ياجماعة الخير ترى التشجيع ماهو بالطريقه التي في رؤوسكم ....الرياضه تجعل الشخص يملك اخلاق عاليه وميدانها الملعب فقط .......ماجد حقق هداف الدوري 6مرات مع البطوله وماجد اعتزل اللعبه زمان.. وعمره الان 55 سنه وتراه مسلم ومواطن خدم المنتخب السعودي ورفع رؤوسنا عاليا وابكانا فرحا عام 84م عندما تأهلنا لاولمبياد لوس انجلوس وثم حصلنا على كاس اسيا ولاول مره نشم ريحة البطولات
فوالله انا كمشجع ومن جيله لاانسى هاللاعب وماقدمه ولو قابلته يوما ما ساسلم عليه واشكره من كل قلبي وهذي هي الرياضه
انتم لايهمكم الناس الشوارعيه ومايكتبون عن الهلال ونجومه ولاتنزلون لمستواهم بل يجب ان ترفعونهم الى مستواكم
ولايجب لانحن ولاهم ان ندور في دائره مغلقه كمن دعي عليهم (اللهم اجعل حيلهم بينهم) وهذا مايحصل بيننا وبين النصراويه ولا هذا هو التشجيع السليم
الحارثي الان هلالي والله والله وانا مسؤول عن كلامي لو اعطي الفرصه في الهلال فلن يقدم الشمراني ولانصف مستواه اللاعب موهوب والموهبه لاتموت ابدا مع الزمن فقط يريد من يمنحه الفرصه ويرفع من معنوياته وستجدون سعد الخلوق يبدع
لكن دائما ارى في هالمنتدى شبابا صغار مستعجلين على كل شئ ومركزين على هداف الدوري .....هداف الدوري حققها لاعبون من الهلال كثر ومن الرياض ومن الشباب وهي متاحه اذا كان مهاجم يلعب الدوري كامل ومعه وسط يغذيه بالكور ويعتمدون اعتماد شبه كلي عليه بالتهديف
في الهلال كل لاعبي الوسط يهدفون والقحطاني اذا راى زميل له اضمن في التهديف وضع له الكره ...اما الاخ الشمراني فهو من النوع الذي لايصنع لزملائه يستفيد هو منهم ولايستفيدون منه ونحن نريده يلعب بروح الجماعه فنحن نريد البطوله اهم شئ عندنا وهداف الدوري يسجل للاعب وليس للهلال