سامي الجابر يوضح رغبته بالابقاء على هرماش.. واللاعب يلتحق بالمعسكر غداً - نادي الهلال السعودي - شبكة الزعيم

هلالي راس مالي · #11 27/06/2013, 06:22 PM

إقتباس

الرسالة الأصلية كتبت بواسطة LOVERES KING


	بسم الله الحقيقه سجلت دخول مخصوص لاني شفت بعض الاخوان هنا متخوفين من عودة هرماش او بالاصح عندهم علامات استفهام بمراكز الاجانب لذلك حبيت اشارك برأيي اولا الاجانب الي الان تم التوقيع معهم انا اشوف انهم بالمراكز الي نحتاجها.. نبدا بالاكوادوري كاستيلو والي مركزه محور دفاعي بحت يعني يشارك الدفاع بالتحصين عن المرمى الهلالي وهذي فكرة سامي يعني بمعنى اخر حصن عالي امام الهجمات المرتده لان سامي راح يلعب لعب هجومي واللعب الهجومي يكون الخوف فيه من الهجمات المرتده السريعه لذلك نحن بحاجه إلى جدران دفاعيه تسبق خطوط الدفاع لذلك تم التعاقد مع كاستيلو وامامه الوحش هرماش بمعنى الي فيه خير يقرب من المرمى الهلال وانا اقول بوجود محورين دفاعي وهجومي بإذن الله الشباك محميه من الهجمات كذلك وجود امامهم صانع اللعب نيفيز والذي يتميز بقدرته على اختراق الجدران الدفاعيه للخصوم وخلق هجمات لياسر وناصر بهذا اتضحت فكرة سامي ولو لاحظنا بالمواسم السابقه مشكله يواجهها الهلال مع الفرق التي تتكتل امام هجوم الهلال و اكثر من لاعب هلالي بعد التعادل او الهزيمه يخرج بتصريح ويقول نواجه مشاكل امام الفرق التي تدافع بقوه امامنا وتعتمد عالمرتدات لذلك سامي لقى الحلول وهي عندما يتكتل دفاع الخصم امامك فهناك ثلاث حلول لا غير اولها التسديد من خارج منطقة ال18 وهذا الحل موجود بهرماش وكاستيلو و قاذفة الصواريخ نيفير ثانيها الكرات الثابته وهي موجوده لدى نيفير والشلهوب و ياسر وثالث هذه الحلول مهارات لاعبين الوسط في خلق فرصه من نوع انت وضميرك امام المرمى وعندنا بالهلال لا يقدر عليها إلا الشلهوب ونيفيز.. لذلك سامي ماشي صح ي اخوان.. تبقى مشكلة الهجمات المرتده وحلها هو وضع جدران دفاعيه قويه وقام سامي بوضعها وهم اولا هرماش بتعطيل الهجمه المرتده وإن لم يستطع هرماش يكون خلفه كاستيلو لذلك من الصعب اختراب الحصون الهلاليه يبقى خانة المدافع الاجنبي وانا اشوف انها اهم شي عشان الركنيات والعرضيات وسلامتكم

كلاامه يمثللني وبقووووه