الله يوفق زعيمنا يارب هذا الموسم

بصراحة انا اول من عارض انتقال السبيعي للهلال

لكن بما انه انتقل للهلال نتمنى له التوفيق

في كرة القدم مافيه شي اسمه اتوقع .. اللي بيعطي في الملعب بيلعب واللي مهب معطي بيقعد في الدكة ..

السبيعي ولا السديري ماتفرق معنا كا جمهور المهم يلعب الافضل .

موضوعكـ حلو يالغاليـ


.....

السبيعي حارس ليس لديه الامكانيات التي تؤهله لحمايه عرين الهلال في بطولات يوجد بها منافسين اقوياء للزعيم
والله اقولها وانا متأكد بانه لاعب اقل من عادي
يكفي انه بطئ وثقيل وقفزاته وهو واقف لا للحارس اللي تقول مقاتل وحرك (وراح تلاحظون هالشي اذا لعب)
واتوقع التعاقد معاه سببه فقط ليحمس السديري باسم المنافسه لحين عوده شراحيلي من ايقافه !

مافي حراس بالسعوديه
ولاتفرق معي اي واحد يمسك
ولو اني تمنيت الشمري الموسم الماضي واللي قبله ولكن ليه مايلعب ماتدري
وليه تعاقدوا معه ماتدري

مستقبل الحراسه السعوديه هو فهد الثنيان حارس نادي التعاون

حارس متكامل وفيه صفات الكبتن .. استغرب عدم شرائه بدل السبيعي

السبيعي جيد وقدم مستويات رائعه مع الاتفاق .. وبالتوفيق له مع الهلال

لن نحكم عليه قبل بدايه الموسم ..

كان طموحنا فهد الثنيان .. لكن فايز فيه الخير والبركة إن شاءالله ،،،


بس مرة ثانية الله يخليك لاتمدد الحروف ..

اهم شيء ياجماعة الخير بلاش السديري تجي فيه اهداف اقسم بالله تنرفز عالاقل بعض الحراس تجي فيهم اهداف لكن يبردون كبدك يحاول يطلعها اما السديري اي كورة عرضية تدخل قول
والدليل اهداف الشباب علينا وهدف الراهب وهدف لخويا اظن وخلوها على الله لكن تبون الزبدة الشمري اصرف منهم الاثنين ولا ادري هالادمي يا اما انه محارب من احد بالنادي يا ان حظه كذا

اأنا اتفق 100 % السبيعي ماينفع يكون أساسي ... السديري أفضل وأسرع وأكثر لياقة بمراحل نكذب ؟

بعدين سوء مستوى السديري مو منه فقط الخط الدفاعي كامل كان عليه ملاحظات .... فسوء الدفاع يؤثر على مستوى الحارس وأنا أشوف في السديري حارس المنتخب الأساسي القادم بس عطوهـ شوي ثقة ودعم وراح تحصلون خليفة الدعيع

السبيعي مستواه ممتاز كان مع الاتفاق بس اللي نعرفه هبط مستوى نادي الاتفاق كامل وكل لاعب تجي له فترة هبوط اذا السبيعي والسديري حصلوا مدر حراس ممتاز ودعم اداري وجماهيري بيتغير مستواهم

من شفت حركاتك في الكتابه عرفت ان ما عندك سالفه