KtToNeAaT +18 __PHOTO - نادي الهلال السعودي - شبكة الزعيم

مجنون الزعيم(9) · #1 25/06/2013, 05:55 AM

بسم الله الرحمن الرحيم
هالايام بديت احس بقيمه الخدامات وانهم مساكين ماغير عزابي بالبيت والاهل مسافرين وانا قالبها تصليح الانوار

وغسيل مواعين من الفظاوه

واول مره اعرف مكان بعض المواعين

هالايام بنرجع شوي وش شوي بنرجع كثير ورى

,,
هالكرتون من اول وش حليله

قمه ف البساطه من اول الواحد يفتح التلفزيون ويحتري
التفلزيون يفتح

وبعدها النشيد الوطني والعلم الاخضر الخفاق يرفرف

ومن ثم موجز اهم لانباء ومسيكين هالمذيع مقومينه من النوم ومايتابعه الصبح الا هالمبزره حنا من اول

نحتريه يقول هذا وننتقل الى الرسوم المتحركه وقتا طيبا معكم

من اول كنت احب اتابع طائر المعرفه ,,

الي ماعرفه ببغاء لونه نهري كانه هيلا هوب

ومعه شمَاسه ويطير لمدري وين ويعطينا بعض الفوائد

من كثر ماتأثرت معه

اخذت الشمَاسه عندنا بالبيت ورحت انا واخوي الكبير ورقيت فوق البلكونه وماسك الشمَاسه

قلت بطير مثله

واخوي تحتي

.. البلا وين ََ؟؟ اني اقول لاخوي اخاف اطير فوق وش لون برجع

!!
واخوي تحت يقول ماعليك تمسك بالسطح

وبعلم اهلي نجيك فوق

وبسم الله ياقفزه فليكس

انا والشمَاسه ومادريت الا الشماسه تفوشح

وتصير بالعكس u <~ زي كذا

وادبج على ظهري اخوي ومير ذيك الليله في مستشفى الملك قسم العظام

..
والرميه الملتهبه وما اداراك ما الرميه الملتهبه

ما تعَب جارتنا الله يذكرها بالاخير الا هالحركه

ماغير اسويها كل يوم بكره بلاستك واحتري النار تطلع من لكره

واخر الليل عند جارتنا ام محمد جالسه تمردغني بفكس وزيت زيتون

حسيت وقتها اني حرمه فيها طلّق وعزتي يالي

ومع السلامه

ننتظر ذكرياتكم المخيسه