|
عادل هرمآش = المبدع والمجتهد في آن واحد ! السلام عليكم ورحمة الله وبركاته كيف الحال جميعاً .؟ اولاً احب اشيد بعمل سامي الجابر الى هذه اللحظه واجتهاده هو والجهاز الفني .. واعجبني الجهاز الي يوضع على صدر اللاعبين في التمارين .. فعلاً لو نتايجه حقيقه راح يكون خير عون للمدرب بالموسم القادم .. عآدل هرمآش (Adil Hermach) : بكل اختصار هذا لاعب محترف بمعنى الكلمه .. لو نرى في التمارين وتشوفون عينه ترون فيه الإحترافيه والإجتهاد بالتمارين .. وصغير بالسن .. الموسم الي راح ماراح اقول مانجح بقدر انه ماكانت معاه توليفه كويسه والمركز الي يلعب فيه ماهو مركزه .. هرماش ماهو محور دفاعي بحت ! هو محور هجومي يساند الدفاع والهجوم في آن واحد .. مميزات عآدل هرمآش (Adil Hermach) : 1 - الكرات الطويله خطيره عنده . 2 - التحامه قوي . 3 - مهارته جيده ويفك نفسه . 4 - حماسي ومجتهد جداً . 5 - قطع الكور عنده جيد جداً . وبما انه تعاقدنا مع المحور الدفاعي كاستلو .. اقولكم من الآن والعلم عند رب العالمين ان هرماش هالموسم راح يكون من نجوم الفريق البارزين اذا لعب بمركزه الأساسي المحور المتقدم . الهدف من هذا الموضوع كله اني حبيت انبه الزعماء ان هرماش لاعب مبدع جداً وكبير ولولا ذلك ماكانت الأنديه الفرنسيه تبيه وترغب فيه باللعب في صفوفها واخر دليل ان مدرب تولوز كان يريد بقائه بشده وتضايق لخروجه من الفريق . ادعموا لاعبنا عادل هرماش وسترون ماذا سيفعل في هالموسم مع بقية نجوم الفريق . اخوكم : محمد :rose: |
يعطيك العافيه .. اقدر اقول انكك قلت كل اللي بنفسي اقولهه " |
لا عدمتك كلامك في محله وهرماش لاعب كبير وسيبقى وسنرى ذلك جميعاً الموسم القادم بعد توفيق الله أجمل تحيه |
اقولك على شي ...... اذا الهلال حط براسه يجيب لاعب يجيبونه سواء محلي او أجنبي واذا مابغوا احد قعدو ساكتين,, أتمنى فقط من اداره الهلال احضار المولد ,, واستغلال خانه الاسيوي في الوسط مع نيفيز وخلفهم هرماش |
أحسنت في ما قلت، أكثر واحد أشوفه مجتهد في التمارين ومتابع هو :عادل هرماش، وصدقني عادل هرماش يعشق الهلال ويعشق الجمهور ويحب المدرب سامي وأنا أعتقد إن عودته كان العوامل الثلاثة إلي قلتها.. وإلا وش يخليه يرجع من أقوى الدوريات في العالم، وثاني شيء هو يحب يقعد تحت الضغوط الجماهيرية ويبدع بدليل إن اللاعب كل ما سجل هدف يسكت الجمهور ويقولهم: (اسكتوا من نقدكم، أنا هرماش ما تعرفوني زين) وحتى يوم راح لتولوز قال: (الضغوط الجماهيرية في الهلال وكأنك تلعب في مارسيليا الفرنسي)، يعني باختصار رجوعه يعد تحدي له وتحدي لسامي الذي أعاده وشكراً لك عالموضوع الأكثر من رائع.. |
عادل هرماش حقيقه لاعب مظلوم في صفوف الهلال في الاعوام الماضيه حيث اجتهاد في مركز او خانه لم يكن يجيدها كان محور متقدم ووظف في الخلف حقيقه كانت الاخطاء من المدربين وليس من الاعب نفسه كما شاهدنا اخطاء متعدده في الموسم الماضي من المدربين حيث وظف سلمان الفرج كاظهير ايمن وهو لاعب وسط متقدم بالاصل ويسلي لوبيز دمر بعد كومبواريه عندما استخدمه زلاتكو داليش كاصانع لعب وهو بالاصل مهاجم صريح واكثر لاعب ظلم منذ انتقال اابو كلبشه اسامه هوساوي هو عبد الله الزوري عبد الله الزوري ابدع في خانة الظهير الايمن ومازال يبدع ولااجد اي لاعب في تشكيلة الهلال ماعاد ياسرالشهراني يستطيع ان يقدم مايقدمه الزوري لاعب مؤثر حقيقتا والدليل امام الاتحاد في الكاس الملك خروج الزوري بعثر اوراق المدرب وادى الى اقصائنا من دورى الثمانيه فاتركو سامي يعمل فاذيب يرى عادل من زاويته بشكل افضل |
المشكله الوحيدة التي اراها .. بأن هرماش اتى بعد ( رادوي ) ولذلك المقارنه مستحيله هرماش لاعب محارب ومميز .. لكن يحتاج أن يكون في مركزه الصحيح سامي لديه جميع القراءات وهو واكب جميع المراحل بالزعيم سيوظف كل لاعب بمكانه .. والله يوفق |
كلامك عين العقل في كل فريق اوروبي ناجح محور زي مواصفات هرماش واتحدي واحد يروح اي فريق ناجح ما يحصل فيه هرماش بس اختلاف في الاسم وقارق بالامكانيات بيرلو الهلال 21 اتمنى يكون هذا لقبه |
عندي يكون معا هرماش ولا نيفيز هرماش لاعب محترف لاعب حماسي ..قليل الاصابات ... |
بيرلو العرب عادل هرماش ..... |
يعطيك العااافيه .. مبدع هرمااااش .. !! .. ... ... ... ... .. |
كلامك سليم 100% هرماش هالموسم باذن الله غير عن الموسم اللي راح |
ارحمو عقولنا شوي واتركو التطبيل الله يرضى عليكم من متى الهلال يلعب بمحورين ؟؟ مانبي هرماش السيء ، نبي ظهير أيمن آسيوي ونبي مدافع افريقي او لاتيني صلب |
s13s:alzaeem: إقتباس:
|
هههههههههه حسيتك تتكلم عن بيرلو او تشافي مب هرماش :d لاعب سيء جدا وماينفع لا دفاعيا ولا هجوميا |
| الوقت المعتمد في المنتدى بتوقيت جرينتش +3.
الوقت الان » 02:48 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd