|
اغبى نكته مصير سامي بيد اعضاء الشرف ههه السلام عليكم ورحمه الله بركاته قرار تدريب سامي للهلال راح يكون بعد مناقشه اعضاء الشرف !! سؤالي للاداراه من متى تهتمون بالراي اعضاء الشرف ؟.؟ هل اخذتم راي اعضاء الشرف بالرحيل رادوي؟.؟ هل اخذتمم راي اعضاء الشرف بالرحيل قريتس ؟.؟ هل اخذتم راي اعضاء الشرف بالقدوم الاحمق توماس دول؟.؟ هل اخذتم راي اعضاء الشرف بالقدوم النكبه كومبواريه ؟.؟ لما صار الموضوع عند سامي صار لازم نستشير اعضاء الشرف ؟.؟ الهلال محتاج سامي اكثر من السابق 1-سامي اكثر شخص يعرف الهلال 2-سامي يعرف نظام الدوري السعودي ويعرف الي يحتاجه الهلال 3-سامي يمتلك شخصيه قويه ماراح يسمح لاي اي لاعب يهبط مستواه ويستمر اساسي 4-سامي يمتلك روح وراح يقدم كل ماعنده لخدمه الهلال عكس المدرب الاجنبي الذي سوف ياتي للمال فقط جمهور الهلال بالصوت واحد خلونا نطالب بالجابر العثرات نريد سامي الجابر . |
يا استاذي العزيز.. الهلال بحاجة الى مدرب كبييير, له صولات وجولات... يمتلك cv مميز سامي كان لاعب كبير.. بس مو شرط يصبح مدرب كبير.. مارادونا افضل لاعب في العالم فشل في عالم التدريب!! مارادونا يمتلك روح ويعرف يقيم اللاعب السيئ من الممتاز, بحكم خبرته في الملاعب ومع ذلك فشل مع الارجنتين!! وفشل مع الوصل!! ياحبيبي سامي على عيني وراسي كلاعب,, وقد ينجح كمدرب, بس ليييييش اجرب انا؟؟؟؟ الهلال لازم يبدأ يشتغل صح.. مدرب كبير قدير محنك cv مميز, واذا مانجح وقتها مانلووووم الادارة سوت اللي عليها.. لكن لو فشل سامي انت اول واحد هتطلع تقول كان جبتوا مدرب صاحب cv مميز:s2: |
إقتباس:
لا ي حبيبي ماراح اطلع اقول ابي مدرب كبير لانه معروف الي يحتاجه الهلال 1- الاداراه فاشله بالتفاوض اذا ما احضرو سامي راح يجبون لك مدرب سباك من طقه دول وكومبواريه راح يوقعون معه قبل المعسكر باليوم شي ثاني تقولون الهلال مو للتجارب اجل اجيب مدرب طول تاريخه اقالات ويقول هذي اول مره يدرب فريق كبير !!يجيب ان يحصل على فرصه !! |
اول شيء المدرب : زلاتكوو ممتاز :ـ يحتاج لاربع اجانب سوبر ــ المفروووض الادارة تستغل انشغال الشباب والاهلي والاتحاد في مباريات كاس الملك وتوقع مع يحي الشهري ــ قبل ما يطير لاحد الاندية ــ ـ يحي صانع العاب ممتاز ( متفاهم مع عطيف ـ السالم ـ سالم ـ الحافظ ـ العازمي ـ المرشدي الصغير ـ وصانع العاب اجنبي ــ بيكون عندنا فريق ممتاز ـ وادارة واعية ــ |
. . . رغم الاقاويل الي انتشرت بشأن تدريب سامي للهلال الا إني ضد هالشي ! صحيح سامي كبير ويعرف الهلال زين وخبره طويله بالملاعب ولكن الهلال يحتاج مدرب كبير له سجل مثالي .. ولاتنسون ان سامي فيما لو لم يتوفق راح يكون عليه الضغط كبير جداً وهذا من غير مصلحة الهلال |
انا ضد تعين سامي ...في الوقت الحالي ... لكن اذا تم الامر مؤكد بيكون خبر سعيد ... الله يوفق الزعيم |
*يتنهد* من الاخير لا تتأملون بشي حتى تحضر الخصخصة .. , ولو الود ودي شلنا 3 ارباع اعضاء الشرف اللي يخرب اللاعبين واللي مرتزين صور لادعم ولا شي , ويلبسون البشت لما ياخذ الهلال بطولة , تبي تقول عضو شرف ؟ اقولك انا حسن الناقور . |
الله يوووفق الهلال ان شاء الله في قــااادم الايااااام |
بالتووووفيق للهلال سبحان اللـَّــﮭ ووبحمده سبحان اللـَّــﮭ العظيم |
انا مع تدريب سامي الهلال يحتاج إداره فنيه ذات شخصيه قؤيه اما السي في مانفع ريكارد |
وبعدين الخاسر الوحيد من فشل سامي لوحصل هو سامي اما النادي لاجديد |
نبي مدرب متمرس موب واحد يجي يتعلم فينا |
أسوأ مافي الموضوع هو أن يخرج أجتماع أعضاء الشرف بتأجيل أشراف سامي على الفريق وجلب مدرب أجنبي ويطلع مثل الكديش السابقين اللي كانت الوعود بأنهم مدرب عالمي وأسم كبيرفي عالم التدريب ووخرعن دربه والنهاية فالصو وكأني أرى الصورة أمامي وهذا ماسوف يحصل بالضبط وعود ووعود والنهاية مدرب أي كلام وطبعا الأعذار جاهزة : ضيق الوقت , لايحب العيش في المنطقة العربية . زوجته لم توافق . إلخ دورأعضاء الشرف الحقيقي الدعم المادي رقم 1 والمشورة والرأي رقم 2 فنرجوا أن لايكون نتاج إجتماع أعضاء مجرد كلام لايودي ولايجيب وخلاصة القول : سامي الجابرأفضل من أي خيارآخر إذا لم يتسن لأدارة الهلال أحضارمدرب عالمي بحق وحقيقة ليس هذا فحسب بل سوبرستار |
ياجماعة الخير دوختونا بهالرجل وكأنه جايب بطولات ودرب تراه اذا بدأ سيتعلم في الهلال ..............ارحمونا |
حبايبي الهلال لازم يستقر فنينا وارى استمرار زلاتكو كلنا شايفين مدرب الاتحاد مغمور وملعب شباب النادي ومقدم مستوى ونتائج حلوه وكمان الفريق الاهلاوي حنا مانكبنا الا المحترفين والاحتياط ضعيف لذلك اتمنى استمرار زلاتكو وتعيين سامي الجابر مساعدا له واحضار 4 محترفين يملكون مواصفات فنيه رائعه والاهم التخلص من مدرب الحراس ومن بعض اللاعبين اللي مايمكن الاستفاده منهم لاتقولي بعد المعسكر نسوي تصفيه وش الفايده اللحين التصفيه نامي ومسعد وخيرات وسعد وغيرهم نحتاج خط احتياط حديدي وكمان الجاسر معاهم |
زلاتكو ماشي بالفريق صح له بصماته منذ توليه زلاتكو فقط يحتاج جهاز فني متكامل جاء بآخر الموسم ومع جهاز هو بنفسه لم يطلبه ومع ذلك غير من وجه الفريق للأفضل وظهرت بصمته وروح الفريق معاه قدم عمل كبير يشكر عليه في أي إخفاق وحتى وإن كان التقصير من اللاعبين تحمل المسؤليه عنهم قربه من اللاعبين هو من غير من وجه الفريق للأفضل ولكن الأدوات لديه محدوده جدا عنده نظره ورؤيه طرحها على الإداره من جلب قلب دفاع وحارس وصانع لعب وذكر لاعب بعينه لجلبه يحيى الشهري وهي رغبة الجماهير ماذا تريدون أكثر من ذلك سامي نحترمه ونحترم تاريخه ولكن كمدرب للفريق هذه تحتاج لإعادة نظر فالوقت مازال في بداياته لكي يشرف سامي على الزعيم لا أقلل من مكانة سامي ولكن أي إخفاق سيلقيبه خارج أسوار النادي عندها سيخسر مكانته وتاريخه |
هم ابخص اعضاء الشرف الله يخلي لنا ابومحمد الامير بندر |
على سامي ان يبتعد عن الهلال في هذا الوقت احتراماً لتاريخه ورحمة به الهلال يحتاج عمل غير طبيعي لا يوجد لاعبين يراهن عليهم في هذا الوقت وخاصة من ناحية القيادة والروح والحماس ياسر القحطاني مصاب والباقي كلهم صغار يعني انحاش احسن لك جمهور الهلال يشجعون بدون عقل وينتقدون بدون مايشوفون يصارخون بعد النوم مباشره اعضاء الشرف اثرة عليهم الاسهم الاعلام قاعد لك على رقبه يعني الوضع خطير وبس . |
اصلا ليش يشيلو زلاتكو مدرب جيد واللي خذله اللاعبين المدرب لا ذنب له |
انت الظاهر سنه اولى تشجيع الهلال ... اعضاء الشرف من تآسس النادي وهم لهم الكلمه الاولى من يصرف رواتب على لاعبينك من يسير امور النادي هم اعضاء الشرف .... الرئيس مجرد عضو شرف سابق يمثل كلمة اعضاء الشرف ويدير النادي ..... من قريت اول موضوعك وانا اضحك |
إقتباس:
شي ثاني تراك فاهم الموضوع غلط اتكلم عن الاداراه العشوائيه مو عن اعضاء الشرف راجع الموضوع زين قبل لا تتفلسف |
انت شدراك ان الاداره ما اخذت رأي اعضاء الشرف في الامور اللي ذكرتها ؟؟ [ رادوي _ قريتيس _ توماس دول _ كومبواريه ] ولا فيه حمامه تنقل لك الأخبار ؟؟ الحمد لله اهل العقول في راحه :ba: |
إقتباس:
وقدم مستوى ولا كانه الفريق مهزوم 3 -0 وقتها سامي اسكت الجميع لولا اخطاء الحكم بعدم احتساب ركلتي جزاء كان تاهلنا |
إقتباس:
|
زلاتكو وش فيه زلاتكو استلم فريق ولا له دخل باي لاعب اجنبي او محلي .....يعسكر الفريق ويطلب لاعبين اجانب يختارهم وبعدها نحكم عليه وعمله ممتاز جاب لنا بطوله ولو كان الاجانب اختياره الان محصلين بطولتان على الاقل |
لدينا مدرب رائع زلاتكووو والبقاء علية مطلب ضرورى ماجد |
سامي افضل من اي مدرب على الأقل يعرف اللاعبين والدوري السعودي يعني جهاز للتدريب اما مسألة يجرب كل المدربين جاو للهلال يجربون وفشلوا ولد ديرتك ارحم من الأجنبي ،،حمله قووووويه نبي ساااااامي وبسسس ،،،، |
| الوقت المعتمد في المنتدى بتوقيت جرينتش +3.
الوقت الان » 06:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd