهو اكبر من اللاعب الكوري جاء بعض الجمهور مطفي النور لاعب كبير ومستهلك ولو تسألهم عن ويلي اللحين قالوا يصنف من أفضل اجانب الهلال ... حتى رادوي أول ما جاء وتكلم عنها ابن مساعد أن بعض الجماهير تطالب بصانع لعب وانا رادوي صفقة فاشلة وآخر شيء أفضل أجنبي مر على الهلال بل في الخليج إلى الأن...... لذلك ي شطار ي كويسين وانتم تعرفون أي فئة اخاطب انتظروا والأفضل أنكم لا تكتبون لأنكم بتنكرون أنكم لم تقولوا عن أنه سيء بل انه لاعب كبير وممتاز وتطالبون بتجديد عقده " سامي لن ينجح وبعض الجماهير الهلالية تنتقد (بتجريح)... الان هو وقتنا كاجمهور بأن نساند ونقف صفاً واحد مع الكوتش سامي ومع كل لاعب يحمل القميص الأزرق" وكل عام وأنتم بخير |
بنسبه لعمر الاعب ما اشوفه كبير بالعكس مناسب ... ولكن المصيبه له سنه ما طقه يعنى عاطل وش ينفعن كمشجع بعد خمس جولات اذا ثبت فشله لا قدر الله اعاتب سامى او ابن مساعد ! كان من المفروض ع الاداره اختيار الانسب و الاجهز بعيدا عن التاويلات وسالفه رخيص وكويس |
بإذن الله انا مع الهلال بكل الاحوال بعدين والله (طبعا اتكلم عن نفسي )انه استحي انتقد الاداره وخاصه الرئيس وهو جالس يدفع من جيبه الخاص وانا ماغير اتفرج عالمباريات ، رغم انه الانتقاد عادي بحدود المعقول بس انا لااستطيع تقديرا لكل رئيس يدفع من جيبه الخاص . هذا رأيي انا ووجهة نظري انا ولا افرضها على احد . |
تدرون ان دوريس سالمو قبل مايجي الفتح كان اتوقع 3 سنوات ما لعب بنادي وشششوفوا الحين عمل الهواااااااااايل وصار هدااااااااااااف بس اللي ابغى اوصله ان ما نحكم على اللاعب من خلال مسيرته نحكم على اللاعب من خلال ادائه بالملعب |
إقتباس:
|
انا من العنوان فكرت انك براسك شيء مهم طلعت اغرب حاله تفعل لها معرف كيف فعلوه مدري؟ الحين اللاعبين اذا انتهى موسم. يطلعون اجازه شهر واقل من شهر. يرجعون ويقام لهم معسكرات ينصرف فيها ملايين لاعادة لياقة اللاعبين بعد شهر. وانت تبينا نستعب كلامك اللي على مبدا عطوا سداح فرصه. ياخوك منجان 4 شهور مالعب وجا للهلال ونص الاهداف اللي بمرمانا كانت من صناعته. ورحل بدون اي فائده. تقول ما تحكم على اللاعب الا من رابع او خامس مباراه؟؟؟ اجل ضاع الدوري وانت توك تفكر. هزيمه وحده تضيغ غليك الدوري يابعدي ويمكن تعادل يضيعه تقول خمس جولات؟؟ يا عزيزي ترى اللي عارضوا وجود الكولومبي العام الماضي طلعوا صح. اللي عارضو وجود مانجان طلعوا صح. اللي عارضوا وجود الكوري سو طلعوا صح اذا بتضرب امثله بنجوم تلعب مغ فرق ولياقتها عاليه ونجحت مع الهلال فهذا اللي نطلبه. على قولتك ويلي هامبسون ورادوي بتحطهم مثل الكوري وحالته وتقارنهم. وكيف تقارن عاطل بلاعب منتخب اوروبي وقائد منتخب بلاده بعد. ياخي فوق الله يهديك ولا تيجي تهاجم الناس على اساس انك فاهم. تحيتي. |
:D جمهور لو يجبون افضل مدافع بالعالم عذربوا به طيب اصبر خل نشوفه يلعب مايمدي بس قرقر واجد |
ياخوي قل رأيك ووجهة نظرك بس عقليات الجماهير مو انت اللي يحددها ويقيمها كل شوي طالع لنا واحد عقليات الجمهور عقليات الجمهور .. |
اللي يشوف عمره 31 عشانهم مبزره اعمارهم 12 او 16 او18 يشوفنه كبير عليهم وعجوز وجد بعد ...الله يكفينا شر المبزره والمندسين |
ومازال موال الجماهير الهلاليه بنعت بعضهم البعض بالمندسين اذا خالفت رأيك لا اكون مندس وبالنسبة للاعب الكوري صدقون عندي شعور انه راح ينفع الهلال ع الاقل بالخبرة "بإذن الله" ولو حصل عكس ذلك ف هنااك لاعب لم يأخذ فرصة وهو "يحيى مسلم" اتمنى اننا ندعمه لانه لاعب ممتاز ارجع واقول للمره المليون خلونا يد وحده مع اللاعبين حتى لو كاان اللاعب دجه رااح يخرج كل ما في جعبته لإرضاء الجمااهير شكرا لصاحب الموضوع وتقبل مروري |
للناس اللي مزعجينا بعمره ترى المولد اللي ازعجتوا الإدارة فيه عمره 30 والدفاع محتاج لاعب خبرة , والإدارة ماتعاقدت معاه إلا انها دارسه موضوعه زين والله يكتب اللي فيه الخير |
المدافع اذا كان عمره 30 او 31 يكون شي كويس ورائع ويكون له خبره مو لازم يكون عمره 23 او 25 عشان يكون صلب واغلب المدافعين اعمارهم توصل لـ 30 وننتظر ونشوف |
إقتباس:
|
إقتباس:
سبحان الله تبون لاعب 100% بـ 100% يبدع والا صفقة فاشلة ي اخي قدر الله وفشل بتموت ؟ خلاص ي اخي وقع مع الهلال واصبح لاعب هلالي سواءً رضيت والا ما رضيت |
إقتباس:
تعال صدتك انت من ضمن الفئة اللي تكلمت عنها عمرك اقل من 20 لذلك لا استطيع التحدث معك |
إقتباس:
|
إقتباس:
شاااكر لك مرورك الله يعطيك العافيــه شاكر لمرورك :smilie47: |
إقتباس:
اللهم لا تؤخذنا بما فعل السفهاء منــا اللهم إني صائم |
يا بزر السفه انك فرد تسفه عقول جمهور بالكامل..استح شوي استح. قام بعض البزران يردد اسلوب الجاسر مع الجمهور |
إقتباس:
كلام سليم كثر الله من أمثالك |
"حكاية عطر" بصراحة أخي الكريم.. بعض الجمهوراصبح متشائم ويصدق ما يسمعة من الاعلام المعادي.. وخصوصا في الفترة الاخيرة.. واصبح لا يطيق الانتظار ..وهو ما يسبب الضغط ع اللاعبين في المقام الاول.. واصبح الجميع يفتي بنجاح او فشل لاعب.. من وجهة نظري المتواضعة.. ان هاذ موسم استثنائي للهلال مع الكوتش سامي.. نجاحة x 2 وفشلة لا سمح الله x 3 يعني لا وقت للنقد لمجرد النقد نبي مؤازرة وحضور للملاعب .. واغلاق الاذن عن كل ما يكدر والله يوفق زعيمنا |
إقتباس:
اللهم لا تؤخذنا بما فعله السفهاء منا اللهم إني صائم :to: |
للناس اللي مزعجينا بعمره ترى المولد اللي ازعجتوا الإدارة فيه عمره 30 والدفاع محتاج لاعب خبرة .. |
هل وجود راي مخالف لرايك يعني انهم مخطئين ؟؟ كل شخص له تمام الحريه بسرد مايراه ولك حرية الرد بدون اسفاف او تقليل من الشخص المخالف لرايك صحيح انه مطلوب مننا دعم جميع اللاعبين بدون استثناء لكن ان تصادر حرية رايهم فانا مع احترامي لك ليس من حقك كلنا نعشق الهلال وكلنا نريد له الافضل .. كما اتوقع ذلك منك كلنا يجمعنا حب الزعيم حتى لو اختلفت ارائنا * ملاحظه: لدي عتب بسيط على بعض المفردات في موضوعك اتمنى انك تراجعها مثل جملة " اشوته ظفر" ؟؟!! تحياتي |
صدقني لو سامي يجيب ميسي راح يقولون لاعب حقق كل شي من بطولات والقاب شخصية مع برشلونة وش طموحه مع الهلال شكله يبي فلوس بس يارجال خلها على الله بس |
عندما ننتقد المدافع الكوري تشو سونغ , فنحن ننتقد لاعب آسيوي و ليس أوروبي , معظم الآسيويين , يهلكون في الـ 30 من العمر !! وأسلوب " ارغام الآخرين على اتباع ما أقول " , قضى عليه الدهر منذو سنين , يجب أن تحترم جميع الآراء إن كانت صحيحة و تحت دائرة النقد البناء ! |
لا لا غلطان ياخوك لازم اي واحد من الجمهور يبي اللاعب الفلاني نجيبه واذا رفض الجمهور المعارض نجيبه برضوا مانجيبه واذا تساوى الجمهوران المعارض والمؤيد نجيبهم كلهم هذا جمهور كلمته مسمار بلوح ماعنده لنصاف الحلول لا يعني لا ايه يعني ايه وبعدين الجمهور ماينقد بسرعه لا حسب خبرته يشةف اللاعب بعد الدور الاول يقيمه جمهور فكره عالي والاداره ماتعرف مصلحة الفريق مثل الجمهور اقول تبي الصدق عاد جمهورنا معاهم معاهم عليهم عليهم الا من رحم ربي |
:alzaeem:::سبحـــــــــــــان الله:alzaeem: |
بالتوفيق للهلال والف شكر لك |
لا نقعد نلعب على انفسنا الcv حق اللاعب مايشجع بغض النظر عن عمره لكن صار اللي صار ووقعت الادارة معه واللي علينا الحين ندعمه ووالله اني اتمنى نجاحه مع الفريق ويكون توقيعه مع النادي سنين موب سنة لكن مثل ماقلت الcv حقه ما يأهل |
إقتباس:
اقسم بالله رد مبدع اهنيك اخووي على هالرد قوي جدا ومن جد هذولا من فئه ما تحت العشرين سنه المفروض يتكلم على فئه الشباب والناشئين وتحياتي تنكتب كذا تحياتي لك صاحب الموضوع الزعيم محتاج لامثالك |
إقتباس:
أخي العزيز وعذرا على التطفل ,, بعض التعلقيات وردود الفعل من الجماهير يكون مبالغ فيها ,, أنا قرأت هنا في المنتدى تعليقات غريبة جدا جدا جدا ,, تخيل شخص يقول " هذه الصفقة صفقة فاشلة " وإلا شخص آخر يكتب " صمنا صمنا وأفطرنا على بصلة " أين النقد البناء والهادف من هذه الردود ,, خصوصا صاحب مقولة صفقة فاشلة اللاعب ياجماعة إلى الآن لم يلمس الكرة ..!! وكلنا قرأنا تصريح فهد المفرج لما قال أن مستحيل الهلال يجيب لاعب مصاب أو صفر لياقيا ,, فأكيد أن سامي الجابر متابع اللاعب وعارف كل شئ عنه ,, ضف على ذلك ماقاله أيضا فهد المفرج بأن نادي اللاعب السابق تشيونبوك الكوري كان يفاوضه أيضا مع الهلال ,, والله لو بدأ الموسم وشاهدت اللاعب في مستوى منحدر لاسمح الله أنا أول شخص سيقول بأن الصفقة فاشلة ..!! مع توقعاتي بأن هذا اللاعب سيكون الأفضل من بين لاعبي الهلال وواضح هالشئ من حماسه ,, |
إقتباس:
|
دعو الموسم يبداء ثم احكمو على كل الاجانب وان شاء الله يكونو قدها كل الاجانب يارب ويكونو بالتب يارب |
السلام عليكم تعريف بـ "حكاية عطر" مربي اجيال وماجستير ويطلعلي واحد يقيم واحد من اساتذته يا عيب الحين عمر الكوري 31 وشايب وكاستيلوا 31 ورا ما قلتوا شايب لكن واضح تأثرهم با الاعلام الاصفر ياناس كم عمر نايف القاضي وسياف البيشي وماجد المرشدي واسامه المولد ومحمد عيدواسامه هوساوي لا وهذا لاعب دولي سابق ومحترف مو احترافنا حنا اذا انقطع طلعت كرشته شوفوا جسمه وسامي يستقبله ويوم يقول خمس مباريات معناها الانسجام والدخول مع المجموعه ومعرفه طريقه لعب الفريق ارجوا من الاخوان الابتعاد عن الالفاظ غير الحسنه نحن اخوان وزود يجمعنا حب الهلال اما الي يصطدون بالماء العكر يكفي انا مشغلينهم حتى منتدنا ما خلوه لأنهم عارفين من الي محجم فريقهم وموصله لهذه الحاله الا متابعتهم لفريقنا والبحث عن العثرات خلوهم يموتون بغيظهم ولا حول ولا قوه الا بالله تحياتي |
بااذن الله اللاعب الكوري راح ينجح مع الهلال الحكم النهائي على اللاعب يكون بعد مرور النصف الاول من الدوري |
الله يستر على دفاع الهلال السنة الجاية الحافظ صغير و نادراً يلعب مع فريقه البرتغالي و ما عرفنا مستواه الكوري عاطل سنة كاملة الاظهرة مافي الا الشهراني و الباقين صفر عالشمال ! |
ببــجـــدد كــلامـــك صــحــيــــح |
شكراا ع طرحك لكن تمنيت تستخدم الفاظ افضل من ياشطار احتراماا لعقولناا ثانيا ياخي الكريم انا لما اجلب لعب اشوف السي في حقه اذا ع كذا نجيب لاعب رخيص نجربه يمكن يفلح معنا فريقنا مو للتجارب من ناحية ثانية كلامك سليم ويلي ورادوي طيب وين الباقي ؟؟ صبرنا عليهم وبعدين ؟؟؟ طار الدوري علينا ثالثا من حق الجمهور ان يعطي رايه رابعاا اتمنى ان تتقبل تعليقي بصدر رحب |
التجهيزات الهلالية والعمل الجبار الي يقوم به الاسطورة سامي من تدريب واختيار لعيبة بإذن الله سترون ثماره في اول مباراة في الموسم .. لكن ماعليكم الا الصصصصصبر فقط الصصصصصبر .. |
| الوقت المعتمد في المنتدى بتوقيت جرينتش +3.
الوقت الان » 08:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd