|
سامي لا تستعجل باختيار اللاعب الاجنبي ولو تم التوقيع قبل فترة الانتقالات بدقيقة بسم الله الرحمن الرحيم السلام عليكم ورحمة الله وبركاته . ابارك لكم بقدوم شهر رمضان الكريم وجعلنا الله من صواميه وقواميه وكل عام ونحن من الله اقرب , وبعد : أعزائي عشاق الملكي سؤال لو سمحتوا كم نسبة نجاح او تأقلم اللاعب الاجنبي عندما يشارك في المعسكر الخاص بالفريق ؟ انا من وجهة نظري انها لا تتعدى ال 20% لانه في الاخير راح يلعبوا مباراتين الى ثلاث مباريات على الاكثر . بعض الجماهير تضغط على الادارة بشكل غير طبيعي , ليه ؟ تذكرون ويسلي لوبيز متى وقع ؟ قبل نهاية فترة الانتقالات بساعة فقط والكل يعرف كان ماكينة اهداف في عهد كومبواريه لما كان رأس حربة . هل حضر معسكر الفريق ؟ طيب تعرفون لاعب الاهلي برونو سيزار ؟ متى حضر للاهلي ؟ حضر في فترة الانتقالات الشتوية ولم يحضر معسكر ولا غيره . شوفوا كيف وسط الاهلي بحضوره واداءه الكبير . اللي ابي اوصله لكم اخواني الكرام ان التأقلم والانسجام نفسه ترجع للاعب نفسه على نفسيته وعلى مدة تكيفه مع الفريق بعضهم يوم بعضهم اسبوع بعضهم شهر ويلهامسون الله يذكره بالخير ما تأقلم الا بعد 8 او 9 مباريات اذا تذكرون طارق التايب حضر متأخر وتأقلم من اول مباراة شارك فيها وكنت وقتها حاضر المباراة اعتقد كانت امام الطائي وقدم مستوى كبير من اول مشاركة . يعني ما فيه قانون في كرة القادم يقول لابد ان يدخل اللاعب المعسكر لينسجم سريعا . أعزائي : لا تضغطون على ابو فيصل ولا لمدربنا الجديد او بالاحرى لا تطفشونه وهو لسا ما قال بسم الله . رسالتي لسامي الجابر . لا تتعاقد الا مع لاعب ذو امكانيات عاليه ولو تأخر التوقيع لآخر دقيقة من انتهاء فترة الانتقالات الصيفية . وجهة نظري المتواضعة وبانتظار رأيكم مع التحية هلالي اشبيليا |
اخوي انا معاااك باختصار الكوري ومانغان من اول الاعبين الموجوين المعسكر ولا سووا شي يذكر وويسلي جاء في اخر يوم انتقالات وبدع الدور الاول الاعب البرازيلي يسهل انسجامه وتأقلمه مع الوضع فالسعوديه اكثر من اي لاعب |
اخوي كلامك جميل واحترم وجهة نظرك بس بقولك شي سامي مدربنا في المؤتمر الصحفي قال انا حريص على تواجد الاجانب من أول المعسكر لأن ذلك مهم لنجاح المعسكر وأعتقد أن سامي أفهم مننا في أهمية وجود اللاعب في المعسكر المعسكر مهم جدا من ناحية اللياقة لأنهم هناك غالب التدريبات لياقية وتمارين مكثفة عشان ترفع المعدل اللياقي للاعب والجو في النمسا يساعد على هذا الشي غير كذا اللاعبين لما يكونون مع بعض في المعسكر تزيد نسبة الانسجام والتأقلم أعتقد ان الادارة بتأخيرها في حسم الصفقات الأجنبية خذلت سامي ! |
هذا الكلام الصح. وأذا الجابر. أعطى وعود بانتهاء ملف الاجانب سريعا. وماصار. فهو في الاخير مشيئة ربك. خلو الجابر يشتغل. وخلونا ندعم الفريق فقط. |
إقتباس:
والمدافع راح يكون اكيدد دولي يعني مشارك مع المنتخب +الدوري باقي عليه اكثر من شهر و10 ايام وشكرا |
كلامك صحيح اخووي بالتووفيق لـ سامي في اختيار الاجانب وان شاء الله يكون مستوى عالي منهم بالتووووفيق للملكي |
بيض الله وجهك ... هذا الكلام اللي المفروض كل داعم وكل محب وغيور على النادي يقووله مبارك عليك الشهر ياعزيزي وجميع الامه الاسلاميه دمت بود:rose: |
سامي مو فاضي يجي يقرا موضوعكـ خخخخخخ |
أمحق وش ذا المخ......................... |
طيب نصبر بس تجيبو واحد ينسينا صبرنا |
إقتباس:
كلام سليم اخي العزيز عوافي ع الرد |
إقتباس:
سامي قال انا حريص لانه عارف انه مو أي لاعب ممتاز راح يوافق يجي للسعوديه ووضع احتمال التأخير لرفض العروض المقدمه وبالنسبه للياقه والتمارين اكيد مارح يجي لاعب الا ولياقته عاليه استثني مانغان لان كومبواريه طلبه بالاسم ولاتنسى اخي العزيز ان المفاوض هو سامي نفسه والاداره سلمته الخيط والمخيط تحياتي لك |
إقتباس:
منور يالغالي |
يعطيك العافية على الطرح الهادف ................... |
إقتباس:
منور اخي العزيز فيصل وان شاءالله يتوفق سامي باختيار البقيه |
| الوقت المعتمد في المنتدى بتوقيت جرينتش +3.
الوقت الان » 08:04 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd