بالعاميّه 1
 

بسم الله الرحمن الرحيم

السلام عليكم ورحمة الله وبركاته .... اخواني واخواتي الزعماء بعيد عن التكّلف بالعبارات ندخل بالعامية ::wub:

1/ لو تعاقدت الادارة مع مدرب ابو عيون زرق او خضر وجاب العيد فينا... بنقول يا سباك او احدن متدخل بالتشكيله!!!! الحين قبل لا يبدا الدوري وقبل المعسكر كلن بازع برايه وسادح له تشكيلة الهلال المثاليه بوجهة نظره؟؟؟ يالطيب يالحبيب ما تحلاظ انك متناقض ... ذيبنا يبي ثقة جمهوره فقط خلوه يسوي الي يشوفه وصح وزي ما قالوا ( الذيب ما يهرول عبث):smilie47:

2/الحين هالملايين الي تكب ع اللاعبين هل هم يستاهلونها !!! انا ما احسدهم الله يبارك لهم فيها!! بس بالعقل والمنطق الي بلوشنا فيه المصاريه:ap: بقيمة لاعب سعودي اجيب حبتين افريقي اخليه يحرث الملعب حرث وبعدها ابيعه بملايين واجيب غيره s121s

3/ بإذن الي ما تنام عينه (سبحانه) آسيا راح تتوج بطلها وزعيمها مع الكوتش ابو عبدالله

اي والله انك صادق .. صار اكثر مواضيع المنتدى تشكيلات لعب ويالله ياسامي عليك السمع والطاعه
.
تدري حظ سامي. كل اللي عليه يسوي حفظ لهالمواضيع ويوم ينهزم يجي يقطها عليهم ويقول انا
نفذت رغبة الجمهور (*_*) ولعبت بالتشكيل اللي طلبوه هههه.
.
نقول يارب ياكريم نسألك التوفيق للهلال وسامي يارب.

دعونا نمنح سامي فرصة كاملة
 

إبداء الرأي حق مكفول للجميع ومن حق كل أنسان أن يقول رأيه ولكن ليس من حقه أن يقبله الجميع
والسوالف والدردشة والنقاشات تعتبرإيجابية طالما هي في السياق الصحيح ولم تخرج عن المنطق والمألوف

بالنسبة للمدرب (المدربين )الوطني وسامي أحدهم من حقه علينا كجماهيرسعودية بشكل عام وجماهيرهلالية
بشكل خاص أن نمنحه الفرصة كاملة لخوض تجربته التدريبية ويكون حكمنا على هذه التجربة في الختام
فليس من الإنصاف الحكم على تجربة المدرب (وخصوصا إبن الوطن) من نتائج مباراة أوأثنتين اوحتى
أحدى مسابقات الموسم . فالموسم الرياضي فيه عدة مسابقات يضاف إليها بطولة أسيا وكلها تقريبا
في موسم واحد يحتاج للصبروالعمل والعطاء والجهد .. وأقل شيء نقدمه لسامي أن نمنحه الفرصة كاملة

الحقيقة استغرب من بعض الاعضاء كثرة الطرح بخصوص التشكيلة المثالية للفريق

والمفترض أن نعطي القوس باريها ، وأن يقود السفينة ربانها ، وعلينا الاستمتاع بهذا

الفريق ، وفي نهاية الموسم نفتح كشف حساب ، وعن شخصي المتواضع فلن اطلب أي شيء

من الفريق الموسم القادم ، ولكن بعد ذلك سوف اطلب الآخضر واليابس .

شكراَ لك

ياحبيبي انت جاي هنا عشان تقول لحد يحط تشكيله ولحد يتكلم !! ههههه واللي يضحكني اكثر تقول خلو سامي يشتغل لحاله ههههه ياحبيبي سامي مادرى عندك اصلا ولا شاف مواضيعكم ولا جاب خبرك ... وحتى اصلا لو افترضنا سامي شاف مواضيعكم ترا مو مطبق شي منها عشان موضوع هنا هههههههه

والتعبير عن الراي هذا ابسط حق لاصغر مشجع هلالي

خلوا سامي يعمل والي عنده تحليل او انتقاد ينشره في اي منتدى اخر. منتدى الهلال هو لدعم الهلال وليسى لتحطيم لاعبينه ومدربه وحريت الراي هي في حدود مايتماشا مع سياسة المنتدى واعضاءه .

وجهة نظري .. !
 

وعليكم السلام ورحمة الله وبركآته ..
برد على نقاطك الثلاث من وجهة نظري :
1/ بالنسبة للتشكيلة أشوف أغلب الأعضاء يحطونها على انها مجرد اقتراح أو وجهة نظره هو .. مع علمه التام بأن سامي لن ياخذ بها ، ولكن ليبدي وجهة نظره ونتناقش فيما بيننا بحسب وجهة نظر كل عضو ، فإذا مانبي مثل هالمواضيع ، وش نبي أجل ؟!

2/ انا معك من ناحية ان اللاعبين السعودين يبالغون في المبالغ ، بس أشوف انها صارت عادة .. يعني مثلا هذا اللاعب شاف لاعب قبله جدد بمبلغ عالي فيطلب مثله .. وهكذا .. إلى أن أصبح شيء طبيعي عندنا ..

3/نقول إن شاءالله ، نحن مع سامي قلبا وقالبا سواء نجح أو لا .. بالتوفيق للزعيم مع ابو عبدالله ..

تحياتي لك ..

حبيبي ليه متوتر ... وجهة نظر يا توافقني او تختلف معي بس خل التوتر عنك لا يجيك شد توتري

سسسامي خله يرجع للملاعب وبنجيب آسيآ وبيتأهل منتخبنا لكآس العالم ..

تقدر ترجعه ؟

معاك حق البعض صار المدرب وﻻ كأن فيه مدرب ..