نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   تركي العواد .. هل صحيح .. ان من الحب ما قتل (http://vb.alhilal.com/showthread.php?t=1152082)

بحر الظلام 19/06/2013 07:20 PM

يحق له الانتقاد ...هذا نقد اخوي
...والله مافهمت كلامك ان يجب ان لاينتقد في وسائل الاعلام
..اجل وين..؟؟
يسولف في العزايم ولا في بيته ؟؟
ولا مع راعي التموينات .

hilalicanada 19/06/2013 07:25 PM

رآسه الهلال تحتاج
القوه والشجاعه والمال
* تقول الآسيويه صعبه على لسانك.. اذا انت تقول كذا.. اجل وش ترتجي من اللاعبين
* تتعاقدلي مع مانجان المصاب وانت متاهل في آسيا.. تخذل اللاعبين والجماهير
* تلتفت على تويتر وتدوش عمرك بكل من هب ودب.. وتشتت عمرك وتشتت النادي معك
* تستشير ناس لاتريد مصلحه الهلال
* تسرب اخبار النادي للاعلام لتستشف رده فعل الجمهور.. موب شجاعه ذي ترى

في الاخير الله يستر على الهلال.. ووالله لو انا مقتدر ورئيس وشفت نفسي ضرر على الهلال لاستقيل في لحظتها.. واسلم النادي لاحد افهم مني.. وساستمر بالدعم لو الله مقدرني
اما اني استمر برعونه!!!
يقول تعالى: ( ان خير من استاجرت القوي الامين) ص. هل هذه الصفتين موجوده ؟
الله المستعان وحسبنا الله ونعم الوكيل

زعيم الكل@ 19/06/2013 07:43 PM

للصبر حدود يالغالي:ranting:وتركي العواد قال الحقيقة، وخوفه وخوفنا على الزعيم:ea:
ناتج عن سنوات الضياع التي عشناها مع الإدارة الحالية للنادي:to:

خاصة خلال السنوات الثلاث الأخيرة:s5s: فالمستوى والنتائج من جرف لدحديرا :mad:
ومن المفترض مع اكتساب الخبرة لدى الإدارة
أن تتحسن الأمور أكثر من عام إلى آخر،
ولكن هذا الإنحدار يدل على الفشل الإداري في إدارة النادي:s5s::gunbandan
ويأتي على رأس الهرم((رئيس النادي:ranting:))،
ومانراه حالياً من تردد في التعاقد مع اللاعبين
وتكرار التجارب الفاشلة يجعلنا نضع أيدينا على قلوبنا :bu:
وعلى قولة المثل(( اللي يقرص من الثعبان يخاف من الحبل:fear:))
ولو وضع تصويت لجماهير الزعيم من يريد بقاء الرئيس أورحيله فسوف تكون نتيجة التصويت في الغالب
تأييد رحيل الرئيس
وإدارته الحالية وأبصم على ذلك بالعشرة:ap:،
وإن حدث الإخفاق هذة السنة فلن يكون هناك أي مكان للرئيس والإدارة الحالية:ranting:

فقد بلغ السيل الزبى
ختاماً الله يصبرنا معشر الزعماء :ba:ويكتب الخير لزعيمناs13s

خالد البراهيم 19/06/2013 08:03 PM

رد
 
السلام عليكم

ياشباب وش فيكم معصبين الله يهديكم

تركي العواد قال رايه وزميلنا بعد قال رايه

وبالنهاية المفروض بدال ما نحارب الامير عبدالرحمن بن مساعد ونطلب منه الرحيل ندعمه بإشتراك الجوال او ببطاقة العضوية نشترك

والشي الثاني والاهم لا تنسون ان الامير عبدالرحمن بن مساعد سوى كل شي لعيون الهلال ولو ما يرى انه ما عنده شي يبي يقدمه كان سحب نفسه ولا كمل وطلب الترشيح للرئاسة لسنوات اربع اضافية

بعضكم عجول وبعضكم محب للانتقاد اتركوا الناس الله يهديكم تعمل وسمو الامير مجتهد لكن خانه التوفيق ولازال عنده شي يبي يقدمه انا متأكد من كلامي هذا

اعينوا بعد الله سمو الامير اذا اردتم ان يرتقي مستوى الفريق بإذن الله ومهما اختلفنا لا يفسد رئينا للود قضية ويجب ان ندعم الامير بكل شيء نستطيع من خلاله دعمه لأنه هو الرئيس الآن وهو اهل للدعم والتشجيع والمحبة يكفي انه كل عام يفرحنا ببطولتين او بطولة على الاقل كل عام وهذا كله بعد فضل رب العالمين حتى لو ماجاب بطولة اسيا ولسى من يدري يمكن يجيبها ولو ما جابها يضل سمو الامير مجتهد ولا قصر بالاولي والتالي اتمنى من اخواني عدم الاستعجال ربي يوفق الجميع

وشكرا لكم

أبوسالم الهلالي 19/06/2013 09:01 PM

ما قال شي غلط واغلب الجماهير الهلالية توافقه الرأي .

بعدين تعال انت تقول ما تعودنا ان الهلاليين يطلعون مشاكلهم في الاعلام .. بسألك أنت تتابع تويتر

ياخي فطاحلة الاعلام الهلالي والعواد يعتبر من طلابهم ما خلو ولا بقو شي ما قالوه في الإدارة إنها فاشله ومعهم حق .

العبدي طلع له حوار وقال كلام اكثر من اللي قاله العواد !

زمن التكتم والتطبيل إنتهى عهده .. اعمل صح يقف خلفك المحبين :)

**سفيرة الهلال** 20/06/2013 12:00 AM

الا الله يكثر من امثاله..كلام رائع ومنطقي..وتهجمه على بن مساعد في محله..
لاتستعجل..سامي هو اللي قاعد ينقذ الفريق..بعد الله..
بس فعلآ سقطه استمرار بن مساعد في الهلال..
بس نصبر ونشوف ابو عبدالله..بالنسبه لي..
يهمني اكثر من بن مساعد..


الوقت المعتمد في المنتدى بتوقيت جرينتش +3.
الوقت الان » 05:28 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd