إقتباس الرسالة الأصلية كتبت بواسطة هلآلي زهرآني في البدايه امسي عليك وعلى الاخوان بالشبكه **** اول كلمه كتبتها ( قلت ماراح اتكلم عن عودة هرماش) ...وطلع الموضوع كله لهرماش المهم في الموضووع ... نختلف او نتفق على قوة هرماش من عدمها هذي شي ء... المهم ان يلعب الهلال بمحورين اجانب سواء هرماش او غيره (لا والف لا لوجود محور سعودي ) مافيه اي لاعب سعودي حاليا محور يصلح يلعب مباريات اسيويه غير ( كريري) والباقين للاسف اقل بكثير من الطموحات بالنسبه لهرماش لاعب وسط متقدم ...اما محور متاخر فهذي اثبتت ضررها بالهلال سابقا تكلمت عن ان المحور يجب ان لا تكون تمريراته خاطئه (وهذي موجوده في هرماش) استعراضه كان بزياده لدرجة ولوج اهداف كثيره بسببه كلنا نذكرها مدافع بقوة ومهاجم بقوه لاحظو الاثنين ) هذه صفة هرماش العظيمة وتقول رادوي متردد اكثر من هرماش ..؟؟؟؟؟؟؟؟ رادوي يبغالنا خمسين سنه عشان نتعاقد مع لاعب بامكاناته واسال مورينهوو انا هنا لا اقلل من هرماش بقدر ما اتمنى ان نكون واقعيين في تحليلاتنا اتمنى ما نرفعه للسما والموسم القادم نقول ان سامي اخطا في ارجاعه الاسطوانه هذي متكرره في الهلال ... نمدح ونذم في نفس الوقت هرماش لاعب يمكن لم يوظف بالشكل الصحيح سابقا اتمنى توظيفه ووضع مهام معينه له ... وان شاء الله ... ينفع الزعيم دمت بود

نعم أبرز ميزات هرماش أن تمريراته أغليها خاطئة وهي المطلب الأهم في لاعب المحور ، والميزة الثانية العظيمة الثانية لهرماش هي الفلسفة الزايدة ، وأخونا المجهر من زود الحماس يقول أن رادوي المحور الخرافي الذي لايتكرر ، يتردد بالمساندة ، والفتوة والتكسير لاتعني الثقة !!!!!

الله يمسيك بالخير ، صف الكلام مافيه أسهل منه ، لكن ربما أنك نسيت أن من الحماس الزايد أن خالد عزيز غاب عن أغلب فترات جيريتس الرائعة بحكم غيابه وإبعاد جيريتس له ، وكان يشرك أحمد الفريدي ويلعب برادوي وحيدا في المحور كمحور مساند للهجوم ودفاعيا ، وفي الموسم الثاني أيضا مع كالديرون صاحب الإختراعات الذي كان يكلف الشلهوب بمهام دفاعية إستمر رادوي كمحور وحيد ، هذا من ناحية رادوي أما هرماش مادام إنه حضر للفريق ومامنه فكة بحكم ضعف العروض المادية له ، راح ننتظر إلى نهاية الموسم وتعطينا رأيك ، هذا إذا كمل ولم يتم الإستغناء عنه في منتصف الموسم إذا فيه فريق قدم له عرض ..

إقتباس الرسالة الأصلية كتبت بواسطة hilal4ever-12 هههههههههه والله انك ما تعرف بالكوره شيء !! المحور الثاني الافضل ما يكون له مركز محدد !! امثله في اوروبا فرانك لامبارد هداف نادي تشلسي في تاريخه وهو لاعب محور ثاني !! ويوصل للمنطقه كثير وهداف تشلسي الموسم الماضي بالدوري مثال اخر سامي خضيرة لاعب في كل مكان في مدريد واذا لم يلعب يضعف فنيا ريال مدريد ويصبح مرتدات الخصوم سهله الوصول لمرمى الريال مثال اخر واين روني في مان يونايتد يلعب بالمحور في مرات ويركض في كل مكان اعطيتك امثله كثيره !! هذه الكره الحديثة يا اخي ناظر الدوريات الاوروبيه وتشوف الكره الحديثه !! برشلونه حقق دوري ابطال اوروبا والدوري الاسباني بدون راس حربه !! اسبانيا حققت اليورو الاخير بدون راس حربه !!

لا ما شاء الله عليك انت اللي فاهم كوره اكثر من الناديين اللي اخذوه اعاره مننا وقطوه علينا.. ولا جاه ولا عرض.. لو هو فلته زي ما انت وباقي الزفه تقول.. ليه ما احد يبيه
كلها اعارات ولمن يستوعبون انهم اتورطو باللاعب يرجعونه
ليه ما جاه عرض زي نيفيز ورادوي وويلهامسن؟
ليه كل الانديه الاوربيه الي خذته ردته.. ولا حتى طلبت تجديد اعاره؟
لمن تستوعب الكلام اللي اقوله انت وباقي الزفه ردو علي.. اوك

إقتباس الرسالة الأصلية كتبت بواسطة hilalicanada لا حول ولا قوه الا بالله مصيبه بصراحه.. لمن نقنع انفسنا ان الغلط هو الصح الحين هرماش نفسه مايعرف ايش مركزه.. داج يسرح ويمرح بالملعب لي بغى مره صار هجومي ولي صنفتله ثاني صار دفاعي.. وبعض المرات مجرد هروله بالملعب سدد كم مره وجاب قولين.. وقامت الدنيا وماقعدت.. زي يوم محروس مسك المقص في فلم "الواد محروس بتاع الوزير" ما اقول في رجعه هرماش الا حسبي الله على كل من يستهتر بكيان الهلال وجماهيره

احترم وجهة نظرك لكن لا اوافقك فيها .. واتمنى من جمهور الهلال ان يعطوا الثقه لسامي ولفريق عمله لا نجلس نحبط فيه من البدايه كيف نبيه ينجح وانا كجمهور للنادي نحاربه في اختياراته ونعترض .. نصبر ونوقف وقفه مساندهـ للكوتش
ونلومه على اخر الموسم اذا كان في تخبطات ,,

بالنسبه لهرماش ,, مثل ما ذكروا الاخوان انه لاعب محور يمتلك النزعه الهجوميه لقيادة الهجمات من الخلف ولاعب يجيد الكرات الطويله بوجود نواف وسالم على الاطراف ونزول ياسر الشهراني في بعض الكرات بيساعد كثير هرماش في بناء هجمه مرتده ,,

ومسالة انه يسرح ويمرح مثل ما تفضلت :
المحور الهجومي هذا دورهـ عليه ان يتواجد في كل خانه بمنتصف الملعب مثال / توري لاعب سيتي افضل صانع لعب في سيتي وهو محور, سونق لاعب ارسنال المنتقل الى برشا كان من افضل صانعين الالعاب في ارسنال , لامبارد , خضيره , تشافي , جيرارد , وكثيررررر

في النهايه ارجع اقوول يجب علينا كجمهور مساندة الادارهـ وان نمدهم بكل الثقه اذا كان عندنا نقد نأجله لنهاية الموسم ونلومهم على الاخطاء ان وجد

اعتذر على الاطاله وتقبل تحاتي

عودة هرماش اضافة قوية والله غريبه لما اشوف ناس تعترض على عودته , تيسير الجاسم النجم الخلوق لما سئل من افضل الاجانب قال عادل هرماش , يعني النجوم تهابه

ان شاءالله تشكيلة الملكي

السبيعي

الزوري الحافظ كيم هي الشهراني

كاستلو

عادل هرماش

نواف العابد تياقو نيفيز سالم الدوسري

ناصر الشمراني

قراءه رائعه

هرماش بطل وبوجود الاكوادوري سيتنقل ويلعب بحريه ويصنع فرص كثيره بإذن الله

،،،

+1

قراءه رائعه جداا

الله يوفق الزعيم يارب

عادل هرماش ليس باللاعب السيء

بالعكس اللاعب جيد جدآ و قبل ان يرحل عن الهلال قدم مستويات ممتاز

و كان يسجل في اخر المباريات و بالاخص في كاس ولي العهد

وان شاء الله تكون عودته جدآ قوية مع الهلال

ششكرا لك

كلامك سليم وفي متمه شكراً على روعة حروفك

بس هرماش يعيب عليه ان تمريراته بعضها قاتله مثال ع ذلك تمريرته لنامي في مباراة الذهاب مع اوسان والتي نتج عنها هدف

عادل هرماش من افضل الاعبين والحمدالله على عودته والله يوفق الهلال بالاعب

قراءه رائعه

هرماش بطل وبوجود الاكوادوري سيتنقل ويلعب بحريه ويصنع فرص كثيره بإذن الله

،،،

تحليل جيد ولكن أخطأت في تفضيل هرماش على رادوي

رادوي كان ساتر أمام الدفاع ويهاجم مع الهجمه وتسديدات قويه جدا ومتقنه وأهدافه مع الفريق كثيره

أما هرماش صحيح حماسي ولكن من زيادة حماسه أحيانا يرتكب أخطاء مؤثره ومحرجه ضد الفريق و يوجد به خاصيه غير لائقه وهي تعمد إعاقة لاعب الخصم إن لم يستطع قطع الكره منه خصوصا إذا كان متنرفز


ربما ينجح في المحور الهجومي ويقدم شيء مفيد للفريق وهذا مانتمناه

كنا نتمنى لاعب يشيل منتصف الملعب لوحده وطريقة لعبه مثل لعب بيرلو ..لاعب دائره ويصنع اللعب في كل مكان في العمق وعلى الأطراف وتمريرات حاسمه ومهاره عاليه ولكن الآن نحن ندعم هرماش لأنه هلالي وأنتهى

اعتقد عودة هرماش نظرة فنيه من سآمي وعودته بتكون مفيدة باذن الله ، ومانقدر نقلل من مستوى هرماش ،
وكل الي يقللون من هرماش ترا موسم قبل الماضي الفريق كله كان باصعب حالاته ومع ذلك مستوى هرماش كان لا بأس وكان اغلب المباريات محور لحاله محور دفاعي وهجومي ومع ذلك نشوفه يهاجم وبنفس الوقت يرجع ويغطي ، لاعب صاحب روح عاليه لكن مثل ماقلت الفريق كله كان سيء ، وسامي يعرف هرماش زين وماطلب بعودته الا ورجوعه راح يفيد طريقة لعب سامي ، ويبقى التوفيق عند رب العالمين ،

انا عندي قناعه ان سامي افهم مني و من الي يردون و من صاحب الموضوع
خوفي يكون قرار ارجاع عادل ليس قرار فني خوفي يكون توهق بالاجانب و رجعوه