50 مليون
يعني اكثر من 75% من عقد الرعايه
ههههههههههههههههههههههههههههههههههههه
كارثه صراحه
يعني طوال تاريخ الكرة السعودية لاعب واحد يستحق كسر حاجز ال20 مليون ريال
وهو يوسف الثنيان
الباقين لاعبين نفخهم الاعلام
اذا الشهري بيجي بمبلغ معقول حياه الله اذا لا بكيفه
الهلال له قيمة غير القيمة الماديه
يعني اي لاعب في الهلال مو مثل اي لاعب في نادي ثاني
وين هوساوي والمحياني راحت الاضواء اللي كانت ترافقهم باي مكان في الهلال
+
فيه لاعبين في الاولمبي انا تابعت بعض المباريات ماشاء الله
لو يعطون الفرصه افضل من الشهري
+
نيفيز وهو نيفيز اللي لاعب وسط في 30 مباراه سجل 22 هدف وصنع اهداف بالجمله
ماتجاوز سعره 30 مليون وراح ورجع قيمته هههههههههههههههه
والشهري بتعطيه 50 مليون
واذا انتقل بينتقل مجانا هذا اذا نفعك
الفريدي ابو 30 مليون سنتين ياعالم ياناس يااصحاب العقول والمنطق صناعة الاهداف مهمته الاساسيه لم تتجاوز 4 اهداف على موسمين
اعطيه 30 مليون على ايش ...........ز
بورخا فاليرو بكم انتقل لفيورنتينا
بيرولو بكم انتقل لليوفي
ياناس فيرمايلون مدافع ارسنال وانا على ثقه انه لو في السعودية بيصنع اهداف اكثر من الفريدي والشهري مجتمعين
سعره 7 مليون يورو

صدقوني الهلال لو عمل صح وسامي الجابر ركز ووجد دعم من الجميع بالاولمبي +4 لاعبين اجانب ياخذ الدوري
ترى دورينا تقسيمة حاره
واجي انا بقدرة قادر لاعب سعودي يكلفني 50 مليون
يعني بكل صراحه ايش فرق عبد العزيز الدوسري عن الشهري او العابد عن الشهري
الشلهوب طوال تاريخه ماكلف الهلال 25 مليون
والشلهوب جاب 25 بطوله
هذا اندفاع مبالغ فيه وبعض الاعضاء يبرر من يبغى ينافس يدفع مع انها اكبر كذبه اللي يبغى البطولات يعمل صح مو بس يدفع
الاهلي اضرب واطرح و200 مليون وسيزار واخرتها خامس الدوري وفي نهائي القارة اكل 3 من فريق ميزانيته نص ميزانية الاهلي
برشلونة لاعبيه من الفئات السنيه اياكس من الفئات السنية ماقالوا نبغى بطول اوروبا ندفع مثل ريال مدريد ببساطه عملوا واجتهدوا وخططوا
ايش نفع الدفع الاهلي والنصر
ايش نفع الاتحاد
جيل الاتحاد الذهبي 2 بطولة اسيا جيل المدفوع لهم
جيل الهلال الذهبي 6 بطولة اسيا من الفئات السنية
ايش الفرق
الفرق عمل باخلاص واجتهاد وتخطيط