ياسر ما يحتاج ولا عليه كلام والاعلام الاصفر والله ياهو قاعد يشن عليه حملات نفاثه وعلى رأسهم الهريفي اللي ما ادري وش يبي من الهلال ولاعبينه .

شي طبيعي الأصابه في ياسر كل موسم يصاب اكثر من اصابه والحين الإصابات بدأت معه من المعسكر أما موضوع صانع لعب زي الناس كان عنده التائب و ويلي ما صار هداف وكان عنده ويلي ونيفيز والشلهوب بعز مستواه ماصار الهداف .
ياسر لاعب جيد بس عطيناه اكبر من حجمه وهذا اصابه بالغرور كل همه انه يطلع من المباراة بصور سنيمائيه لو يركز على اللعب ياسر راح يآخذ هداف الدوري الموسم الجاي

كبيير ي ياسر
ومشكوور ع الاحصائية

اتفق معك بان ياسر لاعب جيد واقول بانه جيد جدا
واختلف معك في البقية ،،

كيف اتفق معك بانه لاعب جيد وبنفس اختلف واقول انه جيدا جدا
الاتفاق يكون في انه ليس لاعب خارق او سوبرمان او مان اوف استيل النسخه الجديدة :s2:

بالنسبة للقب الهداف فهو مجد شخصي ، وصدقني يقيناً لو ان ياسر هداف جميع البطولات لقالوا بانه لايهتم الا بالقابه الشخصية ولا يهتم بالفريق

ايضاً ، اي هداف تجده منفذ لركلات الجزاء ولا تخلو اهدافه منها
ياسر ليس من النوع الذي يبحث عن المجد الشخصي لذلك تجده لايهتم بالبلنتيات
فيتركها للشلهوب وويسبي لوبيز ومن قبلهم رادوي ووليهامسون وغيرهم

لو انه بالموسم الفائت ركض خلف البلنتيات بدلاً من لوبيز لاصبح الهداف وبفارق

العبرة في الفريق وياسر ليس الفريق ، تأخرت كثيراً ، عندي بكرا اختبار ماث بطلع اذاكر
لاتبخلون علي بدعواتكم في اول ايام رمضان

وفقني الله واياكم ،، سلام

ياسر من افضل المهاجمين اللي مروا على تاريخ الكره السعوديه والهلال وبالنسبه للاخوان اللي يقولون
ماعمره حقق لقب الهداف فهذا بإختصار لأن ياسر لاينظر للإنجازات الشخصيه اكثر مما
ينظر لمصلحة الفريق بشكل عام ولو كان همّه تحقيق لقب الهداف ماكان حقق
البطولات اللي حققها مع الهلال وبالنسبه للأخ اللي يقول جمهور ياسر وجمهور مدري من احب اقول له
مافيه شي اسمه جمهور ياسر فيه شي كبير اسمه (جمهور الهلال) وأي نجم يخدم الفريق لازم ندعمه
كلنا وبدون تفريق بين هذا النجم وذاك.
كل الشكر لصاحب الموضوع ويعطيك العافيه.
وقبل لا انسى احب اقول كلمه بخصوص الإداره
الإداره اللي ماقصّرت مع الفريق ومع الجمهور ولازم ندعمها بكل قووووه مو على اي اخفاق ارحل يابن مساعد
وكأن الرجل شغال عندنا،،الرجل قاعد يدفع من جيبه الخاص ومو مقصّر بأي شي يخدم الفريق
جدد مع القرني والعابد وسلوم والبيشي وجلب الشمراني والشهراني والحافظ
وتعاقد مع نيفيز وتعاقد مع الكوتش سامي وما ينقصنا فقط سوى التوفيق وبإذن الله انه حليفنا
وسلامتكم.

بقولك حاجه ليش ما تقول وين الهلال قدام الاتحاد يعني انت انت يالفاهم تخيل انك تنصاب الله لا يقوله وتجي وانت باقي فيك اثار الاصابه ويدخلك المدرب عشان ضغط الجماهير وانت مو جاهز وش بتسوي يا اللعيب والله لو كان رونالدو براسه وهو مصاب ما يسويلك شي ويكون عله ادارة تقلب على نجم نقول عادي بس جماهير تقلب على واحد من ركائز الفريق هذي خياااااانه لا ويجونك يسبون اللاعب بألفاظ عيييييب تنقال وهو لاعبهم فيه فرق بين النقد والشتم والتجريح انا كنتةفي نقاش معا اهلاوي قام يسب جماهير الهلال قلتله ليش قال انتوا تطلعون للاعبينكم القاب و تسبونهم بأنفسكم وترجعون تشتكون تقولون وين لجنة الانظباط عن الجماهير اللي تسب لاعبيننا اسفع الاطاله ي حلوين وكل. عام وانتوا بالف خيررررر

الهلال بحاجه لمهاجم يفترس الشباك . محب للانجازات الفرديه ايضا
الانجازات الفرديه مثل هداف بطوله معينه تعطيك مهاجم مايرحم الشباك مفترس ويستغل الكرات .


بالتوفيق لجميع مهاجمين الهلاال من اقدمهم لاجددهم ولست محارب لاحد .

s13s

وكأني ارى ما تعرض له الاسطورة الاسيوية سامي الجابر قبل الاعتزال بسنتين كانت ارقامه تتحدث لكن بعض الجماهير انجرفت مع الجمهور الاصفر وبدأت بمحاربته والمطالبة بالاعتزال

اللي يقول جمهور ياسر , جمهور ناصر , جمهور سامي , جمهور اللي هوه
اقول مابوه جمهور لاعب كلنا هلاليين وبعدوا التخلف
بعدين مشكورين كل اللي مروا من الصفحة

واللي يشكك بالارقام يعيد يسوي الاحصائية وبيتأكد

الى الحين ماشوفه يقدم مستوى قريب من مستواه 2007 ، لكن هالموسم ياسر تحسن .
وممتاز بالمساحات الضيقة لكن يبيله يخفف وزنه حتى يصير اكثر مرونة .

لا تعليق خلونا في الفريق و الموسم الجاي واترك اللي راح يمكن الموسم اللي يجي ياسر يمسك مكانه في الدكه ويمكن يثبت نفسه ويمسك اساسي بس مشكلتنا احنا لا انخفض مستوى اللاعب النجم صرنا نحط احصائيات وما اعرف ايش وقسمت وضربت وناتج وبرهان

ياخي بعض الناس مدري وش تبي بالضبط
ياخي ارقام واحصائيات اماك وتقول مطبل
تضحك على مين انت
لا وبعض يحاول من التفريق بين ناصر وياسر
ليشعل الفتنه
ياسر وناصر عينان ي راس
ومشكور ياصاحب الموضوع موضوع متعوب عليه
وما عليك من المندسين

الله يعين كل هذا التحطيم ولسى الدوري ما بدا

والله احيان اشك ان هذا جمهور الهلال!
لايكون خاش منتدى ثاني وانا مادري ههههههههه

شباب ياليت تنسون الموسم الماضي نهائيا وتدعمو اللاعبين والله اني متفائل تفاؤل لا يعلمه الا الله ومنتظر على احر من الجمر متى يبدا الدوري

ياسر لاعب هلالي= يجب دعمه

اصلا ياسر من له بعد الله غيركم . يكفيه جمهور الفرق الاخرى وتحديدا جمهور الاصفر مافيه مباراة الا وتغنو باهزوجتهم
واكبر دليل ع انه متميز ومن افضل المهاجمين انه محارب من جميع الاندية!

الشي الثاني الناس اللي تقول انه ماحقق هداف الدوري ولا مرة وناصر لازم يلعب اساسي ... اقولهم:
انا كلي ثقة بسامي وسامي راح يختار الانسب باذن الله
الشي الثاني ياسر يستحيل ان يكمل موسم بدون اصابة الشي الثاني مايشوت البلنتيات فاكيد صعب انه ياخذ هداف الدوري .

جهد مميز بارك الله فيك
 

يعطيك العافية ما قصرت مجهود كبير يستحق الاشادة فيه



دائما وابداً لغة الأرقام هي اللغة الوحيدة التي لا (( تــــكـــــذب )) شاء من شاء وأبى من أبى



من حصل شيء يستاهله و مازلت عن وجهة نظري بأن ياسر المهاجم الأول بالسعودية حالياً