|
من هو المتسبب في ضياع نجومْ ومواهبْ النادي ؟ الأمور بدأت تخرج عن السيطرة , وترا الطمع شين يانواف ! سلام عليكم ,,, أكتب هذا الموضوع وأنا مقهور ياشباب بـ كل أمانة وكان عندي تحفظ على الموضوع بس بصـراحة خايف يروح العابد لـ جدة ونفتقده ماكنا نسمع في الماضي عن اللاعب هذا يبغى 7 مليون بالسنة والثاني مدري ايش يبغى واللي جالس يفكر كيف يستفز الإدارة عشان يرفع عقده واللي يفكر في طرق مبتكرة عشان يحاول يستغفل إدارة النادي ! أسامة هوساوي كان أول المغادرين بـ هذي الطريقة بس غير شوية (كوبري بلجيكي) وهذا اللاعب بصراحة ياما نكبنا في آسيا , لكن بصراحة من راح ودفاعنا متدهور ! هل المشكلة من الوكيل ؟ أو هل الأهلي قام بـ إغراء اللاعب بـ أشياء لايمتلكها بالهلال غير العقد ؟ وكيل اللاعب أسامة هو : سلطان البلوي( إتحادي) في النهاية أسامة انا حاس انو من أول يبغى مايبغى الرياض , ويبقى لاعب خائن ومو قد كلمته وناكر للجميل . ---- الـــــــــفـــــريـــدي , الفريدي عانينا بـ سببه لـ شهور والإدارة تحاول مدري تخبص واللاعب يطلب مبلغ خيالي لايستاهلة بصراحة بسبب مزاجيتة وبروده الزائد , (يدور أهداف حلوة بس ) وكيل اللاعب : سلطان البلوي (إتحادي) --- الـــــعاااااابد ! نواف بصراحة قدم مستوى الموسم الماضي ماشاء الله عليه , ومو راضي يوقع العقد وفي تصريحه هذا : كود: http://www.youtube.com/watch?v=EV0g2zg6LFkواضح إنه مخطط على شيء وماهو موقع على طول , لو انه صدق يهمه جمهور الزعيم ماقال انا لسا ماوقعت وبوقع ان شاء الله , لو انه يحب الهلال حب حقيقي كان قال انا ماني موقع إلا للهلال ! المشكلة يانواف إنك من أبناء النادي هذي المشكلة والله. مرت الأيام ومرت وجانا اليوم الأسود اللي وقع فيه مع هذا الشخص لـ يدير أعماله وهو عضو الشرف الأهلاوي المعروف : فهد الطيب فـ مالذي يحدث داخل النادي ؟ وهل هناك مشاكل بين اللاعبين والإدارة ولا ايش بالضبط ؟ توقيع نواف مع هذا الشخص بصراحة مثير للشكوك وأنا احللها بالشكل هذا والله أعلم : 1: طريقة مبتكرة وخاصتاً في هذا الوقت لـ الضغط على الإدارة الهلالية للرضوخ لـ شروط اللاعب ! 2: توقيع اللاعب مع هذا الوكيل جاء بشكل عفوي والله اعلم بصراحة ما بدخل بالنوايا . فـ هل نشاهد نواف العابد هلالياً ولا راح يتكرر سيناريو الفريدي لين دخل الستة أشهر وطار ؟ ولا الإدارة تتدارك الموقف وتوقع مع اللاعب وتقنعه ؟ ليش لعيبة كثير بالرياض يوقعون مع وكلاء من الغربية ؟ هل هناك من يضغط على وكلاء اللاعبين بالرياض ؟ عموماً في النهاية اذا جلس العابد خير وبركه واذا يبغى يحاول او حتى يفكر يسوي مشاكل وبلبلة بالهلال خليه يروح ويفكنا من شره ويبيجي غيره عشرين نواف, ماوقفت عليك ترا يانواف عندنا عزوز والفرج والشهراني والدوسري سالم , ترا الطمع شين يانواف ! وعندنا بالأولمبي لعيبة على مستوى ترا يانواف لاتغتربـ نفسك ترا الطمع شين ! خليها في بالك من طلع من دارة قل مقدراة يانواف ! وانتا الخسران وترا من يحاول يلف ويدور ويلوي ذراع الإدارة ترا مابتوقف عليه ويبطي ! اذا كان تخطيطك يانواف تسبب مشاكل وتفتعل مشاكل مع اللعيبة والإدارة في خلال توقيع العقود فالترحل غير مأسوف عليك ! ترا طفشتونا كل شوي طالع لي لاعب يبغى يروح ! شوف الشمراني بيدفع من جيبه عشان يجي للهلال !!! اذا وقع نواف بـ 7 مليون او 6 مليون بالسنة ايش راح نسوي مع الفرج وباقي اللعيبة ؟ أكيد الإدارة راح تفقد السيطرة وراح تصير مصيبة ,, انا ما استبق الأمور بس بصراحة الوضع يخوف نواف يتغيب عن اول اجتماع ويقول جوازي ضايع ! ويوقع مع عضو شرف أهلاوي وماندري بيوقع ولالا ! اللي بيفتعل مشاكل انا مع رحيلة بـ كل صراحة من غير زعل يعني وسلامتكم . |
ان شاء الله الاعضاء الداعمين يدعمووت خزينة الهلال بكم مليوووون وتنحل الامووور ان شاء الله |
اولا يا أخي الكريم الادارة تولي عقد العابد اهتمام كبير وحريصه على التوقيع معه لكن الادارة عندها سقف محدد للعقود وصدقني الادارة لن تكرر غلطتها مع الفريدي واتوقع سيوقع نواف للهلال حتى لو تجاوز عقده السقف الاعلى والله اعلم |
ذهب النعيمه والثنيان وسامي والتمياط وغيرهم من نجوم الهلال الاوفياء وبقي الهلال وبقوا هم نجوم في تاريخ الزعيم بعيون الجماهير ذهب الغشيان وعزيز وخميس العويران فأين هم الآن ..؟؟ بالامس ذهب الفريدي ابن النادي والذي انتشله الهلال من حواري المدينه بعد مساومات رخيصه هدفها الماده والآن نفس الحال مع العابد الذي يتردد ويماطل ويعتقد ان الهلال سيتوقف عليه وكأنه اسطوره زمانه للاسف البعض يلوم الاداره وكأنها تطفش اللاعبين ولاتدفع لهم شئ ..! اساس المشكله من اللاعب وطمعه وتأمين مستقبله وكأنهم يعطونه ١٥٠٠ بالشهر لاعبون ضخمهم الجمهور وزاد طمعهم كأنهم حققوا للهلال المعجزات الاداره اكيد عرضت على العابد عقد ممتاز ومناسب ماذا يريد اكثر ..؟؟ اذا رضي اهلا وسهلاً واذا مارضى بيع عقده حل يفيد النادي والباب يوسع جمل يانواف اذا كنت تساوم على طريقه الفريدي |
ترا لو الكل يسكت ولا يجيب طاري نواف و "تمديد" عقده كان احنا بخير نركز على استعدادات الفريق و احتياجاته من اللاعبين الاجانب في هذي الفترة ونترك الكلام عن "تمديد" عقد لاعب بينتهي بعد موسمين لا تصدقوا الاعلام ابدا ابدا |
تخيل انك في اول وظيفة لك ودربوك وطورك لين صرت نائب مدير،، ويوم جا تجديد عقدك، جاك عقد اخر من شركة كبيرة أخرى تبي تدفع لك أكثر اول شي بتقوله ان الشركة الثانية قدرتني أكثر من شركتي وبتنقل لها لا تلومون اللعيبة، كلن يدور رزقه ، اذا رضى اللاعب بعرض الهلال اذا كان اقل،، هذي اسمها تضحية أما اذا انتقل فهو الطبيعي.. أنا لا اتهم الإدارة بعدم تقدير اللاعبين على العكس أنا أشوف ان الأسعار مرة ارتفعت وحتى الإدارة تدور مصلحتها الله يوفق الهلال عموما موضوع العابد مرة بدري عليه |
علاج العابد الدكه لين يعرف ان الله حق |
لا الوضع يخوّف ولاااااشيء ( اللّي ما يبغى الزّعيم الزّعيم ما يبغااااه ’’’ واللّي يتعالى على الكياااان لأنّه نجّم في كذا مباراة فقط ما يهمّنا وجوده ’’’ واللّي يسعى وراء الأموال الطائلة والأموال فقط وبدون وجه حقّ سوااااااء نوّاف أو غيره فالله معااااااه وما راح نترجّاه يبقى ولا راح نبكي عليه )...... وسلاااااااااااامتكم وعلى فكره ترى خوفكم الزّائد ومبالغتكم في وتصوير الأموروتضخيمها هو اللّي يكبّر رؤوووس بعض اللّعيبه ... |
راح يوقع في بداية المعسكر ان شآآآآء الله |
اولا يا أخي الكريم الادارة تولي عقد العابد اهتمام كبير وحريصه على التوقيع معه لكن الادارة عندها سقف محدد للعقود وصدقني الادارة لن تكرر غلطتها مع الفريدي واتوقع سيوقع نواف للهلال |
الادارة فاوضة العابد وحددت له العقد وإن رفض سوف تعرضه على قائمة الإنتقال العام القادم |
انا اقول للعابد تقدر تعطيني مستوى ممتاز في اكثر المباريات قدامك سنتين يالعابد ابدع فيها واوعدك ان بان الهلال سيعطيك 10 مليون سنويا نريد بطولات نريد الدوري واسيا وانت احد المؤثرين وتستطيع متى كان اخلاصك وروحك وأنظباطك حاضره انت ونجوم الزعيم |
العابد ابن النادي وبقي عليه سنتين لاتتعب نفسك بافكار بعيده عن الواقع ما صاير الا كل خير ان شاء الله |
الموضوع اخذ اكبر من حجمه ترا لو الكل يسكت ولا يجيب طاري نواف و "تمديد" عقده كان احنا بخير كلام سليم s13ss13ss13ss13s |
مشكلة الجمهور ،، عاطفي بزيادة عن اللزوم ويعطون الامور حجم اكبر من حجمها الطبيعي ويضخموها عشرات المرات نواف - نواف - نواف - نواف ياخي صار لكم كم شهر وانتوا مالكم الا هالموضوع الهلال ما يتوقف على لاعب ونواف العابد ،، ماهو باللاعب الخارق اللي راح يتأثر الهلال برحيله ان حصل ورحل عن الهلال وباقي له موسمين مع الهلال اذا قرب انتهاء عقده ،، وقتها ، يجب الله مطر ومافي لاعب سعودي ،، حالياً ،، يستحق اكثر من مليون ريال سنوياً عطفاً على ما يقدمونه من مستويات واداء فني مافي لاعب بارز في الدوري السعودي يستحق اكثر من هذا المبلغ ومن وجهة نظري ، الفنية سالم الدوسري ، فنياً ووتكتيكياً ومهارياً ،، افضل من نواف العابد وتأثيرة في المباريات ، اكثر من نواف اذا ،، في هذه الحالة ،،، كم يستحق سالم الدوسري ؟؟ |
| الوقت المعتمد في المنتدى بتوقيت جرينتش +3.
الوقت الان » 03:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd