ياسر القحطاني اكبر صفقة في تاريخ الكورة السعودية وليس الشهري
 

مساء الخير لكم جميعا
ضحكوا علينا فقالوا انتقال الشهري اكبر صفقة في تاريخ الكورة السعودية
ضحكوا علينا وخلونا نقلب على ادارتنا وزيادة الاحتقان ضدها بدون سبب
بناء على معاييرهم للصفقة حيث انه تم احتساب مبلغ انتقاله 13 مليون + رواتبه ل5 سنوات وقالوا اغلى صفقة وهذا غير صحيح المفترض انها فقط 13 مليون هي قيمة الانتقال
وبناء على معاييرهم البالية
ياسر الشهراني انتقل ب 7 مليون اعارة + شراء عقد ب 15مليون + 4 سنوات براتب 6 مليون سنويا
يعني بحسبة بسيطة
يحيى الشهري 13 مليون + 5*7 مليون = 48 مليون
ياسر الشهراني 7 مليون + 15 مليون + 4*6 = 46 مليون
بينما ياسر القحطاني 5 مليون راتبه سنويا وانتقاله من القادسية ب 25 مليون
5*5 مليون + 25 مليون = 50 مليون ريال سعودي


اعتقد انها معايير غير صحيحة فالقيمة تحتسب بقيمة الانتقال ولاتحسب الرواتب
كرستيانو رونالدو راتبه سنويا 10 مليون يورو ل6 سنوات = 60 مليون يورو وانتقاله بقيمة تقارب 90 مليون يورو وعليكم الحساب بحسبتهم كم صارت قيمة الدون


اتمنى من جمهور الزعيم الانتباه لما يقوم به اللوبي الاصفر فهم اكثر سعادة مما تتخيلون بانقسامنا الحالي


اضافة بعد عدد من الردود

بس فيه معلومة عن الشهراني نسيت احسب سنة الاعارة الحالية براتب 6 مليون
شراء 15 مليون و راتب 6 مليون اربع سنوات واعارتين ب 7 مليون و 6 مليون
طلع 52 مليون وهو الاغلى في الملاعب السعودية

الله يهديك بس انت وين واحنا وين الصفقه هذي حقت يحيى تعتبر بطوله لهم والله ودي انهابمية مليون وش علينا فيهم الله يهداك بس
موضوعك مدري وش يبي

موضوعي من اعلامهم الي سوا من هالصفقة صفقة القرن وانهم اخذوه من قدام الهلال وقاموا يذبون على الهلال بالفقر ابي رد لهم يعرفون انهم ولا شي قدام الزعيم

مع احترامي لك يالغالي موضوع ماله اي داعي

مانبي نصغر عقولنا لمثل هالأمور

بالتوفيق للزعيم

طيب جعل صفقه يحيى مليار وش اللي حارق رزك



خل عنك سفاسف الامور واهتم بناديك وخلك من الفقر



ًًً

متحمسسس ياخوي والا وش بلااااك
هههههههه وش علينا فيه يطسون هو وفريقهم
الحين منزل لي مواضيع لاتفيد ولاتنفع

أرقام فلكية جدا ..
يحيى والفريدي في الاسواق العالمية يمكن مايوصل الواحد منهم مليون يورو وكثيرة بعد
ومافي شيء مدعاة للفخر لما يكون نادينا أسذج نادي في دفع مبالغ باهظة وغير معقولة

اوك خل نتفق انها 50 مليون


هل ياسر انسى الهلال دفع هذا المبلغ ؟

للاسف لا

السلام عليكم يا زعماء

أتوقع هالموضوع للعقول الصفراء فقط

شراء بقية عقد يحيى ( موسم واحد ) كلف 13 مليون ريال
شراء عقد ياسر الشهراني ( موسمين ) كلف 15 مليون ريال
شراء عقد ياسر القحطاني ( 4 مواسم ) 25 مليون ريال
الموضوع مو بتلك الأهمية سواء الأغلى أو الأقل
المهم وش بيقدم للفريق
الشهري لاعب موهوب وأتمنى له التوفيق
والياسران موهوبان وأتمنى لهم التوفيق
إنتهى زمن المزايدات ونحن أغلى صفقة
الأندية ماهي لاقية أموال تسيير أنديتها
ومن الذكاء اقتناص المواهب بأقل الأسعار

بالله وش نستفيد؟ اتمنى احنا كاهلاليين بالذات مانتفاخر بالاغلي
والا ترو نادينا بياكلها وكل لاعب بيقول ابغى اصير الاغلي وليتهم يقدمون ربع ماياخذون

ياخي وش الفايدة اللي ترجوها من موضوعك نقول اغلى لاعب عندنا


وين الانجااااز زادت بطولاتك

بعدين من جدك تتكلم ان ياسر القحطاني وقت انتقاله كان راتبه السنوي 5 مليون