الغنام مب فايدنا
الحافظ قلب دفاع
الفرج يلعب ظهير وجناح
القرني و عطيف واحد هجومي وواحد دفاعي
احتياطين
لو اصابات او تبديل يفيدون

القرني والغنااام لايعتمد عليهم والدكه خيااااار مناسب لهم......

اعتقد قراااار المحورين الاجانب شي ايجااابي لآننا عانينا الأمرين بالسنوات الآخيره من دفاعنا المكشووف اللي من هب ودب سجل فيهـ.......

اتفق معاااااك بالشهراني ولكن للآسف المبلغ مباالغ فيه جدآ واكلها شقيقنا الجاااار وبالعافيهـ هع هع

يسلممموا.....

الدوري طويل ويحتاج للعيبيه ممتازين. أتمنى الاستمتاع بالملكي مع الكوتش سامي. ونبطل نصير مدربين.

آلوحش عآدل هرمآش

آلكل يعرف آنه محور هجومي و كآن يلعب محور دفآعي

و لحآآآآآآآآآآآآآآآآآآآآآله !

آلحين مع آلمحترف آلجديد محور آرتكآآز دفآعي و هرمآش يتفضى للهجوم

و بنشوف هرمآآش جديد صدقوني

الله يهديك مخربها من البدايه اجل الحافظ؟ شكلك ما تدري انه قلب دفاع.

الفرج واضح تراجع مستواه في المحور ومستواه في الوسط الايسر افضل بكثير وينفع كبديل أو أساسي عند الحاجة.

الغنام !!! بدون شئ ما له فرصه


يبقى القرني و عطيف.... أعتقد فيه شئ في عالم كرة القدم اسمه لاعب احتياط خصوصا انهم صغار في السن واحنا نلعب بمحورين اساسيين يعني اقل شئ يكون عندنا 3 بدلاء

إقتباس الرسالة الأصلية كتبت بواسطة سعود الجازع اللي يطرح مواضيع عن هرماش ويقول قرار خلطئ انا اقول لك دور لك فريق ثاني وشجعه الهلال زعيم ومو محتاج انك تشجعه واتمنى من المنتدى حذف اي موضوع يهاجم اللاعبين علشان الجمهور ماينجرف وراهم لانهم مو جمهور الهلال اللي يهاجم اللاعبين واضح نوايهم الكلام للعقلاء

سلامااااات ... سياسة تكميم الافواه ليست في هذا المنتدى يالحبيب .. بعدين مين انت علشان تطالب بكتم اصوات الأخرين..كل له وجهة نظر يجب ان تحترم اذا كنت انت مقتنع بهرماش فإننا نحترم وجهة نظرك ولانصادرها , لكن لاتفرضها علينا يعني انت الصح والباقين غلط وبتمشي كلامك علينا..لا معصي
صاحب الموضوع ليس مقتنع بهرماش والكثيرمن الجماهير الهلالية لسيت مقتنعة بهرماش وانا منهم حتى ادارة النادي لو كانت مقتنعه به لما صرفته من قبل.
كل له وجهة نظر يجب ان تحترم .. واختلاف الرأي لايفسد للود قضية .

إقتباس الرسالة الأصلية كتبت بواسطة فيليبوانزاجي الله يهديك مخربها من البدايه اجل الحافظ؟ شكلك ما تدري انه قلب دفاع. الفرج واضح تراجع مستواه في المحور ومستواه في الوسط الايسر افضل بكثير وينفع كبديل أو أساسي عند الحاجة. الغنام !!! بدون شئ ما له فرصه يبقى القرني و عطيف.... أعتقد فيه شئ في عالم كرة القدم اسمه لاعب احتياط خصوصا انهم صغار في السن واحنا نلعب بمحورين اساسيين يعني اقل شئ يكون عندنا 3 بدلاء

عارف ياخوي انه قلب دفاع

ولكن لو جابو مدافع اجنبي حاليا

وكان المرشدي اساسي

وين بيلعب الحافظ ؟

انا قلت ممكن اننا نستعين فيه كمحور دفاعي

مثل بالمينو في الاهلي ياغالي

بصراحة ما ادري ليش أي شخص يطرح وجهة نظر مختلفة نجد هجوم غير مبرر من البعض وليس الكل
مو معقول هالكلام من حق أي مشجع يقول رأيه
انا اشوف ان الهلال محتاج صانع لعب اكثر من محور لكن لوخيرت اختار هرماش افضل من نيفيز اتمنى احضار صانع لعب بدلا من نيفيزوهرماش لاعب يخدم التكتيك الهجومي كثيرا
اشكر صاحب الموضوع
دمتم بخير

إقتباس الرسالة الأصلية كتبت بواسطة هلالي ودمه أزرق انا اشوف لو يكون الفرج ظهير ايسر افضل من الزوري والشهراني يمين اما عن القرني والغنام ....الاول طايح مستواه والثاني ما يغادر غرفة العلاج الا مرة في الموسم اتمنى من الادارة اعارتهم لاحد اندية السط في الدوري ويرجعون الموسم القادم جاهزين ومستعدين والحافظ نقول ان شاء الله يكون اساسي وعطيف راح يكون اما بالاحتياط او يمكن اذا طلبه مدرب الاولمبي

من المؤيدين لقولك فقد كنت ارى دائما الفرج يبدع بمركز الظهير الايسر ولم اره يوما ابدع بمكان المحور واللي يحسبه بمركز المحور مبدع غلطان الفرج صحيح نجم بس مكانة الظهير الايسر تظهر فيه نجوميته

ترا الحافظ يلعب دفاع مو محور عشان يقتلها هرماش

المحاور الهجوميه تفرق عن الدفاعيه

الدفاعيه عندك الاكوادوري والقرني

الهجوميه هرماش الفرج

عطيف انا اعرف انه يلعب بالاثنين على حسب التشكيله

يعني عند احتياط للهجومي بنفس كفائه اللي يلعب وهذا تحسب لسامي فبلاش شغل يحطم ومن هالكلام يعني لو انصاب االفرج وعطيف كان موقوف مثلا تبي تصيرزي كومبواريه وتلعب المرشدي محور هجومي مثلا؟


انتم فكرو بالاحتياط سامي قوا دكه البدلا يعني ميزه الهلال ماتدري من بيلعب ومن يظل احتياط

الجاهز بيلعب والله يوفق الهلال ويبعده عن الحاسدين

إقتباس الرسالة الأصلية كتبت بواسطة مجنونه كريستيانو ياخب مالك خص ماانت اخبص من سامي ... الغنام اصابته واجد ..عطيف محور هجومي ..القرني محور دفاعي بدلاء الفرج يلعب جناح او ظهير ومافي مثل عطيف الشباب الا لعب هرماش محور متقدم وصانع وتسديد ...

اقول خلك بالمطبخ بس

ولا هنتي زهبي العشا وقهوه للضيوف

واتركي عنك كرستيانو

فعلا بعض الجمهور استحقر انه ينتمي للجماهير الزرقا

يبيلهم اعاده تربية في الاسلوب والنقاش

وش جابكم للهلال انتم

انتقلو لجمهور الجار ازين لكم

عندنا بهذا المنتدى وهذا المجلس الهلالي

الاخلاق ثم الاخلاق

اذا ما عندك اخلاق ترا ما نتشرف فيكم تكونون جمهور هلالي

لا والمشكله بنت لو انك رجال نقول هذي امور رجاجيل

لاحول ولاقوة الا بلله

القرني والغنام محاور أدوارهم دفاعية بحتة

ولكن عطيف محور هجومي وراح ياخذ فرصتة أن شاء الله ولا تنسى هرماش كثير الذهاب لمنتخب بلادة وراح يغطي خانتة عطيف

وبرضو المحور الأخر راح يذهب لمنتخب بلادة ونحتاج القرني والغنام

وبالنسبة للفرج من يوم وقع ومستواة بإنحدار

والحافظ مدافع يعني بأذن الله أساسي وبالنسبة لهرماش أدوارة هجومية بحتة والاعب مهم وراح يصنع الفارق والأيام بيننا

وعطيف صغير بالسن وكبير بالأداء وراح نحتاجة لسنوات طويلة وهرماش لاعب أجنبي بأي لحضة يذهب لكن عبدالله عطيف ولدنا وراح نحتاجة

ودام الأسطورة سامي المدرب لاخوف على الهلال راح تحضر الروح بأذن الله وسامي ماعندة مجاملة اللي يأدي بالتمارين راح يلعب أساسي

الغنام ....!! اجل هرماش 4 في واحد عن الي قلتهم كلهم !!

إقتباس الرسالة الأصلية كتبت بواسطة $سعود$ الغنام مب فايدنا الحافظ قلب دفاع الفرج يلعب ظهير وجناح القرني و عطيف واحد هجومي وواحد دفاعي احتياطين لو اصابات او تبديل يفيدون

لا الفرج ما يلعب ظهير وانا ضد ان اللاعب يلعب في غير مركزه مانبي اختراعات

الفرج يا يسار يا خلف المهاجمين فقط

العنوان في ديره والموضوع في ديره يالحبيب .......