مساكم الله بالخير وعساكم طيبين وشلونكم وشلون عيالكم واهلكم وغنمكم وجيرانكم عسى كلهم طيبين انشالله
المهم طال عمركم جميع انا هاكلحين يوم اني بالمنتدى ايام العصر البيزوقراطيسي ايام كنا نجي للمنتدى على اباتشي موديل 77 قبل الميلاد كنت هاكلحين اتخاوى انا وابوسليمان بعد حيي هاك الوجه وهاك القبلة ياعساني ماذوق حره انشالله وجعل يومي قبل يومه قولوا امين انشهد انه سنافي وذرب وسنع ماعنده كيني ميني رجالن تكانة ماعقبه ولاقبله
منتدانا هذا تراه قدييييييييييم اقدم من السلام عليكم وهو على النت كان موجود على الانترنت ايام كنا ندخل الانترنت هاك الحين عن طريق الرادو كنا نركب غطى قارورة ببسي على انتل الرادو ونشبك سلك من حبل الغسيل الى الرادو ونفتح النت طبعا هذي طريقة قديمة حتى ماتمر على مدينة الملك عبد العزيز لانه كان ممنوع المنتدى منول ايام العصر البيزوقراطيسي وكنا نسوي الطريقة هذي بالرادو وغطى قارورة الببسي ايام كانت القارورة بربع ريال نسوي الطريقة هذي حتى ماتطلع لنا (هذه لايمكن انك تويق عليها ولاتشمها حتى بطرف خشمك) فكنا نسوي كذا بدال اللي يسمونه البروكسي الحين تعرفون انترنت منول على قد الحال بس كنا نطقطق بها شوي انا والشلة الاولين اللي هالحين مدري وش علم الله بهم بس اتوقع انهم كل واحد صار له سالفة عقب ماشي فاتوقع ابوسليمان هالحين يبيع ويشري بالغنم اما سهل اتوقع انه صار طبيب اطفال مايعالج الا من الاسهال بس (الله يكرمكم) اما البارق اتوقع انه فتح له دكان ويبيع طراطيع ويهك على بزران خلق الله هالحين اما حبي تيماوي اتوقع انه كمل دراسته بالخارج ويوم تخرج واخذ الماجستير والدختوراه رجع هنا وتوظف عند راعي ورشة غسيل سيارات وبنشر اما الزيز سالم اتوقع انه توهق بهالاسم وقام يدور محارش بالخلق يحسب انه صدق الزير لين لقى حتفه(بسم الله عليه انشأالله)اما JAJ اتوقع انه صار تبع مصلحة الارصاد وحماية البيئة ومهمته الكشف عن الغبار والعجاج اذا اقبلوا للديرة اما شقراوي اتوقع انه راح لشقرا وقام يبسط على احد الارصفة بجرايد ومجلات امابحر اتوقع انه فتح محل ابوريالين ويهك على الناس المحل مكتوب كل شي بريالين وارخص بضاعة عنده بتسطعش ريال اما عنود الصيد الله يذكرها بالخير اتوقع انها خلصت دراستها الجامعية وملت وهي تحتري الوضيفة واتلى مهنا تزوجت ورزقها الله بعييل وبنيات وصارت تشتغل على النت بالمطبخ جنب القز لانه هاك الحين مافيه فرن ولايحزنون كل المطبخ قز وثلاجة غاز وماصة ام اربع رجلين ونامولية بس وانشالله باكر اكمل لكم فضايح باقي الاعضاء ووش صار عليهم من عقبي

حبحور مقطع البحور ومغري البنات الحور وحامي الضبان بالجحور من عانده مقهور ومن خاواه مسرووووور

[ALIGN=CENTER]

إقتباس اما عنود الصيد الله يذكرها بالخير اتوقع انها خلصت دراستها الجامعية وملت وهي تحتري الوضيفة

خبرك قديييييييم حبحووووور

وياهلاااااااا وغلااااااااااااا ومرحبااااااااا بنور المنتدااااااااا<< لزوم السجع

أسفرت وأنورت وأسفهلت وأمطرت

يا الله أن تحييه.. وين الناس ويش ذا القطعه

حشى ماصار سكنت بيت جديد وجاتك بنت خبري أسمها يا طيف
يا لطيفه

خخخخخخخخ

<< هذا إذا ما خانتها الذاكرة

الحمد لله على سلامة الوصول

بالسيارة وبالقطار ولا الطياره وعسى ماخطفوا طيارتك خخخخخخخخخ

المهم أيها الحبحر الحار للحين مع ذا الأسم الفريد من نوعه

الصراحه لك وححححححححششششششه أد الدنيا

أكو ناس عطوك عمرهم الله يرحمهم وناس أعرسوا وناس أنخطبوا

<<< تقصد نفسها وقرقاص والحاتمي وبرق الزعيم

جدد عليك خخخخخخخخخخخخ

معك وردة الهلال إن كنت تذكرني عاد خخخخخخخخخخخخخخخخ

ويا هلااااااا فيك والله

وين أخوك خبري خبري أن أسمه الأسير الهلالي إن ما نسيت

<< ذاكرتها قويه ولا لا;) وصحيحه ولا لا

المهم

نورتنا يالغاااااااالي

تحياتي: الكرز وردة الهلال[/ALIGN]

يييييييييييييييييييه حبحور ونا وين ماروح الاقي يوزرك ومواضيعك قدامـي





















حيــــــاك الله نورت الزعيم ونورت الشبكـه ;)

إقتباس لانه كان ممنوع المنتدى منول ايام العصر البيزوقراطيسي

قصدك العصر الكربوني و الكريتاسي !!
اقول انت عارف وش العصر الكريتاسي

إقتباس ابوسليمان هالحين يبيع ويشري بالغنم

لا الحين صار يبيع ثيران

إقتباس سهل اتوقع انه صار طبيب اطفال مايعالج الا من الاسهال بس

انشهد انك جبتها
بس ترى اطردوه من وظيفته وصار محلل مختبرات

إقتباس البارق اتوقع انه فتح له دكان ويبيع طراطيع ويهك على بزران خلق الله هالحين

والحين تطور صار يبيع حمام في سوق عتيقة وتره ميت من القهر بعد ما طلع الشيحان وصار مشهور ويبي يسوي مثله

إقتباس حبي تيماوي اتوقع انه كمل دراسته بالخارج ويوم تخرج واخذ الماجستير والدختوراه رجع هنا وتوظف عند راعي ورشة غسيل سيارات

وهيدا الثاني
طردوه بعد مالقوه يسرق مسجلات السيارات اللي يغسلها

إقتباس اتوقع انه صار تبع مصلحة الارصاد وحماية البيئة ومهمته الكشف عن الغبار والعجاج اذا اقبلوا للديرة

قصدك اذا شفنا وجهه جتنا الزوابع والمعاصير

إقتباس وملت وهي تحتري الوضيفة

جينا لمربط الحمااار

كل شي عندي الا الخطا الاملائي ( الوظيفة)

إقتباس اما عنود الصيد الله يذكرها بالخير

ان كانت اللي على بالي شيخة الشين
فالله لايوريك من طقاق الى طقاق




والباقين مدري منهم



وتحياتي لك يالحبحر
الا وش معناتها
وعذرا عالاطالة


وترى الدعوى مزح ÷ مزح

[ALIGN=CENTER];)

إقتباس مساكم الله بالخير وعساكم طيبين وشلونكم وشلون عيالكم واهلكم وغنمكم وجيرانكم عسى كلهم طيبين انشالله

كــــــــل عام وانـــــــت بـــــــخــــــــيــــــــــــــر ...

إقتباس كنا ندخل الانترنت هاك الحين عن طريق الرادو كنا نركب غطى قارورة ببسي على انتل الرادو ونشبك سلك من حبل الغسيل الى الرادو ونفتح النت طبعا هذي طريقة قديمة

مــــــــــخ نظيف >>> اكيد فكره حبي تيماوي ...

إقتباس ابوسليمان هالحين يبيع ويشري بالغنم

ابشرك ما فلح بالغنم حول على الطيور بسوق الخميس ...

إقتباس اما سهل اتوقع انه صار طبيب اطفال مايعالج الا من الاسهال بس

ابشرك يكمل الدراسه الحين في النيبال عشان يعالج مرض سارس ...

إقتباس اما البارق اتوقع انه فتح له دكان ويبيع طراطيع ويهك على بزران خلق الله هالحين

حسبي الله عليه دمر البزران وشوه خلقهم ....

إقتباس اما حبي تيماوي اتوقع انه كمل دراسته بالخارج ويوم تخرج واخذ الماجستير والدختوراه رجع هنا وتوظف عند راعي ورشة غسيل سيارات وبنشر

والله انه نشبه كل شوي يدق علي ويقول ماتبي غسيل مجاني ... من زود العلم ...

إقتباس اما الزيز سالم اتوقع انه توهق بهالاسم وقام يدور محارش بالخلق يحسب انه صدق الزير لين لقى حتفه

والله ما ادري وين راح ( الله يستر عليه ) ;)

إقتباس اما JAJ اتوقع انه صار تبع مصلحة الارصاد وحماية البيئة ومهمته الكشف عن الغبار والعجاج اذا اقبلوا للديرة

اقــــــــول ما احد دمر العالم بالارصاد إلا هو يقول بكره مطر تجي عجه والعكس صحيح ...

إقتباس اما شقراوي اتوقع انه راح لشقرا وقام يبسط على احد الارصفة بجرايد ومجلات امابحر اتوقع انه فتح محل ابوريالين ويهك على الناس المحل مكتوب كل شي بريالين وارخص بضاعة عنده بتسطعش ريال

حتى هو الله يستر عليه ما ادري وين راح .... ;)

إقتباس اما عنود الصيد الله يذكرها بالخير اتوقع انها خلصت دراستها الجامعية وملت وهي تحتري الوضيفة واتلى مهنا تزوجت ورزقها الله بعييل وبنيات وصارت تشتغل على النت بالمطبخ جنب القز لانه هاك الحين مافيه فرن ولايحزنون كل المطبخ قز وثلاجة غاز وماصة ام اربع رجلين ونامولية بس

حتى هي ما ادري وين راحت (( الله يستر عليها )) ;);)

الحبحر الحار الهلالي يسلموا على هيك معلومات عن الاعضاء المدمرين ...

ونحن في انتظار الجزء القادم ...

تحياتي لك ...

عويررف ... [/ALIGN]

[ALIGN=CENTER]

إقتباس ندخل الانترنت هاك الحين عن طريق الرادو كنا نركب غطى قارورة ببسي على انتل الرادو ونشبك سلك من حبل الغسيل الى الرادو ونفتح النت طبعا هذي طريقة قديمة حتى ماتمر على مدينة الملك عبد العزيز لانه كان ممنوع المنتدى منول ايام العصر البيزوقراطيسي

والله انكم مانتم سهلين وين حنا فيه ذاك الوقت..;)

إقتباس وانشالله باكر اكمل لكم فضايح باقي الاعضاء ووش صار عليهم من عقبي

بإنتظار باقي توقعاتك أخووووي;)

إقتباس حبحور مقطع البحور ومغري البنات الحور وحامي الضبان بالجحور من عانده مقهور ومن خاواه مسرووووور

[/ALIGN]

إقتباس انا وابوسليمان بعد حيي هاك الوجه وهاك القبلة ياعساني ماذوق حره انشالله وجعل يومي قبل يومه قولوا امين انشهد انه سنافي وذرب وسنع ماعنده كيني ميني رجالن تكانة ماعقبه ولاقبله

هلا حبحور مطيح الحور
;);)
يالغالي ماحبيت الا من يحبك ويغليك وكل ماشفت منا شوي في حقك وحق الغالي سعود
وهذا متعلمينه منكم

إقتباس فاتوقع ابوسليمان هالحين يبيع ويشري بالغنم

هههههههه ماتعلم انت
يارجال ماجابت لنا الا الخساير:sad::sad:

الـحـاتـمـي .......


مــــر مـــن هــــنــــــا .......


ويـقـول : كل شئ يتطور الا الحبحر !!

((( يامرحبا .. حييّت يالحبحر الحار @ ترحيبةٍ للمنتدى يوم رديت )))

((( خبرك عتيقٍ .. والزمن دوم دوّار @ يافاتحٍ شهية العام .. حييت ّ )) >> المقصود المجلس العام !
=========== هذه تحيتي لك يالحبحر !!

يا مرحبا يا مرحبا بالحبحر الحار ..

وشلونك مع الرز هالأيام ..

رجعت وجبت معك كم ( خيشة ) دجة من عصر الكامبري ..

إقتباس اما البارق اتوقع انه فتح له دكان ويبيع طراطيع ويهك على بزران خلق الله

والله ما دام فيها مكسب وش ورانا ..

المهم ترى لك خصم خاص كان تبي كمية ..


أكرر ترحيبي بك يالغالي .. وحللت أهلاً ووطئت سهلا 888..

وتقبل تحياتي ،،،

أخوك / البارق

إقتباس اما سهل اتوقع انه صار طبيب اطفال مايعالج الا من الاسهال بس (الله يكرمكم)

[ALIGN=CENTER]يؤيؤيؤيؤيؤيؤ يؤ ;) سهل وهذي آخرتهااااا ..

تصير طبيب اطفااال وحق اسهاااال (( وعععععععععععععععع )););) ...

وأنا اللي كنت شاااد بك الظهر ... وأقول ان قااايدناااا .. مافيه مثله بالقصيم

<<< صااار التعااون ماهو سهل ..

المهـــم ياخوي شد حيلك عااادي هذي حاااال الدنياااا << والله مايدري وش الطبخه ..

ايه ولا تنسى وغدااانااااا ... تجي تعااالجهم .. يقااال انهم سبب التفجيرااات الأخيره بالريااااض ..
[/ALIGN]

إقتباس المهم انا داخلة اقوووووول حدكم عن سهل ترى ما ارضى عليه

ابد ما شاء الله عليك ,,, محد قال شي
قطعوني يالرقيه واني جالسه تضحكين

بحبوووور ذكرتن بالام بي سي اول ما طلعت بالقصيم
دش صغير ومعلـّـق بالدريشه على قناة وحده << امحق دش :sad:

ما يحتاج احكي لك عن الشباب في غيابك البقيه وفو وكفو
وادم الدعوى به ناموليه >>> نم وانت مرتاح

الحبحر الحار الهلالي..

موضووووع حل كتير كتير..ومن طول الغيبات جاب الغنايم<<--علمي نفسج

تسلم الله على هيك مواضيع..وماقصرت

إقتباس إقتباس من مشاركة الحاتمي الـحـاتـمـي ....... مــــر مـــن هــــنــــــا ....... ويـقـول : كل شئ يتطور الا الحبحر !!