نادي الهلال السعودي - شبكة الزعيم - الموقع الرسمي

إقتباس:

الرسالة الأصلية كتبت بواسطة tigger of alhilal (مشاركة 21363009)

أنا ضد هذا التعاقد لعدة أسباب :

1- الشباب إشترى الشمراني من الوحده ب 13 مليون وعمره 24 سنة والآن يبيعه للهلال ب 18-20 مليون وعمره 30 سنة .

2- الهلال يتواجد فيه 4 مهاجمين وكان الأولى يبحث عن صانع ألعاب من طراز رفيع .

3- اللاعب مزاجي وعصبي يعني لعبوني أساسي أو أخرب .

هذه وجهة نظري الخاصة وإذا كان لابد من مهاجم فأعتقد أنه بهذا المبلغ أجيب نايف هزازي صغير بالسن ويتقن الضربات الرأسية خصوصا إن أغلب الفرق تقفل قدام الهلال , وبعدين كيف الهلال يدفع دفعة أولى للشباب وبعدين يفحص اللاعب المفروض العكس يصير , تخيلوا ظهر بالفحص شيء لا سمح الله

اول حاجة الشباب جابه بمبلغ اقل من حق الزلزال ناصر الشمراني بكثييير وبعدين يارجل الله يرزقهم ويرزقنا احنا ما يهمنا بكم شروه لو جايبينه بريال اللي يهمنا اننا نجيب نجم مثل الزلزال وان شاء الله يكون عند حسن الظن فيه ويخدم الفريق مع بقية النجوم بالزعيم

ثاني شي مهاجمينك داجين مابهم الا السالم طول الله بعمره والباقي اسماء فقط لاغير وينهم بدوري ابطال اسيا او فالحين بس تسدح مهاجمينك عدد بدون فاعليه وناصر لحالة ابرك منهم كلهم ماشاء الله عليه وناصر والسالم اذا اجتمعوا احلا نجمين ماشاء الله عليهم والله يوفقهم مع باقي نجووم الزعيم

والشي الثالث انا ماعمري شفت الزلزال ناصر الشمراني مزاجي مع الشباب مدري من وين طلعتوا بهالاسطوانة ذي مدري من لعب عليكم وقال انه عصبي ومزاجي

وبالاخير اقول ان شاء الله الميدان ياحميدان وان شاء الله بيرد عليكم ناصر بالملعب وان شاء الله يكنب له التوفيق مع الزعيم الا اذا كنت ماتبي الخير للزعيم هذا شي ثاني واذا على الاصابة والمبلغ تفائلوا بالخير تجدوه

وبعدين من قال ان الاتحاد بيعطونك هزازي ويتنازلون عنه مصدق انه الاتحاد بيعطون الهلال نجم من نجومهم الهلال ممكن يسويها ويتنازل عن العابد وغيره من نجومهم لكن الاتحاد لا ما يتنازل عن اي نجم من نجومه لو تجن ادارات الاندية كلها فريق يعرف كيف يحافظ على نجومه

وتقبلوا تحياتي