|
سبحان الله ... ليش الإداره تدخل نفسها بأمور هي في غنى عنها !!! يعني اللاعب بغض النظر راح تجري عليه فحص أو لا يعاني من إصابه .. اللاعب سعره غااااااااالي 6 مليون يورو !!!.. ولما فكروا يبيعون عقده أكلوها صح وتوهقوا فيه وماطل فيهم الفريق البرازيلي وأقساط وماني عارف إيش وبالأخير ما أحد يعرف هل فعلا الهلال تخلص منه وإلا لا زال مرتبط مع الهلال بعقد كلها أشياء سريه وما أحد يقدر يعطيك إجابه أكيده 100% ... اللاعب ليس ذلك اللاعب الحلم اللي تقول مكسب لاي فريق يلعب معه .. يا أخي لو تعرض على رونالدينهو مبلغ 2 مليون يورو بالسنه ممكن يجيك وهو أفضل منه مليووون مره .. سر تمسك الهلال بنيفيز واضح إن وراه شيء وستكشفه الأيام القادمه .. أنا ضد التعاقد مع هذا اللاعب بهذا المبلغ الكبير لأن فيه اللي أفضل منه ويمكن يكون بأقل منه سعر ... ليش أنا أخاطر مع لاعب مصاب وفيه بالملاعب اللي أفضل منه وما يعانون من أي إصابات !!!.. شيء عجيب وغريب !!!..وبعد ما يتعاقدون معه ويجيك ويلعب مباراتين ويصاب وتظهر إنها إصابه قويه يقول لك إن المركز اللي أجرى فيه نيفيز الفحص ما كان صادق معنا ولا وضح لنا بالضبط هل هي إصابه متكرره وإلا لا ويبدا السجال بين الهلال والمركز وبالاخير النادي والجماهير هم من سيدفع الثمن والمبلغ الكبير اللي دفع فيه 6 مليون يورو راح يسبب أزمه للنادي .... خلونا نلعب على المضمون يا جماعة الخير حنا الآن على البر واللاعبين ما هنا أكثر منهم ليش أنا أضيق على نفسي مع لاعب واحد بس وعليه أكثر من علامة استفهام لييييييييييييييش !!! سامي والله أعلم توهق بالأجانب قال إيش قال سامي عنده ملف الأجانب جاهز وسيلتحقون جميعا بالمعسكر من البدايه ..وهذا اللي نشوفه الحين مافيه إلا لاعب واحد وهو الاكوادوري والبقيه كالعاده في آخر ثانيه من فترة التسجيل وكدييييييييييييش ... الله يوفق الهلال ويوفق سامي مع الهلال ويسمعنا الأخبار اللي تفرحنا بعد صدمة هرماش .. |
الغرابة في ترك وسلي والتعاقد مع نيفز انها عقدة الاسماء |
,,, إن شاء الله يطلع سليم ونتعاقد معه وجماهير فلومينينزي بالطقاق نيفيز اضافه قويه لأي فريق ما علينا منهم ... |
بالنسبة لي يوم كان معنا ما كان ماثر جدا زي ويلي هامسون |
وانا والله متخوووف من هالشيً لكن اللـَّــھ بيكتب اللي فيه الخير |
انتم شوفوا لاعبين فلومينسي اللي يلعبون وسط كم عددهم ووش مستواهم نيفيز يعتبر عندهم زي الفرج عندنا لاعب كويس بس عندهم اللي افضل منه |
على اساس انه اول ماجانا كان اساسي بناديه الالماني !!!! تراه كان احتياط ومايبونه بس يوم جا معنا شف اش سوى بنفسك . |
الاداره ابخص مني و منك خلوهم يشتغلون بس |
ماعجبني بالموضوع الا حاجه وحده (اهل مكه ادرا بشعابها) هههههههههه وانا معك في ذي النقطه |
طيب كيف مصاب و قبل كم يوم لاعب مباراه شاطئيه خيريه ؟! |
إقتباس:
يقصد انها اصابه مزمنه زي حكايه خوينا عبد اللطيف الغنام يلعب مباراه وعشره مصاب |
اذكر في الفتره الي كانت مع الهلال كان مستواه متذبذب اللاعب واضح عنده امكانيات كبيره ولكن كانه لم ينسجم مع الفريق واجواء البلد وتحس انه يلعب بالاكراه وامانه كان ويلهامسون وقتها في عزه وكان يشيل الفريق بكامله لوحده وكان يغطي على اخطاء نيفيز والفريق كاملا وايضا تواجد رادوي ونذكر بمباريات كثيره يكون الهلال يعاني وياتي رادوي بتسديده يخلص المباراه والجميع ينسى سوء مستوى نيفيز وقتها وبعدين صحه توقعاتي عندما طلع من الفريق واصبح يستجدي رئيس النادي عبر الاعلام انه يريد الرجوع للبرازيل من اجل عائلته وانضمامه للمنتخب !!! فاكد لي صحه مخاوفي انه اللاعب لم يكن يلعب وهو مرتاح في الفريق الان الخوف انه يتكرر نفس السيناريو بالاضافه لاصابته وانقطاعه عن اللعب الموسم الماضي كثيرا ولااعتقد جمهور فريقه سيصوت ٧٠٪ على مغادرته بسبب الاصابه اكيد ان مستواه ماكان مقنع معهم ويبدو انه لاعب مزاجي بل متقلب المزاج اذا ماعجبه شيء خلاص يبدا يلعب بدون نفس حتى يطلع من الفريق |
نفيز لاعب جيد لكن لايرقى الى ضالة الهلال ..هو لاعب جيد بالجمله .. لكن التمريرات للمهاجمين قليلة منه ..اتمنى التوفيق له ان اتى للهلال ... |
إقتباس:
مشكور يالغالي على مرورك .. |
هذا الكلام اللي لازم الإداره والكابتن سامي يقرونه قبل الأقدام على هذه الخطوة المكلفة ماديا وربما فنيا إقتباس:
تحياتي للجميع الفجر الصادق |
| الوقت المعتمد في المنتدى بتوقيت جرينتش +3.
الوقت الان » 07:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd