|
بسم الله الحقيقه سجلت دخول مخصوص لاني شفت بعض الاخوان هنا متخوفين من عودة هرماش او بالاصح عندهم علامات استفهام بمراكز الاجانب لذلك حبيت اشارك برأيي اولا الاجانب الي الان تم التوقيع معهم انا اشوف انهم بالمراكز الي نحتاجها.. نبدا بالاكوادوري كاستيلو والي مركزه محور دفاعي بحت يعني يشارك الدفاع بالتحصين عن المرمى الهلالي وهذي فكرة سامي يعني بمعنى اخر حصن عالي امام الهجمات المرتده لان سامي راح يلعب لعب هجومي واللعب الهجومي يكون الخوف فيه من الهجمات المرتده السريعه لذلك نحن بحاجه إلى جدران دفاعيه تسبق خطوط الدفاع لذلك تم التعاقد مع كاستيلو وامامه الوحش هرماش بمعنى الي فيه خير يقرب من المرمى الهلال وانا اقول بوجود محورين دفاعي وهجومي بإذن الله الشباك محميه من الهجمات كذلك وجود امامهم صانع اللعب نيفيز والذي يتميز بقدرته على اختراق الجدران الدفاعيه للخصوم وخلق هجمات لياسر وناصر بهذا اتضحت فكرة سامي ولو لاحظنا بالمواسم السابقه مشكله يواجهها الهلال مع الفرق التي تتكتل امام هجوم الهلال و اكثر من لاعب هلالي بعد التعادل او الهزيمه يخرج بتصريح ويقول نواجه مشاكل امام الفرق التي تدافع بقوه امامنا وتعتمد عالمرتدات لذلك سامي لقى الحلول وهي عندما يتكتل دفاع الخصم امامك فهناك ثلاث حلول لا غير اولها التسديد من خارج منطقة ال18 وهذا الحل موجود بهرماش وكاستيلو و قاذفة الصواريخ نيفير ثانيها الكرات الثابته وهي موجوده لدى نيفير والشلهوب و ياسر وثالث هذه الحلول مهارات لاعبين الوسط في خلق فرصه من نوع انت وضميرك امام المرمى وعندنا بالهلال لا يقدر عليها إلا الشلهوب ونيفيز.. لذلك سامي ماشي صح ي اخوان.. تبقى مشكلة الهجمات المرتده وحلها هو وضع جدران دفاعيه قويه وقام سامي بوضعها وهم اولا هرماش بتعطيل الهجمه المرتده وإن لم يستطع هرماش يكون خلفه كاستيلو لذلك من الصعب إختراق الحصون الهلاليه يبقى خانة المدافع الاجنبي وانا اشوف انها اهم شي عشان الركنيات والعرضيات وسلامتكم |
هرماش ولا بوليفار آخر ! مساء الخير ، هرماش رجع الى الهلال من جديد كمحور هجومي ، بعد مغالاه الاعب التشيلي أنا مع رجعه هرماش وبقوه ، لانا نعرف مستواه جيداً ، افضل من يجي واحد من طقه بوليفار ، ولا صفقات الوقت الضايع هرماش لعب موسم ونصف مع الهلال محور دفاعي ومع ذلك بدع ، كيف لو كان متقدم الې هو مركزه الاصلي غير كذا بنرتاح من شي اسمه القرني . |
بالتوفيق للزعيم والكوتش سامي بقيادة الكتيبة الزرقاء ! اتمنى تشكيلة الزعيم : السبيعي ( السديري ) الفرج - الحافظ - ( اسيوي ) الشهراني كاستيلو - هرماش العابد ( صانع لعب اجنبي ) سالم ناصر الشمراني ( يآسر - سالم ) |
هرماش ممتاز في الهجوووم ومع المحور راح يبدع في الهجووم واللاعب اصبح هلالي وسامي يشووفه يناسب الهلال وانا مع سامي |
مؤيده هرماش ..لاعب صاحب بنيه جسمانيه تسديدات وصناعه لعب ممتازه ... |
الله يوفق هرماش ويوفق حبيبينا القرني |
حاولو تتذكرون هرماش الموسم قبل الماضي .... كيف كان لعبه ..؟ ... كان اكثر لاعب حماسي في لعبه .. يضغط بقوه على حامل الكره . تحياتي |
شكرًا للجميع بالتوفيق والسداد لكم |
اهلاااا بهرماااش في الزعيم يانااااااس هرماااش مجنون فكوووونا منكم الهلال وسط نااااري وهرماااش موجود باقي لنا وسط برازيلي ودفاع اسيوي الكلام للعقلاء |
عودة هرماش كمحور متقدم ضربة معلم من الأسطوره ..... يوم بعد يوم تزيد قناعتي بنظرة سامي الفنيّه للفريق وفي إنتقائه للاعبين....مادمنا نبحث عن محور متقدم فلايوجد هناك أفضل من هرماش لتنفيذ هذا الدور اللاعب لعب معنا موسمين ونعرف مستواه كان من اميز اللاعبين ولاعب تكتيكي من الطراز الأول وخلص لنا كثر من المباريات بتسديداته الصاروخيه.... فعلا خطوه مميزه من الكوتش ونتمنى تتويجها بصانع ألعاب فايف ستارز في حال تم صرف النظر ع نيفيز . |
أنا من مؤيدي عودة المغربي وبقوة اللاعب يحتاجه الهلال خصوصاً في التسديدات ناقص الآن قلب دفاع وصانع ألعاب اجانب مشكور |
والله إن أكثر خبر فرحني التعاقد مع هرماش " ياخي أنا مستغرب من اللي يقولو لاعب عادي لاعب يجيد الضغط والتسديد وتعطيل الهجمات وتوزيع اللعبء وش تبغو أكثر من كذا والحين راح يبين مستواه صح لانه راح يلعب بمركزه و شكرا على موضوعك أخي الكريم |
هرماش كان اول من يطبق الضغط على حامل الكوره في ملعب الخصم ويجيد قطع الكورات وموزع رائع للكورات الطوليه ويملك قدم قويه وكنتروله ممتاز . ماذا نريد اكثر من ذلك . حياك الله يابوهرماش مره أخرى في معقل الملوك . |
حسبي الله فيك ياعبد الرحمن بن مساعد... ترجع هرماش وتقولون مقتنعين فيه؟؟؟!!! هو نفسه مايعرف وش مركزه.. عسى ربي يردهالكم قد ما تعبتونا ورفعتو ضغطنا حسبي الله ونعم الوكيل فيكم |
كأنك أو مرة تشوف نادي الهلال بوليفار لاعب ليس لة مستوى هرماش محور هجومي ونحن طمعنا بمحور دفاعي وحياة بنادي الهلال |
هرماش لم يفيد الهلال سابقا ولو أفاده لما تمت إعارته نلعب على بعض .. هرماش استعراض بطء بالهجمه كثرة ارتكاب الأخطاء وخصوصا في المناطق الخطيره على المرمى الهلالي ..يرتكب الأخطاء أكثر من كونه يقطع الكوره .. خبر سد نفسي بعد ما أفرحنا التعاقد مع الشمراني يعني يا فرحه ما تمت ويا خوفي يكملونها بنفيز حتى تكمل اللخبطه من جد ... يعني ما فيه غير هاللاعبين هرماش ونيفيز ؟!!!!!!... المفروض الاداره تحمد ربها إن فيه عرض لهرماش بس يمكن العرض أقل من نص قيمته وأنا متأكد إنه رايح لتولوز الفرنسي بأخو البلاش ... هرماش يا جماعة الخير ما راح يفيد الفريق وإن شاء الله يطلع كلامي غلط ويكون اختيار سامي موفق إن شاء الله ... الأغلبيه الساحقه كانت تؤيد بيع هرماش بالفتره الشتويه الماضيه وتمت إعارته إلى الفريق الفرنسي والآن بقدرة قادر صار هرماش هو الأفضل وهو اللاعب اللي راح يعبي خانة الوسط إنا لله وإنا إليه راجعون ... سامي فرحتنا بالشمراني وصدمتنا بهرماش ... الفريق بحاجه للاعب وسط يصنع الفارق قلناها من الصيف الماضي ولا زلنا نكررها ولسنا بحاجه لهرماش وطقته ... وخذوها مني مانقان بالطريق إليكم لأنهم متوهقين فيه وهذي ضريبة التخبط بالتعاقدات والاستماع لرأي المتخلف والمعتوه نكباويه وتهميش مصلحة النادي ومحبيه واللي كانوا يطالبون بصانع لعب ولكن لم نجد أذان صاغيه .. محور هجومي هذي أول مره اسمعها اللي أعرفه هو يا محور دفاعي يا صانع لعب ما فيه خانه بين الثنتين إلا في حاله إن المحور الدفاعي يجيد صناعة اللعب وهذي نادره تلقاها بلاعب ... على العموم الهلال كالعاده تسمع أخبار التعاقدات تقول الهلال راح يجيب بطولة أبطال أوروبا لو شارك فيها وإذا جاء الجد وجاء تسجيل اللاعبين تسمع بهرماش وطقته من اللاعبين اللي أقل شيء ما يضيفون أي شيء للفريق ... الأنديه مليئه باللاعبين اللي أفضل من هرماش يعني ليش نكرر نفس السيناريو ونفس الخطأ !! وجهة نظر خاصه قد تعجب البعض وقد لا تعجب البعض الآخر ... |
يا سلام افضل قرار في ها الصيف انا من مويدين عودة هرماش كان شايل الفريق في نص الملعب ولا تنسون ان هرماش يتميز با التسديد والضغط على حامل الكرة وانا متعجب كيف تم اعارته لتولوز وجبنا طيب الذكر جوستافو والله العظيم ان هرماش افضل منه بمليون مرة |
اهلا بعوووووودتك يا ابو الهش لاهنتووووو |
بصرررررراحه انا من الناس اللي مايدت سامي يكون مدرب بس من بعد التعاقدات وتحركات الخطيره فااجئني في فيها سامي اهوو احلى ماسووه ضبط الدفاع والمحاور ويجي تياغو انا اتوووقع والعلم عند الله سبحان وتعالى انا اسيا وثلاث بطولات محليه واتمنا بدايه قووويه الزعييم |
بالتوفيق للزعيم والكوتش سامي بقيادة الكتيبة الزرقاء ! |
أنا مؤيد بقووووه لعوده الوحش هرماش ماعرفنا قيمته إلا يوم راح |
في ناس بس تبغي نغير هرماش فقط من اجل التغير . |
إقتباس:
|
قمة التناقض من المدرب والادارة اللى اعلنوا رغبتهم بعدم الحاجة لمحترفين الاجانب السابقين والتعاقد مع اسماء جديدة وعالمية والحين اعلن بانهم يرغبون ببقاء عادل الهرماش مادرى اضحك ولا ابكى تابعوا احصائيات عادل الهرماش مع الهلال وتعرفوا لييية ماريدة مع الهلال الهلال يحتاج الى لاعب بديل عن عادل الهرماش يكون صانع لعب مواصفات عالمية بسبب العرض المادى الضعيف فضلوا بقاء الاعب مع الهلال وياقلب لاتحزن ماجد |
الحين انت تقارن بوليفار في هرماش بعد رحيل عادل شفنا الفرق انا مع عودة هرماش وبقوة |
انا مؤيد لاكن الشي اللي مرددني اننا ممكن نقتل لعيبة بهالخانة زي عطيف والقرني والفرج واذا لعبت بمحورين فاكيد راح تلعب بمهاجم واحد وكذا ظلمت السالم وياسر لاكن ان شاء الله خير |
حقيقة لا أدري مدى صحة القرار في رجوع هرماش للهلال، والخوف من أن عدم تسويقه هوالذي جعله يرجع للهلال وليس للنظرة الفنية والحاجة للاعب أي دور في هذا القرار وإن كنت أرجح الإعتقاد الأول، فاللاعب عندما كان في الهلال لم يقدم المأمول منه فلماذا الآن يرجع!!!؟؟؟ يا خوفي أن نرجع لموال العام السابق ويبدأ التخبط من خلال التعاقدات الأجنبية وندفع ثمن ذلك الحسرة والندم الموسم القادم، ويذهب تفائلنا أدراج الرياح، وكأنك يأ أبو زيد ما غزيت نصبر ونشوف والله يجيب العواقب سليمة |
| الوقت المعتمد في المنتدى بتوقيت جرينتش +3.
الوقت الان » 11:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd