|
مشكلتهم صارت النادي الهلالي ... لاتلوموني السلام عليكم ورحمة الله وبركاته اربعة اندية لهم مواقف معنا وهم : النصر ـ الاتحاد ـ الاهلي ـ الاتفاق ... منهم من يشمت بخروجنا من الاسيويه دائما ومنهم من يسرق الالقاب ومنهم من لايتنازل في المفاوضات ويتساهل مع غيرنا بقلمي اخوكم : محمد الشهري مشكلتهم صارت النادي الهلالي ليتهم وايا انديتهم يفلحون خزنة النادي ترصّع بالآلي وغيرنا في كل عام ينفضون الصغير احيان وده بالمعالي وآخر الموسم حصاده يحلمون نادي المسيار حظّه بالدلالي من حضن نادي لغيره يرقصون يفترض منا نبيع الْهْم جلالي خوفنا الفتنه وهم مايعرفون وان بغيت اللي جمع نيجر ومالي عندك الاتي وربعه يجمعون صارت ايامه مع الملعب تسالي كل عام ٍ في الهزايم يمرحون ودي القى ياعرب رد السؤالي فـرقـة الدمام باقي يلعبون شكلهم راحوا يبيعون الزوالي كــنّــهــم تشليح للي يطلبون قالوا القلعة افاا ياهُم ملالي همهم الالقاب فيها يسرقون يبتدي الموسم وهم ماهم ببالي حدّهم رابع وهم به يبسطون ماكتبته والله ماهو من خيالي اعترف بالحق لو هم يزعلون من رضى حيّاه مافيها مجالي والزعل ممنوع والهاين يهون افتخر انّي انا شاعر هلالي لاحتمى الميدان مني يهربون :d |
صح لساااانگ ياااالشهري... نبااارگ لهذه الانديه الانجاز التاريخي لهم بخروج الهلال من الاسيويه.... |
شكراً بحجم السماء ياعزيزي انت زعيم جديد ....ياليت يفهموا القداما بالمنتدى انت سويت اللي قليل يسويه غيرك دافعت عن فريقك رغم الخرووج المر بيض الله وجهك وصح السانك |
اذا كل ماخرجنا بنجلس ننزل مستوانا لهم ونناقرهم عز الله ماتطور هلالنا .. لازم نعالج هلالنا ونطوره ونشوف لنا صرفه معه وبالنسبة لهم على قدر الالم والهزائم يأتي الصرآخ ! ارجوكم نرتقي شوي عن النزول لهالاندية اللي تاريخها ضعيف .. وصح لسآنك يالشهري :) |
إقتباس:
وشئ اكيد حلمهم الاول والاخير واكبر مكاسبهم خسارة الملكي .. |
إقتباس:
وعلى فكره انا مسجل في المنتدى قديم ولكن اتابع بصمت دائما والملكي يستاهل منا الدفاع ضد من يتعدى عليه او يمسه بكلمة وجهك ابيض وصح الله نبضك وقلبك والله لايهينك :ba: |
إقتباس:
اصبح الهلال في الآونة الاخيرة جدارا قصيرا لمن اراد الشهرة .. وهذا من بركات المركز الاعلامي ورئيسه .. اصبح فريقنا مثار التندر من فرق لم ولن تحقق ربع ماحقق وكل هذا بسبب طيبتنا ومثاليتنا الزائدة عن الحد .. اولى خطوات العلاج في رأيي الشخصي هي الكي وايقاف كل متطاول على الملكي .. والهلال غني والحمدلله بعشاقه ومحبينه واعضاء شرفه وهم قادرون على انتشاله من عثرته المؤقته .. صح نبضك وقلبك اخوي والله لايهينك ..:alzaeem: |
صح لسانك والله من يووم شفتهم يتركوون أشغالهم ويذهبون للكفيهات لتشجيع لخويا في جده ويحترقون من أجله عرفت أن مشكلتهم صارت النادي الهلالي </B> وليتهم وايا انديتهم يفلحون كم أنت كبير ياهلال في كل عام لنا مجد بالتوفيق لملك أسيا |
صح لسانك ولاهنت يابعدي :alzaeem: |
صححححح لساانك لاهنت يابوحميد |
صح لسانك يعطيك العافية ننتظر جديدك |
صح لسانك الف شكر تقبل مروري |
صح لسانكـ ~ وإن شاء اللهـ هالموسم آسيااا بـ ترجع لزعيمها الحقيقي الهلال السعودي ~ اللهـ يعطيكـ العافيهـ ع الطرح ~ |
الشاعر محمد الشهري صح لسانك .. وبيض الله وجهك قصيدة رائعة من شاعر مبدع ويعطيك ألف عافية على هالأبيات بالتوفيق للهلال فوق كل أرض وتحت كل سماء :ba: |
| الوقت المعتمد في المنتدى بتوقيت جرينتش +3.
الوقت الان » 01:33 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd