|
سامي !!! بسم الله الرحمن الرحيم السلام عليكم ورحمة الله وبركاتةة كيفكمم شباب عساكم طيبينن ابي ادخل الموضوع على طول لأني ما افهم شي في المقدمات المهمم انا والله اتعجب من بعض الاعضاء يجون يقولون سامي بيضيع الهلال سامي فشل في التعاقدات سامي و سامي و سامي إلخ... يا اخوي قسم بالله يمكن ما احد يحب و يعشق الهلال كثر سامي سامي ابن من ابناء الهلال كان لاعب و بعدها اداري و الحين مدرب يا اخي كيف تقولي سامي فشل في التعاقدات وهو لسى باقي ما وقع مع اي لاعب اصلا هو قال بنفسه بنسرب اسماء ما نفاوضهم بس عشان الاعلام حتى لو تعاقد الهلال مع ( نيفيز - امير - زوكورا - بقاء الكوري سو ) والله اني اعتقد ان الهلال راح ياخذ اسيا و كأس العالم للأنديه و كل بطولة يشارك فيها الهلال لأن سامي ابخص و اعرف مني و منك من اللي بيفيد الهلال و من اللي ما راح يفيده يعني انا لو كان المدرب غير سامي مثلا كان مدرب اجنبي و جا وتعاقد مع لاعبين كويسين اعتقد انه ماراح ينجح بنجاح سامي انا اعطيك مثال بسيط جدا كأس ولي العهد عام 2012 الهلال اقال المدرب توماس دول جا سامي و درب الفريق بالله احد ينسى الحين تكتيك الهلال و المستوى لا و كان بعد على النصر و الاتحاد فاز على النصر 4-1 و على الاتحاد 2-0 و بعدها جا المدرب هاسيك قبل النهائي بمباراة و كان الفريق شبه بقيادة سامي و فاز على الاتفاق 2-1 يعني في هذيك الفترة البسيطة قدر يحول الهلال من بعد سيء الذكر توماس دول الى نادي خورافي انا والله ماني مطبل بس يا اخي هذا الواقع على العموم انا اقول ما راح اصدق اي مصدر الا المركز الاعلامي على العموم ما حبيت اطول عليكم تقبلوني |
ان شاء الله يكون ساامي ع قد تطلعاتنا وآمالنا،،،، كلي ثقه في ساااميوا... وكل الشكر لگ عزيزي،، |
إن شاء اللَّه ينجح سامي فيما نتمى .. ولكن شوي زودتها بكأس العالم |
على العموم اللَّه يعطيك الف عافية على االموضوع |
إقتباس:
|
ياخي انت يمكن منت عاشق للهلال مثلنا حنا صبرنا لين قلنا بس معقولة ماوقع مع اي لاعب على الاقل لو لاعب بس والدليل ابو لطيفة كانك تعرفه يعرف وش يصير بالهلال وقال انهم بيعلنون امس الاربعاء واخر شي يقول مدري ليه ما اعلنو عن الاعبين الهلال ضايع بس الادارة ساكته ماتدري وشلون يصرفون على الجماهير الله يعين بس اقسم بالله اتكلم ونا منغبن من الي يصير بالهلال |
ترى سامي يعرف عربي على فكره وترى يدخل المنتدى يعني من العيب علينا نطالب فيه ونرجع نسبه ونقول سامي بيدهور الهلال المفروض ندعم سامي ، مع أننا اكبر قاعدة جماهيرية بس للأسف جمهور الهلال عاطفي ومشتت وأعتقد ان اللوبي الأصفر له يد بهالموضوع بينما لو تشوف جماهير الطحالب والاتشاد يدعمون مدربهم وناديهم وهم عارفين ان سياستهم خطأ ليش ما نتعلم منهم ؟؟ |
انا من اشد المعجبين باللاعب سامي الجابر ويعلم الله اني فرحت انه اصبح مدربا للهلال :yes::yes::yes::yes:ولكن لو اخفق سوف انتقده s66s :mad: |
تصدقون ان الذيب سامي عرف يلعبها على الاعلام وكل يوم يطلعون اسم لاعب جديد .. كفو ابو عبدالله والله يكتب اللي فيه الخير لهلالنا " |
| الوقت المعتمد في المنتدى بتوقيت جرينتش +3.
الوقت الان » 09:11 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd