|
زلاتكيولا السلام عليكم ورحمه الله وبركاته طرحت مواضيع كثيره تشيد بزلاتكو وتعذر له الخروج من الآسيويه وصبت جام غضبها على الاعبين والاداره متناسيه ما احدثه زلاتكو زلاتكو استلم الفريق وهو يحتضر (١) لم يختر المحليين (٢) لم يختر الاجانب (٣) ليس هو من اعد الفريق (٤) مع احترامي الشديد لجميع هذه الآراء الهلال كان يصارع على المركز الاول في الدوري فاذا كان الهلال يحتضر فالشباب والاهلي اموات لم يختر المحليين الهلال يملك افضل المحليين ان لم يكن بالقليل نصفهم افضل المحليين اجانب الهلال اتفق انهم سيئين الى حد ما لكن هذا ليس عذر ليس هو من اعد الفريق ( هذي ترقيعه ٢٠١٣ ) نرجع لموضوع زلاتكو ( المدرب ) وليس زلاتكو الشخص انا اقيمه على ما قدم من تدريب على الصعيد الفني والتكتيكي اولا زلاتكو منذ ان استلم الهلال لم يلعب مباريات خطيره لان الدوري كان محسوم بنسبه ٩٩٪ للفتح اذا نذهب الى كاس ولي العهد اولا قابل نجران وانتصر بعد عناء وتذكرو الضغط النفسي ثانيا الهلال قابل الفتح وانتصر بشق الانفس ولا ننسى ان الفتح كان هدفه الدوري فهو مسلم بكاس ولي العهد ثالثا قابل الفيصلي وانتصر بشق الانفس والفيصلي فريق اقل من متواضع مع احترامي الشديد لنادي منطقه ( حرمه ) واخيرا قابل النصر وانتصرو الاعبين وليس المدرب وبضربات الترجيح نقفل الملف ولن اعقب عليه فنيا سابدا بكاس الملك ومن هنا تبدا مباريات المحك اولا مباراه الذهاب الهلال متعادل بنتيجه ٢-٢ هل فيه مدرب في العالم الدقيقه ٧٠ متعادل على ارض الخصم والمباراه ذهاب واياب ولا يجري اي تغيير ؟؟ ما ينزل محور يقفل منطقه الوسط ويلعب على المرتده !! الدقيقه ٨٠ اتى هدف التقدم للاتحاد قلنا مو مشكله يتعلم من الغلط ونعضوها في الاياب ١-٠ تاهلنا مو مشكله نجي لمباراه الاياب الهلال متقدم بهدف الدقيقه ٦٠ اكيد زلاتكو بيغير ويقفل الملعب واكيد تعلم من الغلط لا تخافون .. المصيبه الرجال لاهي ولا يدري وش يسوي ولا عنده هدف ما ندري بيهاجم بيدافع بيلخم مدرب الاتحاد طيب الدقيقه ٧٠ ؟ ينزل مهاجم !!!! وين قراءه المباراه ؟ هنا يطلع المدرب الي يعرف يقرا المباراه ولكن للاسف فقير من هذه الناحيه نجي للاسيويه وبالتحديد مباراه الخويا لن اتكلم في مباراه الذهاب الي في ارضنا لانها ترفع الضغط من جميع المقاييس ويمكن يجيني سكر لو جلست اتذكر ( بسم الله علي ) نروح للاياب في ملعبهم اقسم بالله انه فقير فنيا وتكتيكيا زلاتكو لحد الدقيقه ٥٠ يلعب بطريقه وحده اطراف اطراف اطراف اطراف الكوره كل شوي ترجع للمرشدي واوزيا وبوليفار ليه ؟ تنفك الحصانه على الاطراف الشهراني والزوري ويالله كوره طوليه لهم واخرتها عرضيه عاد من زينا في العرضيات واقسم بالله ان هذه كانت المباراه اكثر ٢ استلمو كور هجوميه الزوري والشهراني وكلها اطراف الي بيقول الاعبين سيئين لا مو سيئين هذا تكتيك مدربك الرهيب زلاتكيولا هنا يبان المدرب المحنك الداهيه .. لما سجلو اللخويا سوا تغييراته وخلى التغييرات في النص وغير طريقه اللعب وبان الفرق وهذي قوه الهلال من الاساس وسط مدرب فقير فنيا فقير تكتيكيا الهلال اكبر من مستواه مع احترامي للجميع اتمنى اتمنى الغاء عقده واذا الاداره بتجيبلنا هالنوعيه من المدربين ترا سامي مش بطال جيبو اسامي زي العالم والناس نبي مدرب يفهم كوره قبل امس قريت اسامي مدربين مرعبين على الصعيد الاوروبي بلا عقود ! تحركو من الحين وجيبولنا واحد والا ترا ابو عبدالله مهوب شين في الختام ادعو الله ان يوفقني ويوفقكم ويوفق الهلال اين ما ذهب ويتسيد الهلال جميع البطولات التي يشارك فيها بما فيها كاس العالم للانديه جايينك السنه الجايه لو نقابل برشلونه باذن الله بناخذ البطوله. لكل شخص طموح ومن قال انا ما اقدر عليها مهوب كفو يفكر فيها |
لحد يجي ويقول انت مندس تراها صارت عاده في المنتدى |
طيب ويش تقول في مباراة الهلال مع الاستقلال في ايران ومباراة الهلال مع العين بالرياض ؟؟ ماجبت لها طاري وأي مدرب جاء للزعيم والاحتياط صفر ماراح يقدم اي شيء طبعا الموسم هذا خسرنا من النصر وخسرنا من الفتح رايح جاي وتعادلنا بداية الدوري مع هجر 2/2 ــــــ استلم الفريق زلاتكو وشفنا اللعب من لمسه وحده واي مباراة لم نفز فيها ارجع لنكبة الدفاع عندك وشوف هل التكيتك السبب ام نكبه اللاعبين ــــــ المباارة الوحيدة اللي غلط فيها زلاتكو من وجهة نظري هي مباراة الخويا في الرياض مالعب مهاجم ـــــ اتمنى استمرار زلاتكو واعطاءه فرصه |
لا تستعجل بالحكم عل أهلية زلاتكو لتدريب زعيمنا ولاحظ يا أخي جواب زلاتكو عندما سئل السؤال التالي: س/ ماهي المراكز في الفريق التي تحتاج التدعيم بلاعبين محليين أو أجانب ؟ ج - من وجهة نظري الهلال في الموسم القادم وإن كنت سأدرب فريق الهلال لن أحتاج لـ100 مليون ريال أنا أريد فقط أمرين الأول اللاعب يحيى الشهري والثاني عودة عبدالعزيز الدوسري وبهذين العنصرين أعتبر الأمر كافيا جداً!!؟؟ لتحقيق البطولات لأن هذين اللاعبين مميزين وأنا وفريق عملي قادرون على تحقيق النتائج في حال استمرارنا وبحضور الشهري وعودة الدوسري, وأراهن على حصولنا على الدوري السعودي والكأس أيضاً .. وبعد شهرين من الإعداد الجدي والجيد, أنا بحاجة لـ 3 أشهر منذ بداية الموسم لإثبات جدارتي وإن لم أستطع اثباتها سأخرج بنفسي قبل أن يتحدث أحد, فأنا واثق بعملي وبنفسي, فأنا أستطيع أن أصنع فريقاً كبيراً من الهلال. بلله عليكم يا زعماء هل هذا فكر مدرب:ap:!!؟؟ من المعروف أن أضعف خطوط الهلال والسبب الرئيس في نكباته المزمنة الدفاع:mad:، ومع ذلك لم يذكر أنه بحاجة لقلب دفاع أجنبي مميز ولا محور دفاعي مميز،كنت قبل كلامه هذا أعتقد أنه يستطيع أن يتطور مع الخبرة ولكن مع فريق غير الهلال، لكن الآن ثبت لي أنه سباك :ranting:على شاكلة أدول وهاسك وكومباريه. (حسبي الله على رئيسنا اللي جعل زعيمنا حقل تجارب للسباكين والحلاقين:to:) والله يستر من بن مساعد وتفكيره لايتعاطف معه ويبقيه، لكن بحول الله وقدرته يغادران الزعيم جميعاً والقلب داعي لهم:s3s:. لنقولها جميعاً وبصوت عالي إرحل إرحل إرحل يابن مساعد:s3s: |
ياخي والله فكرت ارد لكن الشق اكبر من الرقعه في معلوماتك دامك تشوف انه الاعداد عذر 2013 :) امتنع عن التعليق واتمنى استمرار زلاتكو فقط ... |
صدقوني رح نندم اشد الندم على التفريط بزلاتكو ماهي الفائده من كثره تغيير المدربين حتى الرئيس بنفسه قال انه تغيير المدرب يعطي اللعيبه العذر في عدم الانسجام واللعب بجديه أتمنى من الامير اثبات جديته في كلامه أيضا والابقاء على المدرب |
الي تقول ان الشق اكبر من الرقعه ترا الاعداد .. ما يبيله مدرب تكتيكي فيه مدربين اعداد كثيرين واولهم كالديرون مع احترامي له لكن فعلا مدرب اعداد .. ثانيا اذا بنقيسها على المدربين عندك هيدينك استلم فريق تشيلسي ٤ مباريات قبل دور الـ ٨ في التشامبيونز وطلع من برشلونه وكان تشيلسي هو الافضل ،، جا دي ماتيو استلم الفريق نفس الكلام دور الـ ٨ واخذ التشامبيونز ليه ما قالو حنا ما اعدينا الفريق ؟؟ ليه ما قالو ما اخترنا الاجانب والمحليين ؟؟ هنا يبان المدرب وترا الامثله كثير اذا ودك اكمل اسامي مدربين كملت ما عندي اي مشكله وخاصه في الدوري الايطالي والانجليزي ،، على شان كذا عذر اني ما اعديت الفريق فعلا هذا عذر ٢٠١٣ قلتلك المباريات الي بدع فيها الهلال كانت بجهود الاعبين وحماسهم زلاتكو له دور نوع ما لكن المدرب هذا مو طموح الهلال مع احترامي ... |
السبكين والله اللعبين اللي لهم وقت فيه الهلال ونكبه والمشكلة ان الهلال باقي عليهم اتمنى استمرار المدرب مدرب عنده طموح |
أتمنى استمراره مدرب عنده طموح الاستمرار مطلوووووووووب |
إقتباس:
تقارن فريق فيه ايسيان ولامبارد ودروقبا وتيري وتشيك واشلي كول .. تعبت وانا اعد دي ماتيو يوم فاز بالابطال ... تراه مساعد مدرب في تشيلسي ... يعني مارحنا بعيد ... زي ماصار معنا يوم طرد كوزمن ودرب مساعده .. اكيد بيكون عارف الفريق ومع كذا مع دي ماتيو .. كان لعبهم جدا رديئ وفوزهم بالابطال كان صدفه وماحد ينكر هالشي الاعداد يااستاذي فيه اهم شي في الفريق ... معرفه نقاط ضعف الفريق ... الرجال جاء مايدري وش الردي عندنا لدرجة انه جرب يلعب البيشي قدام الاتحاد وجاب العيد ... مالومه مايعرف اللاعب زين لعب ياسر الشهراني في مباراه وحده 3 مراكز ... مالومه سلمان الفرج لعب محور ولعب صانع لعب ولعب ظهير ... من بيقول له انه كويس هنا وهناك مو كويس اذا الرئيس ماقابله الا ثلاث مرات ممكن تلقى مدرب طوارئ تمشي معه بالصدفه عادي ... لكن مسأله انه الاعداد ماقبل الموسم للفريق مو مهم او مو مؤثر ... معليش لو مهوب مهم كان ماشفت الانديه تتدين علشان تسوي معسكرات |
محاولة تشويه لزلاتكو غير ناجحة .. ولله الحمد .. |
اذا نذهب الى كاس ولي العهد اولا قابل نجران وانتصر بعد عناء وتذكرو الضغط النفسي ثانيا الهلال قابل الفتح وانتصر بشق الانفس ولا ننسى ان الفتح كان هدفه الدوري فهو مسلم بكاس ولي العهد تنبيه المباريات اعلاه كان المدرب كومبواريه وليس زلاتكو |
انت جاهل اسمح لي ... انت ضد زلاتكو ما ادري ليه !! والدليل انك تكلمت عن مباريات قادها كومبواريه وانت تحسب زلاتكو هو اللي قادها هههههههههه تتكلم وبس عموما : زلاتكو جاب كاس ولي العهد من الغريم التقليدي النصر اللي كان في عز توهجه ... زلاتكو بعد خسارة الهلال من الاستقلال في الرياض ... كان امامه ٣ مباريات صعبه وماله الا الفوز في جميعها لضمان التأهل .. المهمه كانت شبه مستحيلة خصوصا انك بتباري الاستقلال في ايران امام ٧٠ الف ايراني .. وبتباري العين زعيم الامارات زلاتكو فاز على الاستقلال في ايران وعلى العين وعلى الريان في ٣ مباريات متتالية... هذا لحاله انجاز خسارتنا ضد لخويا كانت من اغلاط دفاعية ١٠٠٪ المرشدي هو سبب خسارة مباراة لخويا لاتنسى ان فريق لخويا كله اجانب ويقودهم جيريتس ... فريق متكامل وقوي .... وخروجنا من كاس الملك أيضا كان لأن شباب الاتحاد كان عندهم الروح وفازو بجدارة ... وهذا هم صقعو الفتح ٦ رايح جاي.. زلاتكو هو الافضل للهلال ..... ^ حشرتك :D |
| الوقت المعتمد في المنتدى بتوقيت جرينتش +3.
الوقت الان » 12:25 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd