|
رسالة الي الكابتن/ سامي الجابر ألا تعلم ان خط الظهر هو اللي يكسر الظهر أين قلب الدفاع حتى الآن أرجو ألا تذهب الوعود سدى بسم الله الرحمن الرحيم تفاءلنا خيرا بقدوم المدرب والاسطورة / سامي الجابر عندما استلم زمام الامور في الفريق الاول وتوليه صفقات التعاقدات الاجنبية بالذات وترك الخيار له لكي يقوم بإلغاء عقود اللاعبين الاجانب واستقطاب لاعبين على مستوى عال في جميع المراكز ومن أهم هذه المراكز مركز قلب الدفاع الذي يئن منه الهلال كثيرا إلا أن هذا المركز لا زال يشغل الهلاليين الي حد أن يضعوا أيديهم على قلوبهم نتيجة عدم الاهتمام بهذا المركز - بل أن سامي الجابر قام باستقطاب أجانب في مراكز يستطيع اللاعب المحلي تغطيتها سواء في المحور بوجود القرني والغنام أو في صناعة اللعب بوجود العابد وسالم الدوسري والشلهوب وعبدالعزيز الدوسري وغيرهم من اللاعبين الشباب الصاعدين هذا الموسم وكذلك حتى مركز الهجوم يوجد به نخبة من المهاجمين المحليين ع مستوى عالي أمثال القحطاني والشمراني ويوسف السالم وفهد الجهني - أما الاظهرة فهم الافضل محليا حتى الآن - إلا أن تجاهل سامي الجابر في البحث عن مدافع أجنبي متمكن يترك علامة استفهام كبيرة لدى الجماهير الهلالية بجانب المرشدي النكبة أويحي المسلم الذي لم يلعب مبارتين متتالية - إضافة الي عدم وجود بدلاء لهذين اللاعبين في خط الدفاع فكيف يتم التعاقد مع لاعبين في جميع المراكز التي يوجد بها لاعبون محليون أكفاء ويترك المركز الحساس والمهم في الفريق الذي أصبح الشغل الشاغل في الاعوام الماضية ولا تقولوا أن الحافظ بيغطي مكان المدافع الاجنبي حاشى وكلا فالمدافع الاجنبي الصلب يجب أن يكون متواجدا في الفريق قبل نهاية معسكر النادي بالنمساء وإلا فإن معنى ذلك أن الفريق بسيرأعرج و على ثلاث قوائم فقط لذا فإن علينا معشر الهلالين أن نصبر حتى نرى ماذا سيحدث في حالة عدم استقطاب لاعب اجنبي في مركز الدفاع وبشرط أن تتوفر به مقومات المدافع الصلب والمنقذ وإلا على الدنيا السلام - علما بأننا لا زلنا نتفاءل من المدرب / سامي الجابر بأن يعجل بالتعاقد مع مدافع شرق آسيوي بعدما اكتمل عدد الاجانب الثلاثة الاولين مثل الاكوادوري وعودة هرماش وعودة تياقو نيفيز وهذا سيجعل - اللاعب الآسيوي يكون الخيار والحل الوحيد للتعاقد معه - فإما أن يحضر الكابتن/ سامي مدافع شرق آسيوي أو خليجي - وكأنك يا ابو زيد ما غزيت - وليته تعاقد مع مدافع من امريكا اللاتينية أو من أفريقيا لأنهم يتمتعون بالصلابة والقوة - ع العموم سامي أبخص بفريقه ولكننا كجماهير هلالية نعرف الخلل أين يكون بالفريق والمراكز التي يعاني منها الفريق ألا وهي قلب الدفاع وصانع اللعب والمهاجم القناص - المهم سنكون عونا وسندا للكابتن - سامي الجابر حتى لو لم يحقق الهلال النتائج المرجوة لا سمح الله فلا يلام المرء بعد اجتهاده -------- والله من يوفق الهلال وسامي وكل من يحبهما - والله من وراء القصد---- |
ياخي احسكم زي مرسي والمصاريا تراه يدري اكثر منك انه يبي مدافع �� |
الإدارة ماقصرت فاوضت واتفقت مع مدافع ولكن وش نسوي نروح نجيب الكوري يلعب معانا بالغصب بالنسبة للمدافع الصلب جابوا مانجان وما اعجب كثير من الجمهور مع انه مطلب الان لليل ومرسيليا الفرنسيين أتمنى فقط كجمهور تقدروا جهود الادارة ولا تحاولوا تضغطوا عليها الضغط على الادارة راح يفقدهم التركيز في عملهم .. ياليت اذا ماعندنا كلمة ندعمهم بها على اقل تقدير نسكت أفضل |
ماتقوم به الاداره حاليا هو مجهود مميز ولم تقصر ان جلب حارس ومدافع محلي احترف في البرتغال وتسعى الان بالتعاقد مع مدافع اجنبي عمل يحسب للإداره فقط نصبر ونحفز ولا نستعجل بالحكم على الفريق والموسم لم يبتدئ . بالتوفيق للزعيم .. |
اظاهر سامي مايدري ان عنده مشكله في الدفاع مشاءلله عليك انت للي تعرف وع حد علمي ان الدوري بيبداء بعد بكره |
إخواني السلام عليكم ورحمة الله وبركاته لقد وضع الأخ زعيم جيريتس يده على الجرح فعلا الدفاع لم تحل مشكلته إلى الآن وهو نقطة ضعف الهلال أرجو أن ينتبه سامي والمعنيون بالأمر لذلك والله ولي التوفيق |
اللي عجبني فالموضوع كله العنوان نصه فصحه ونصه عاميه الا تعلم < - فصحه هو اللي <- عاميه خط الظهر <- فصحه ياعيني عليك لبى قلبك ^^ بس قلت نغير نفرفرش الموضوع شويات ^ـ^ وربي يوفق زعيمنا : ) |
المرشدي سبب انتكاسات الهلال محليا و اسيويا |
لو عليه جاب مدافعين بايرن ميونخ بس الظروف هي الي تحكم |
انا متفائل خخخير ان شاء الله .. م ابي اكذب عليك واقول ماني متخوف .. واللي مخوفني الدفاع وانه ما تم التعاقد مع مدافع اجنبي لككن بنفس الوقت واثق بالزعيم لان وراهه رجال " |
إقتباس:
يبيداء < هذا عربي بالله ؟ اظاهر < هذا عربي بالله ؟ مشاءلله < هذا عربي بالله ؟ للي تعرف < هذا عربي بالله ؟ وع حد < جاي تستفرغ بالمنتدى ؟ وش اللي وع هههههه |
إقتباس:
ماشاء الله تبارك الله ، هذا الناقد ولا بلاش :) أجل ( فصحه ) هاه ؟؟ ههههههههههههههههههههه فصحه ولا حصه ؟ |
اخوي كلنا نعرف ان الدوري باقي عليه اكثر من 40 يوم والاداره ماقصرت وسامي ايضا اتفقنا مع الكوري وسحب علينا لاتخاف وانا اخوك الذيب مايهرووول عبث |
معقوله الى الان ما تعاقدنا الا مع لاعبين اثنين وين الباقي وين الي واعدونا فيه عمود فقري دفاع محور صانع لعب مهاجم ليه كل شي تغير وتبخر ليه طيرونا وفروحنا بالشمراني ونسونا الاعبين الأجانب الي وعدونا فيهم أنا واحد من الجماهير ابي مهاجم مثل فكتور ياعالم مهاجمينا مستواهم واحد والفرق بسيط ماهي المسائلة القاب زلزال وقناص f16 زلاتكو قال ابي لاعب مهاجم يصنع الفرق اما لاعبينا الشمراني وياسر لعبو في المنتخب في البطوله الخليجيه ولا صنعو الفارق بل بالعكس خرجنا مبكر ياعالم ابي مهاجم برازيلي وصانع لعب برازيلي إحنا في المنتخب ناقصنا المهاجم مافي لاعب خطير يصنع الفارق ياسر او الشمراني او السالم او هزازي او السهلاوي كلهم مستواهم متقارب شيل هذا وحط هذا إحنا فرحانين بالشمراني وفريق الشباب فرحان بهزازي يعني مستواهم متقارب تتوقعون راح نجيب بطولة الدوري بالمهاجمين ذول أبسطها يعني لو المنتخب يقدر يجيب ويشتري لاعبين اجانب ماراح يشتري ويقول ليه اشتري وجلب من البرازيل ونا عندي افضل المهاجمين ياسر والشمراني والسالم تتوقعون بالمهاجمين الي عندنا راح ننافس انديتنا وهم شارين مهاجمين اجانب مع احترمي للكابتن سامي وحسافه على الخطط والمجهود الي يقوم فيه وهو ماعنده مهاجم اجنبي يصنع له الفارق وليه صانع العب نيفيز تجيبه بعد اصابه وهو مش مرتاح يلعب معنا والاعذار كثيره مره عشان المنتخب ومره زوجته يعني ما حبيت تجيبه الا بعد ماسمعت انه مصاب مافي اجانب الا هو عندي التون افضل منه الف مره ما مره سمعت انه يبي يرجع ومتكيف على الأجواء ويسدد ويلعب بروح مع الاسف اقول لكم الموسم هذا الهلال راح يلعب باسمه فقط بدون اجانب صح لا تفكرون ببطوله مع احترامي لكل الاعبين بس أنا يهمني الهلال اما الدفاع هاذي قصه لوحدها بقيادة او بطولة المرشدي |
إقتباس:
هرماش هجومي بحت والأخر الأكوادوري دفاعي بحت كل لاعب لة مهامة داخل الملعب وبأذن الله راح تشوفون هلال سامي غير وبالنسبة لصناعة اللعب على كلامك بوجود العابد وسالم الدوسري والشلهوب وعبدالعزيز الدوسري كل هؤلاء لاعبين أطراف فقط عدا الشلهوب صانع لعب ولكن نحتاجة وبالنسبة للهجوم في الشمراني والقحطاني والسالم والجهني كلهم فيهم الخير والبركة ولا نحتاج لاعب أجنبي بوجود هؤلاء الأبطال الأجانب أكتفينا قلب دفاع أسيوي + هرماش + الأكوادوري + تياقو نيفيز سامي قالها دعو القيادة لنا وتمتعو بالرحلة يعني متعشمين خير بالأسطورة سسسسسسسسسامي راح نشوف هلال سامي غير بأذن الله أهم شي نشوف ناس تلعب لشعار ومستوى وفكر أوروبي وكورة ممتعة |
| الوقت المعتمد في المنتدى بتوقيت جرينتش +3.
الوقت الان » 04:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd