|
هلال عبدالرحمن بن مساعد ياناكري الجميل السلام عليكم ورحمة الله وبركاته كثر الانتقاد على ادارة عبدالرحمن بن مساعد وكثر الحديث عنها وانها اداره فاشله واداره استثماريه وكأن الهلال قبل بن مساعد كان يجلب كبار اللاعبين الاجانب والمحليين في عهد بن مساعد حظر ويلهامسون ورادوي ونيفيز ويوسف العربي من اغلى اللاعبين الفرنسيين وعادل هرماش المتميز وايمانا ومادراكما ايمانا اللي ازعجتونا فيه ليل نهار واستجاب لضغوكم عبدالرحمن بن مساعد وتنازل عن شروطه امام شروط الفريق الاسباني وعندما حضر ايمانا قلتم عنه فاشل ورميتم باللوم على بن مساعد لماذا لانعترف ان بن مساعد هو من أحدث نقله نوعيه في الهلال من معسكر داخل النادي وبنيه تحتيه للنادي الى لاعبين محترفين اجانب وسعوديين (هذه السنه فقط) يا من تنتقدون عبدالرحمن بن مساعد أعتقد انكم اشتقتوا للاعبين ابو 300 الف دولار من الدرجه الثالثه للدوري البرازيلي امثال برونو والفان وقائمه تطول للاعبين حظروا في عهد ماقبل بن مساعد قليل من التقدير لهذا الرجل قد يعاب عليه التصريحات البارده و ميثاليته الزايده وعدم بث روح الانتصار في اللاعبين وقد يعود ذلك لاسباب انه شاعر واديب وقد غاب عنه ان مجال الرياضه السعودي يحتاج لامثال محمد بن فيصل بندر بن محمد وغيرهم من اصحاب التصريحات الرنانه والقويه ( اتحدث هنا عن التصريحات والشخصيه وليس العمل ) شوية انصاف للرجل والله عيب اللي يصير يعلم الله ان مالي اي مصلحه في هذا الموضوع ولا لي اي علاقه بالاداره وانا مشجع عادي مثلي مثل اي مشجع وشكرا |
ياخي كلهم مندسيبن عارفين ادارة عبد الرحمن بن مساعد ماشي صح فلذالك حاربوها عبد الرحمن بن مساعد دفع المال وبذل الجهد ايمانا اذكر المطالبه الكبيره فيه يوم جاء اداره فاشله يجبون ايمانا الفاشل والعربي وهرماش من اغلى اللاعبين ويقولون فرط ولي ونفيز يوم جاء ولي مره اخرى قالوا اداره فاشله ولهامسون ابدع عششان معه نفيز ورادوي وقالو لو نفيز ممكن وطالبو برحيله والان نفيز انبااء انه سيعود قالوا لاعب بارد وفاشل ولو راح للشياب رح يقولون الاداره فرطة فيه كلهم مندسين يارجال |
تكفون يا جمهووور الزعيم لا يهمكم المندسين خلونا ناقف مع الفريق من دون انتقادات بالتوفيق للزعيم متفاااااائل هسنه |
فقط اريد ان اسالك اذا رايت خطا من أي شخص في الهلال وتكرر هذا الخطا اكثر من مره هل تقول هذا خطا ويجب اصلاحه ام تقول يكفي انه اول سنه تعاقد مع مدرب ومحترفين جيدين ؟ اول سنه او سنتين كانت جيده ثم دخلنا في لخبطه لها اول مالها اخر بعد ذهاب جيرتس الله لا يوفقه تغير في الامير عبدالرحمن شي ما ادري وشهو ولكن عندما تعاقد مع بيونق للظهير وويسلي للجناح الايمن كان هناك فهم لاحتياج الهلال وان الجهه اليمنى تحتاج لاعبين اجانب خاصه الظهير والجناح قد يكون سالم حل مشكلة الوسط والجناح الايمن وربما كعبي راح يصعدونه هذا العام ولكن اين الظهير ؟ لعلمك رادوي حضر ومحاور الهلال الافضل لكن كان مميزا رغم انه انهاء وجود عزيز وعمر بعدها محترفينا ومدربينا كل سته اشهر تغيير يعني ماهم مقتنعين فيهم مو بس الجمهور انا ضد التغيير المستمر في المدربين والاعبين والتغيير الكلي غلط وكنت اتمنى من سامي مثلا ان يبقي على جوستافو ويتعاقد مع صانع العاب ومهاجم برازيليين ويبقى الاسيوي في أي مركز وموضوعه اسهل او حتى يبقى بيو بحيث يكون التغيير متدرجا ويتم تحديد مركز البديل من خلال المباريات ثم يتم التعاقد معه في فتره التسجيل المقبله او يتم التعاقد مع ظهير ايمن من اليابان او كوريا اذا كانوا لا يريدون المحليين . كلنا مع الهلال ولكن يجب على الاداره ان تعمل بشكل واضح وتستشير الهلاليين وليس في هذا عيب شكرا لك |
إدارة عبد الرحمن بن مساعد نجحت نجاحا باهرا في اول موسم لها وفي الموسم الثاني قل البريق والثالث قل اكثر الى أن اختفى. و ما المانع من جلب لاعبيين ابو 300 الف يلعبون في الدرجة الثالثة ويقدموا اداء ممتاز ويساعدون الفريق كتفاريس وكماتشو . وعلى فكرة ريفلينهو لم يأتي في عهد عبدالرحمن بن مساعد. |
إدآرة آلامير عبدآلرحمن قدمت عمل مميز آول سنتين ، بعد ذلك انخفض الرتم ، وبشكل عام ، إذا أخطأت الإدراة فسـننتقد عملها بأدب ، إن اجتهدت وعملت فسنشكرهآ ونقدر عملها بكل تأكيد ، شكرآ لك ، |
إقتباس:
وبعدين اذا عالاخطاء كل العالم بتخطي مافيها شي بس المستغرب الهجوم الكبير على الاداره |
يا اخي الامور ما تؤخذ بمعيار جميل ونكرانه فهذي عواطف بمنظورك هذا نصفق لمعروفه اول سنه ونتفرج الين ننزل الدرجة الاولى. |
إقتباس:
الان ثلات مواسم تكون الوعود الموسم القادم مختلف ولعلمك الهلا ل كان بطل الدوري والكاس بدون هزيمه عندما حدث التصريح المشئوم سنصنع هلالا لا يقهر ولكن للاسف نفس الاخطاء والتاخير في التعاقدات ويمكن لو لم يكون سامي المدرب لكانت الاداره الى الان تبحث عن مدرب ومحترفين الان سامي مدربنا وش المشكله ان يجلس معنا سنتين مثلا ونصبر عليه . انا متاكد انه بكره لا سمح الله قام جمهور المسيار بعمل حمله على تويتر سموه راح تتم اقالته كما حدث مع المدربين السابقين 7 في موسمين وتجي انت الله يهديك وتقول ترى كل العالم تخطي ومافيها شي اتفق معك في وجود الاخطا وان نتقبلها من الجميع ولكن لا تتكرر كل عام . شكرا لك |
الحين من انتقد الاداره اصبح ناكر للجميل ؟!!! المفروض نشكرهم في وقت العمل الصحيح وننتقدهم وقت ما نشوف ان الهلال فيه اخطاء كثير بالجمله علشان يصلحون الوضع يالغلا الحين اذا انتقد اي واحد بالمنتدى وسط الموسم او اول الموسم كل المتواجدين ردوا عليه انتظر لين نهاية الموسم وانتقد بعدها وتجمعت الانتقادات لين النهايه وجات نهاية الموسم بخروج الفريق من آسيا اكيد الكل بينتقد وبيقول الاخطاء اللي يشوفها وهذا نقد محين للنادي وممكن العاطفيين ينتقدون ويطالبون باشياء وقت نهاية الموسم مثل استقالة الامير ونحن منتقديين ولسنا ناكريين للجميل ولو اخذنا الوضع بهذي الطريقه راح نسميك مطبل للاداره لذلك نرجوا انتقاء الالفاظ وعدم الجمع في انتقادك للاعضاء .. مع اطيب التحيات |
ومازلت عند رؤيتي الاولى بعد خروجنا من آسيا قلت الامير عبدالرحمن بن مساعد اخرج لنا ما في جعبته ولنكن صادقين مع انفسنا يا اخوان الهلال كانت فيه اخطاء كبيره بعد ترك سامي للفريق وزادت يوم اببتعد نواف بن سعد وشفنا كيف ادار النادي عبدالرحمن بن مساعد لوحده اذا ماعاد الهلال الموسم الجاي الاسباب راح تكون معروفه يالغلا انا ما خرجه من النجاح ولكن لن يكون سيد النجاح واتمنى النجاح للفريق باذن الله .. |
إقتباس:
لاتنتقد احنا قولنا انتقد بس نقد بناء مو يجي واح اداراه فاشله الحين مسحت كل شغله نقد بناء مو نقد تجريح او سب ترى لنقد شروط وادب مو اجي اسبه واقول انتقد يعني انتقد لاعب او ادراي او مدرب اي شخص تقول خطه كذا كذا كذا وحله كذا كذا كذا |
طيّب أعصابك الله يهديك .... ( أجل نقلة نوعيّة هاااااه ) !!!!!!!!! على العموم الموسم الجديد قرّبت انطلاقته إن شاء الله ,, واحنا منتظرينه بفارغ الصّبر عشان نشووووف هلااالنا بحلّته الجديده مع عزّ الأساااامي وكيف راح يكووون ... يعني حتى الكلام هذا مو وقته وحاااااااااااااولوا تهدوووون شوي .. |
في المقابل اكثر رئيس اهين في تاريخه جمهور الهلال! وجمهور الرياض تحديدًا! الخروج الاسيوي في عهده كلللله من قدام جمهور الرياض.. اي نقلة نوعية اللي تكون ب ٥ ولي عهد ودوري وحيد فقط ؟ وين الجديد على الهلال في الموضوع؟ احنا مو النصر يا جماعة الخير٬ احنا مو النصر ولا الاهلي عشان نرضى ب الحكي الفاضي هذا.. روقوا امنا يا مطبلين لابن مساعد وهلال الجاسر ! |
إقتباس:
مدري اذا كان المطلوب منه ينزل الملعب ههذا شي ثاني |
| الوقت المعتمد في المنتدى بتوقيت جرينتش +3.
الوقت الان » 02:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd