انا اوفقت الرأي باغلب اللي قلته

بخصوص هرماش كان الاولى الاستغناء عنه بوسط ايمين مهاري
وسريع لتنويع اللعب والهلال لم يتميز مع جريتس الا بتنويعه اللعب
بوجد ويلهامسون وراح نقضي على عطيف والعازمي والا القرني والفرج
معروفه مستوياتهم ومصيبة لو تحط محترف بالاحتياط لو قدموا
مستويات قوية ....

تياجو عيبه السرحان ويعتبر مهاجم وليس صانع لعب ..

تمنيت التشيلي لاعب العين السابق بنفس السعر وصانع لعب ممتاز

الموسم القادم العك بالوسط

يااااااااااااا عالم يااااااااااا هووووه يااللي فاهمين انتقادنا غلط ركزوا شوي ربي يسعدكم ...

احنا لمّا نقول ان احنا ضد رجعة هرماش ونيفيز اللّي كان بايعنا ولا يبغانا وما رجّعه لنا إلا الشديد

القوي ألحين ومو حبّا فينا , مو معناتها إنّنا نتوقّع فشل السّاااااامي لا سمح الله أونتوقّعه.

بل بالعكس بالنسبه لي أنا فكلّي ثقة في عزّ الأساااااااااااامي وثقه عمياء بعد لأنّي أعرف الفكر

والعقل والوعي اللّي يمتلكه هذا الإنساااااااااان ما شاء الله تبارك الله وعارفه قدرته العاليه والرّهيبه

على توظيف اللّعيبه التوظيف المناسب وبما يخدم الفريق ولن يتوانى لحظة واحده لإبعاد من

ليست لديه المقدرة على دعم وتنفيذ خططه واستضافته بجانبه على الدكّه سواء أجنبي أو محلّي

وأنا على يقين أنّ كلّ من كانت مستوياتهم متدنيّة بالفتره السابقة سوف نراهم بمشيئة الله بصورة

مغاااااااااايره ...

وما أعرف ليه البعض يزعل ويتشنّج لمّا نقول عودة هالثّنائي ماهي لرغبة عزّ الأساااامي كما ذكر

( طيّب هذي هي الحقيقه ايش نسوّي لكم بعد ) .. والسالفه مو ضغطت وما ضغطت السالفه إنّه

تدبّس فيهم لأنّهم ما لقوا لهم صرفه فبالتالي يكون ربي يوفقه ( مرغم أخاك لا بطل )..وهذي كلّ

الحكااااايه .( وعلى فكرة ما راح يطوّلون معاااااه .. والله أعلم )

:yes:.......... + 1 ..........:yes:

انا مع عودة هرماش ويكل قوة
اما نيفيز ضد رجعته خصوصاًً
بغد الاخبار الي تقول انه مصااب

انشهد انهم مطفين النور من جد ... اجل (تياقو نيفيز) صانع العاب ؟! امحق فهم في الكورة ! ارجعوا لمباريات اللاعب عندما كان في الهلال كم صنع من هدف ؟! وكذلك مبارياته في الدوري البزازيلي ! على فكرة السبب الرئيسي لبروز نيفيز في بعض المباريات في فترة احترافه في الهلال كان النجم السويدي وليهامسون الذي كان يخدم عليه !
اما عادل هرماش فعندما اراد الهلال اعارته والتخلص منه بعد المستويات المتدنية التي قدمها مع الفريق والغضب الجماهيري عليه كان اللاعب غيرمرغوب فيه حتى من الانديه السعوديه والخليجيه !
من يقولون ان عادل هرماش تحسن مستواه قبل رحيله من الهلال اقول لهم ياسادة ياكرام تحسن في مباراة نجران في مدنيه نجران لكن ماذا قدم هذا الفنان امام اولسان !
صبرا جميل والله المستعان .

بداية النكسه هرماش

باذن الله يصير شي ويروح نا هالاعب النكبه البارد

لا للعرب المحترفين في فريقنا هذي الخلاصه

انت ومعك الي كاتب الموضوع سامي قاعد على قلوبكم رضيتو او انرضيتو
الحمد لله انكم قلة ومعدودين على الاصابع
وسوف نخرجكم بلملقاط واحد واحد
ههههههههه

انا مع عوده هرماش
بس نيفيز اتمنى جلب لاعب يجيد اللعب بالقدم اليمنى بداله
يسار موجود الشلهوب وعزوز والعابد والفرج وياسرالشهراني ومبارك البيشي

وازيدك من الشعر بيت
عودة هرماش هي كذلك بداية الخمبقه والبربسه في الفريق العاصمي الكبير .
لك الله ياجماهير زعيم نصف الارض .

عند رد بسيط للي يقول انو سامي اعاد هرماش مجبور انا اتوقع والله اعلم انو سامي بعد ماوقع مع ناصر شاف انو مايحتاج وجود مهاجم اجنبي وشاف انو احسن حاجه اعادة هرماش والله اعلم

كلامه سليم الهلال برجعه نيفز وهرماش
صراحه الهلال انحدار ع خفيف
والله يوفق الاداره
كنت اتمنى اجانب افضل منهم
الظاهر الاداره توهقت بعقودهم وجابتهم

يالحبيب لانريد ان نفتح باب المزايدة في حب سامي الجابر نحن نتكلم عن خيارات اللاعبين الاجانب فقط.
أما بخصوص سامي الجابر فهو (الاسطورة الحقيقية) في عالم كرة القدم سعوديا وخليجيا وعربيا واسيويا وكذلك على مستوى الشرق الاوسط .. هذا عندما كان لاعبا.
اما وهو مدرب فأنا اتوقع له بإذن الله تعالى ان يكون (اسطورة تدريبه عالميه)