معن الخضري لاعب ممتاز جدا و احسن من القرني بمراحل القرني فية بطى شدييد و قدم ضعييفة
و الخضري يسلم ويستلم لو اللاعب مو كيس كان م ضموه للمنتخب عام 2011

ماشاء الله حكمت عليه بدري ليش ؟ ومن قال انه مغرور يتهيا لك ؟
واذا على البطء مع ان اللاعب معن مو ذاك اللاعب البطيئ !! هذا القرني كثير حركة بلا بركة !!

يا اخي الاصابة الان لها 10 شهور يعني خلاص ان شاء الله وفيه لاعبين كثير رجعوا احسن من اول بعد الرباط ومعروف رياضيا ان الاخطر هي اصابة كسر الساق اخطر من الرباط .
اما فكرة اهل الغربية صعب يعيشون بالرياض ؟ انا مدري من ضحك عليكم بالافكار هذي ؟ علشان هوساوي ناكر المعروف الله لا يوفقه لاهو ولا الاهلي ولا علشان المحياني اللي تكرر معه الاحتياط بل بشكل اكبر مع الاهلي !!
فيه لاعبين من الغربية كثر لعبوا بالرياض والقصيم بل البعض منهم بالشرقية . هذا عمل اللاعب الاحتراف .

احنا يوم نقول كاريك ترى مجرد تشبيه وليس مقارنة !!
وماتدري ترا الاحتراف للاعب الخليجي مافيه شي مستحيل اذا اللاعب اثبت نفسه ولعل الحبسي وعموري الامارات وابناء عطيف ومن لعب من ابناء الخليج باوربا بسن صغيرة اكبر دليل !!
القرني اعطيناه العديد من الفرص ولكن هذه امكانياته !! فيه غيره .

فيه اللي افضل منه بمراحل
لاعب فريق بارنت الانجليزي
اللاعب عمره 21 سنه اسمه احمد عبدالله لعب مع شباب الارسنال
وانتقل لويست هام وبعدها انتقل لكذا نادي الى ما استقر بنادي بارنت
اللاعب باسواء الاحوال راح يكون افضل من القرني بكثير
ويتميز عن الحافظ وعطيف انه من بداياته وهو يلعب بالدوري الانجليزي
اللاعب طريقة لعبه قريبه مره من جوستافو وتمريراته الطويلة خورافيه ودفاعياً كويس واتوقع سعره راح يكون رخيص
ومتاكد انه يبي يلعب بالدوري السعودي علشان يشارك مع المنتخب
هي مسالة وقت علشان يلعب بالدوري السعودي ووقتها سعره راح يرتفع

الغنام اذا ماتدري وماتفهم بأمور الكورة والخطط والتكتيك الغنام له توقيت ممتاز بقطع الكور ولديه ثقافة تغطية المنطقة والالتحام لديه قويه واهم ميزة لديه هي الجماعية والتمرير السليم وسلم واستلم ويجيد كثير دور المحور الدفاعي او محور الارتكاز بمنتصف الدائرة ولكن اللاعب ذبحته الاصابات ولا فيه صفات المحور الدفاعي القائد .
معن اشوفه مشابه له من هالناحية له ثقافة تغطية المنطقة الدفاعية ويوزع كور صح ويجيد التمرير القصير والأداء الجماعي .
القرني أسألك بالله كم فرصة اعطيناه !! للمعلومية القرني يلعب من فترة من يوم كان عزيز موجود واظن بعد رادوي !! والموسم اللي راح اعطي الفرصة كاملة وشاهدنا كوارث من هاللاعب !! لاعب لايفقه بالتغطية شئ ولايجيد التسليم والتمرير ومتهور وكثير السرحان .. امكانياته محدودة مثل اخوه اللي كان بالنصر !! اللاعب محله الرائد ولا أي نادي من اندية الوسط مع احترامي !!
معن افضل منه بمراحل وانا ضد تفكيرك ان معن مكانه محور هجومي !!!!
ياخي بالمحور الدفاعي ترا مو كل شئ سرعة !! شوف نادي البرسا من بالمحور سيرجوبوسكتس !! لاعب غير سريع لكن لديه ثقافة التغطية والمهارة والتمرير والجماعية . وغيره كثير .

ياخي اذا انت تكره مانشستريونايتد ولاعبينه مو ذنبي :s2::d:s2: !!
كاريك يا الحبيب يلعب مع المان يونايتد على ما اعتقد من عام 2004 ؟؟ وحقق بطولات عديدة اهمها الدوري اكثر من مرة اخرها العام الماضي .
ابطال اوربا 2007 - تأهل للنهائي 2010-11 ، حقق الدوري الانجليزي هذا الموسم . وهو تقريبا اللاعب رقم 1 بالمحور الدفاعي للمان يونايتد ولعب مع انجلترا اكثر من مرة . كل هذا ومو عاجبك :s2: !!
بعدين لازم تفرق بين المحور الهجومي وصانع اللعب بالنسبة للي ذكرت اللي هم جيرارد وتوريه وفابريقاس وبين المحور الدفاعي مثل كاريك بوسكتس الونسو كمبياسو دي يونغ .. الخ الأول يمتاز بالامداد الهجومي ويفضل فيه التسديد وصناعة اللعب والآخر يمتاز بالتغطية والتمرير السليم .
القرني مثل ما قلت اعطي الفرصة كاملة ولكن امكانياته محدودة مثل اخوه بالنصر !! مكان القرني احد اندية الوسط ، الفرج مكانه ليس محور ارتكاز بمنتصف الدائرة وانما محور متقدم هجومي . نحتاج محور دفاعي بالدائرة مثل ايام عزيز وخميس العويران امل الفكرة وصلت .

مثل ما قلنا ونعيد ونكرر السرعة بالمحور مو كل شئ !! اذا توفر عنصر السرعة فهو ميزة للاعب .
هذا القرني سريع على غير فايدة !!
وبالعكس معن خضري ما شاء الله بنيته ممتازة .

ههههههههههه تقول يسرح بالملعب !! اتوقع تقصد خوينا بالله القرني !! راعي المزاج والنكبات !!
ومع احترامي لك فيه فارق كبير بالملعب بين معن خضري والقرني !! والدليل المنتخب !!

شرفني تواجدك ومشاركتك اخوي المجهر وأكيد انت اخوي ما شاء الله عليك لك اهتمام بمواصفات اللاعبين ومهاراتهم ومدى فائدتهم للهلال ومصلحة الهلال فوق مصلحة أي لاعب .
وكلامك عن القرني اتمنى من المطبلاتية انهم يقرأونه بصراحة القرني اصبح لايفرق كثيرا عن اخوه اللي تنقل بين النصر والرائد !! لاعب امكانياته محدودة وليس لديه ثقافة تغطية المحور .
شكراً لك اخوي المجهر

أي والله صدقت وكأن الهلال جداره قصير مايقدر يشتري لاعبين الأتحاد !!
بينما الأتحاد يهدد لاعبين الهلال متى شاء ومتى أراد !!
انتقال الدوخي والفريدي وقحطاني الاتفاق اكبر دليل !!

نستفيد منه ليش لا ؟؟
ياليت يوصل أسمه للأدارة .
شاكر لك ومقدر
الله يكتب اللي فيه الخير للهلال .

أحسنت أخوي هذا مربط الفرس :yes:

الله يكتب اللي فيه الخير للهلال وسامي .

دائما لاجينا نمدح لاعب من نادي ثاني نسيء للاعب بالهلال

معن خضري يشابه مايكل كاريك

اجل ترى محمد القرني يشبه باتريك فييرا

مدري متى بنخلي هالمقارنات ، معن خضري مصاب بالرباط الصليبي

ومحمد القرني طول الموسم ماشاء الله معنا ومستواه من مستوى الفريق

وانا متاكد ومتاكد ومتاكد لو جاء معن خضري للهلال

وانتقل محمد القرني للاتحاد بتنقلب الايه وبيصير محمد القرني

هو مستقبل الكوره السعوديه في المحور وهو اللاعب اللي قدمه قويه

ومعن خضري بيكون لاعب عادي

يخوي الكتاب واضح من عنوانه !! ويوم نذكر القرني لأنه كان من أسوأ لاعبين الفريق الموسم الماضي وأحد نقاط ضعفه تبيني اذكرك !!
مباراة الأتفاق اللي انتهت 2-2 بهدف الزعقان بسبب خطأ ساذج من القرني رايح ابو الشباب يمتر أم الملعب وش يبي !! في نهائي كأس ولي العهد يشوف الشلهوب طايح مضروب من لاعب النصر وكان الحكم قريب يطرد لاعب النصر وبرضه فيه سالم على الطرف الأيمن ويروح بكل سذاجة يسدد وترتد وتعادل للنصر بالدقائق الأخيرة خلانا على أعصابنا !! أهداف العين الأماراتي الأول بسببه !! هدف الأهلي بالدوري وكأس الملك العام الماضي بسببه !! فيه أهداف كثيرة تسبب بها بتصرفاته !!
ياخي مانبي نحمله فوق طاقته خلاص رحم الله امرءا عرف قدر نفسه ومكانه مو الهلال وياليت ونتمنى امنية ان الاتحاد يبدل معنا معن خضري بالقرني !! ترا القرني مايفرق عن اخوه واجد اللي اعاره النصر للرائد وتخلص منه !! وخلي مقارناتك لك اذا تشوف ان اللاعبين متشابهين القرني ومعن !! اذا انت تجهل من هو معن خضري ترا احنا متابعينه مع المنتخب كاس العالم .