|
الى اين يا زعيم الاندية الاسيوية ! السلام عليكم و رحمة الله وبركاته اولاً ليعلم الجميع بأن نادي الهلال اكبر من رجالاته التي هم فيها واكبر من لاعبينه الذين لولا الله ثم الكيان الهلالي ما عرفتهم الجماهير ولا صارت لهم شعبيه لكن العاشق يخاف على معشوقته ،، وهذا شيء مايفعله بن مساعد وسامي في حق النادي وهو المغامرة باشراف سامي على التدريب هذا امر خطير فنحن الجماهير الان ،، جماهير ملعوب علينا خذ مثال ، سمعتو مفاوضات الهلال مع دروغبا !! الان ابي آعرف كيف يفاوض دروغبا وهم مبلغ يحيى الشهري ماقدرو عليه ! كيف يفاوضون لعيبة كبار وهم مدرب قد طموح النادي ماجابو ! ،، ماذا نستفيد لو صار سامي مدرب ماذا سنستفيد لوسمح الله وفاز علينا النصر آو الاهلي و الاتحاد وغيره ماذا نستفيد لوسمح الله وصار ترتيب الزعييييم في المركز الخامس او الرابع ، ماذا نستفيد لو ذهبت هيبت الزعيم ودبت الهزيمة في نفوس اللاعبين وفقدان الثقه في انفسهم بسبب الهزايم المتتالية وضعف العناصر الموجودة في الفريق من لاعبيين محليين آو اجانب او مدرب ! كله لعيون "سامي" يعني ، هل هذا يعقل هل جماهير سامي في المنتدى طاغية على جماهير الكيان على جماهير الزعيم ! ماذا ستنستفيد من التطبيل للادارة ،، الاندية الثانية قاعدة تشتغل وتتعاقد وتجيب لاعبين ، واحنى نجيب سامي للتدريب "تجربة" صار الزعيم تجربة على الاقل آحترمو تاريخ الزعيم ،، راينا الهلال اما لخويا الذي له ثاني سنة يشارك في ابطال آسيا مالعب بتاريخه ولا لعب برجال نادية وبالاساس ماعنده تاريخ ولا رجالات نادي لكن عنده آهم ، عنده رئيس نادي يدفع ويجيب مدرب على مستوى وتكتيك عالي وقراءة للمباريات وهو غيرتس الذي آوصل الهلال لنصف نهائي ابطال اسيا ، عنده رئيس يدفع على لاعبين كلنا راينا كيف يلعبون ولهم ثقله في الملعب امثال بوقرة وغيره لاعبين على مستوى عالي ، وتاهلوو ، لماذا وهم ثاني سنه لهم بالبطوولة والهلال سنييييين ينافس ويطلع ، لا تقولون حظ قولو مافي لاعبين سوبر ستار اجانب يشيلون الفريق راينا حينما كان ويلي ونيفيز ورادوي ولي بالزعيم وكان المدرب غيرتس كان الهلال باحسن طله ولكن كان ضعفنا في مركز الهجوم وهو ياسر القحطاني ونذكر كلنا بمباراة الغرافة بقطر الفرص التي اضاعت من قبل ياسر بسهولة ،، لنفرض ان اللاعبين موجودين الان نيفيز وويلي ورادوي وامامهم المهاجم مثلاً ، جيان آو فيكتور لاعب الاهلي ،، اللي ابي اوصله آن سامي الجابر المفروض هو يخاف على الهلال ويختبر نفسه بالاشراف على الاولمبي وان البطولات لا تاتي بتاريخ النادي آو برجالاته الذين انتهو واعتزلو بل ياتي بالعناصر التي تتعاقد معها سواء طاقم تدريبي آو لاعبين اجانب ونرى اجانب لخويا لو اضعهم في نادي هجر مع احترامي لنادي هجر الا انهم يضعون هجر في المقدمه ويجلبون له البطولات البطولات تاتي برجالات داخل النادي من رئيس وطاقم تدريبي عالي و اجانب سوبر ستار والتاريخ مانفع الجار الاصفر بترديدهم للحالميه التي لم يتاهلو اليها بفوزهم بكاس اسيا انما تاهلو اليها بفزعة بشوت ! ولو ياتيك نصراوي يقولك النصر حقق الاسيويه وتاهل قل متى واذا تحقق فالهلال حققها 6 مرات ولماذا لم يتاهل ! رجاءاً نضع الكيان الهلالي فوق اللاعبين وفوق الادارة الكيان رقم 1 مصالح شخصية سواء للاعبين آو رئيس نادي لا تاتي على حساب الكيان ،، اتمنى آن ارى رئيس نادي جديد للهلال يدفع للزعيم وياتي بافضل الاسماء من محترفين ومدرب عالمي يقود الفريق الى منصات التتويج والى اسيا ،، موضوعي كتبت فيه مابخاطري وانا هلالي صميم والزعيم فوق الجمييع من لاعبين وادارة فنحن نتفق على تشجيع الهلال ليس بتشجيع لاعبين وتطبيل للادارة ،، ماذا نستفيد ، هل نحن جماهير لاعبين ؟ |
مع احترامي لموضوعك ماله داعي ،، وسامي الجابر يسوى كل المدربين اللي جابهم الهلال في الفترة اللي راحت ،، كل واحد جاي طائر بالعجه نبي هذا وما نبي هذا مليناا من هالمواضيع اللي مامنه فائده ياليت المشرفين يهتمون بحذف المواضيع اللي بتضيع النادي .. |
الان تفهمني ان سامي للتجربه !!! لاياحبيبي سامي سبق وان درب الهلال كمساعد واخذ الخبره الكافيه مع جيرتس وكالديرون وايضا مع اوكسير الفرنسي وتراه دارس التدريب مايحتاجه سامي الجابر هو صبر المشجعين عليه وعدم الضغط عليه عند الخساره |
شدني بموضوعك ان الهلال اكبر من رجالاته واكبر من اللاعبين ؟ اجل وشهو الهلال !! هوا؟ بالنسبة للهياط اللي صاير بالمنتدى وكل واحد خبير وهو الصح شيلو فلان حطو فلان مانبي فلان ليش فلان ولو فلان ماكان اللي كان الخ انت تخاطب ملايين الجماهير ، اراءها مختلفه ، والاداراة ماراح تسمع كل الاراء لانها متناقضه واصلا لو سمعت راح يكون بكل الاحوال اصوات معارضه انت مو مع سامي ومعك ملايين ، انا مع سامي ومعي ملايين طيب الادارة وش تبي ، بعدين لاتنسى ان الجمهور جلس يصيح سامي سامي سامي والادارة لبت الطلب ،، بصراحة اللي يكتبون انتقادات احسهم ماعمرهم طبوا الملعب يدعمون الفريق واذا طبوه فهي عالاصابع الموضوع هذا والمواضيع المماثلة مانبيها فعليا وسامي مو تجربة ، سامي تدريب حقيقي لمدة ثلاث سنوات مباراة الاتحاد بجدة كلنا كنا نبي سامي وش افادنا كالدرون ، وش افادنا كومبواريه ، وش افادونا! اللي يده مع الهلال بتبقى مع الهلال سواء فاز والا انهزم وشوفوا جماهير بروسيا او ليش نروح بعيد شوفوا الاتحاد الاهلي النصر ،، الخ حتى الفتح وهو ياكلها خمسات جماهيره وراه لحد ماحققوا لقب الدوري |
لن تقوم للهلال قائمه والمرشدي والزوري والغنام ونامي فالهلال من يريد هلال قويا عليه ان يبحث قلبين دفاع وظهير ايسر ومحور قوي اما سامي فاتمنى له التوفيق للاسف لايوجد احلال وجلب لعيبه خاصه في منطقة الدفاع لذلك احلموا ياجماهيرالزعيم بالبطولات |
الى الهاويه اشباه اللاعبين هم من يقود الزعيم الى الهاويه وليس المدربين |
| الوقت المعتمد في المنتدى بتوقيت جرينتش +3.
الوقت الان » 02:03 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd