انا اتمنى يوضع نظام جديد . كل من يرغب من الجماهير الهلالية التصويت على ترشيح رئيس عليه شراء بطاقة لمدة سنة واحدة بمبلغ الف ريال .وفي حال وصول العدد 100000 شخص لهم نسبة تصويت 10% و200000(20%) 300000(30%) حتى 500000 (50%) فهنا يكون للجادين تأثير وقرار أما باقي النسبة (40%)لاعضاء الشرف ومعروف اشتراكهم. وباقي النسبة للاعبين والعاملين من اداريين وفنيين (10%) . اعتقد أن تسعة اعشار الجماهير لن تراها. ولن تشترك.

المبلغ لاتكفى لجلب اجانب عالمين ومحلين ومعسكرات وتكاليف ومصاريف النادى فى ظل الزيادات الحاصلة الرياضية والخ ,,,,

طبعا راح ادعم من جيبى الخاص اذا كنت مليونير مع ميزانية النادى وقدرها 100 مليووون
بمكانى جلب افضل المدربين والاجانب العالمين وافضل الاعبين المحلين مع انشاء اكاديمية رياضية خاصة لنادى الملكى تطوير وتنمية قدراتهم الفنية والاحترافية لانهم مستقبل الملكى
والاهتمام بالقاعدات السنييية بقدر اهتمامى بالفريق الاول مع دعم الالعاب الاخرى بالنادى
مع جلب طاقم ادارى على مستوى عالى من الاحترافية والعمل ومتفرغين لنادى الملكى
وتعين مستشارين فنية بالنادى من الاعبين المعتزلين استفيد من خبراتهم الفنية والرياضية
واتمنى التوفيق لملكى الهلالى
ماجد

اسسسوي عسسيل كامل للهلال .. لكن 100 مليون من موبايلي من دون الاعلانات ومن دون دعم اعضاء الشرف


ااااااخخخخخخ بسسسس ي هلال .. رحمك الله ي من عشقتو جمهههههوووووووركم وربي ودي ابكي وانا ارد

عبدالله بن سعد رحممه الله رمز الهلال (( جمهور الهلال خط احمر ))
عبدالرحمن بن سعيد رحمه الله موسس الكيان (( ليس للكيان الا الجمهور فقط ))

والحين مسسسحوب علينا بكل شي نبيه

١٠٠ مليون اممممممم
مدري! @@
ابجيب اول شي اداره اجنبيه عندها شهادات ووظفها وقولها يالله دبري لنا فلوس ودخل على النادي
نبي فلوس فلوس نبي اقل شي ٥٠٠ مليون بالسنه
وجيب مسوقين وناس فاهمه وشهادات عاليه
ثممممم بعد كذا اخليهم يشتغلون على انهم يجيبون فلوس للنادي
واخليهم هم الي يطلعون اعلاميا انا مالي دخل ولا لي شغل بالاعلام كل الي علي اراجعهم في قراراتهم
وبعدين اوظف مختصصصص من اي انديه اوربيه برا تفهم في المدربين
يجيب لي مدرب هوو ويكون معه مسؤول ذكي ويعرف كيف يجيبه باقل سعر يعني يعرف يفاوض
ثم اجيب المدرب واقوله يالله يالحبيب شف الاعبين الي تبي تشوتهم، وقلي من تبي تجيب بداله
واعطيه ميزانيه على اساسها يمشي
الاعبين الي مايبيهم اعرضهم بيع او اعاره والمع فيهم واستفيد من فلوسهم
لاخلصت كل هلاشياء
افضي مخي على ملعب الهلال
اروح وجيب معي مخ مفاوض ( يعني اطلق مفاوض ) بعد كذا اشوف شركه تبني لي ملعب
واقولها لك نسبه من الدخل وتقل مع السنين بما معنا مثلا
يبنون ملعب للهلال والهلال يقولهم استلمو الكوشكات ولكم نسبه في الدخل الجماهيري مثلا نقول ٨٠ بالميه للشركه والكوشكات لهم ١٠٠٪
والمواقف بفلوس والفلوس حقت المواقف تروح للشركه
بعد سنتين الشركه تصير عوضت فلوسها وتصير المواقف مجانيه
والكوشكات دخلها يروح للنادي
والشركه تاخذ نسبه ١٥٪ من الدخل الجماهيري
بعدين
اروح افتح متجر للهلال بكل مكان بكل حاره بكل فتحه!!!! اهم شي بكل مكان
والاسعار تكون مقنعه
وافتح موقع بالانترنت يبيع ملابس وكل شي للهلال ويوصل لاي منطقه بالعالم
--------
بعد كذا اجيب واحد يعرف يلقط لاعبين حواري في كل منطقه بالسعوديه ويستلم راتب
سواء بالسعوديه او برا السعوديه يعني مثلا
توضف اي احد في مثلا البرازيل ويلقط لك لاعب وتشتريه انت وتطلعه وتلمعه (بدون مايلعب بالهلال) الا اذا صار كويس مره ثم بعدين تبيعه
المقصد من هلفكره انك انت تجيب لاعبين مثلا من حواري البرازيل او اي مكان برا السعوديه ثم تبدا تعرضه على انديه باسمك طبعا يكون لك مقر تدريب في الدوله الي تبي تطلع لاعبين فيها
مثلا خلنا نقول البرازيل (طبعا ادري ممكن مستحيل بالبرازيل فا هي مجرد فكره يعني ممكن تسويها بمصر او باي منطقه قريبه) المهم انك تصير تلقط لاعبين الحواري الي يشوفهم الي متوكل على هلشغله وتاخذهم وتسجلهم في مركز تدريبك وتدربهم وتجهزهم وتخليهم يلعبون مع افرقه وتسوي دوره باسمك والافضل ياخذ جوائز وبعد كذا تبيعه على انديه بحيث تطلع (فلوس فلوس)
الي بعد كذا
تفتح النادي للجماهير
وتخلي يوم بالاسبوع يدخلون بمبلغ بسيط يدخله وتفرج على الكوؤس ويتصور مع الاعبين ويكون فيه مصوريين ومقر خاص يجيك فيه الاعب ويتصور معك
تبني لك عماير سكنيه وتخلي سعرها اقل من سعر اي عماره سكنيه في الرياض يعني مثلا
اذا معدل الوسطي للسكن في الرياض هو ٤٠ الف بالسنه انت خله ٢٩ الف
وتبني مجمع للاعبين والفنيين تكون البيئه فيه غير يعني مثلا
تسوي نهر وتخلي كل المكان اخضر والجو يكون لطيف والسكن مفتوح وتخلي الاعبين والفنيين قريبين من بعض بحيث مو مكتوم الاعب في بيت كنه في سجن
وتحط مكان للمطاعم تحت وتخلي المطاعم تستاجر بارخص سعر بحيث يشتغلون يعني مثلا بالسنه ٥ الاف ريال
بالنسبه لسكن الاعبين تعطي الاعب الاوبشن تقوله
تبي تسكن عندي بعطيك ياه ببلاش بس عقدك بيكون اقل خلنا ناخذ مثال
لاعب عقده بالشهر مثلا ٢٠٠ الف بقوله بخليه ١٥٠ الف
واعطيه اوبشن ثاني واقوله تجي عندي وتدفع اجار شهري ٥ الاف ريال
وذا بتدفع مقدم كامل تدفع ٤٠ الف سنه
طبعا يكون قريب من مكان تدريبه وعنده نادي في وسط المجمع وعنده مسبح في نفس الفله حقته الي في المجمع ومايكون فيه جدران تجيب ضيقه الصدر
ويمنع اي احد غريب يدخل من غير موافقه الساكن مثلا خويك بيجي فيه حارس امن يدق عليك ويقولك فيه شخص هنا اسمه كذا ويقول انه جايك ادخله؟ اذا وافق دخل غيره محد يدخل
ويكون فيه وسيله نقل مثلا باص او سيارات قولف للتنقل جوا الكمباوند والباص يجي ياخذهم قبل موعد التدريب بساعه
فكرتي مو اقلل تكلفه فقط!!
فكرتي اعيش الاعب في مكان غير البيوت وضيقه الصدر الي في الرياض
شينكوات فوق بعض وكتمه ومافي خضار تشوفه يفتح نفسك ولا تحس ان فيه تواصل مع جارك
نفسيا الاعب بيرتاح سواء الاجنبي والسعودي
السبب الثاني انه بيختلط مع المدرب والاجانب وبيصيرون بشكل يومي يشوفون بعض وبيزرع صداقه وقرب اكثر
السبب الثالث راحه للاعب من ناحيه التنقل والقلق والزحمه
السبب الرابع بيقرب الجهاز الفني من عنده بحيث تعرف اذا الاعب لاعاب ويسهر واكله غلط
بكذا بيصير الجهاز الفني مستقعد له من كل ناحيه اكله والرياضه
مثلا فيه لاعب زايد وزنه وفيه نادي في المجمع يجي مثلا المدرب او الي هو يقوله تعال انت معاقب، ابتاخذ وقت ساعه من يومك فيها بالنادي ونظامك الغذائى تاخذه من المطعم الفلاني الي بالمجمع
وتحط مكان في المجمع يدخل الاعب فيه ويحطون للاعب نظارات ويخلونه يشوت في مناطق معينه لزياده دقه شوتاته (فيديو شفته يسوونه في الاعبين الالمان)
لا سويت كل هلاشياء سلمني على كاس المريخ!!
ادري كل هلاشياء ممكن ماتتطبق بس موضوعك كان احكي رايي ووش ممكن اسوي
وهذا الي ممكن اسويه لا مسكت راييس نادي
يعني منيب مشغل مخي بالفريق قد ماني مشغل مخي بامور اكبر يعني خليت اداره النادي على موطف انا اجيبه من برى مثلا من نادي معين في اوربا واخليه يدير لي النادي
وانا اشتغل على امور ثانيه تضخ للنادي وتحمي حقوق النادي
وسلام عليكم

ازرف 100 مليون وروح اشتري جزيرة و اتكي فيها

إقتباس الرسالة الأصلية كتبت بواسطة يا بعد الدنيا ازرف 100 مليون وروح اشتري جزيرة و اتكي فيها

تزرفها ههههههههههههه
يكفيك مليون تبغى 100

الله يعطيكم الفين عافيه على تشريفكم للموضوع

من جد والله ناس عندها افكار ودها تعمل بس وش نسوي ب اخينا اللي جالس يلعب هذا غصب وهذا فزعه وموب راضي يطلع من النادي هو والبقشه اللي معه

انا متأكد ان اللي مع الرئيس مافي راسها كوره ولا تآمر ولا تنهى

والله على ما اذكر عقود الثلاثي وليهامسون ورادوي ونيفلز اكثر من 100 مليوون

يعني المبلغ ذا ما يكفي لجب اربعة لاعبين من طراز ممتاز رايح اجيب لكك اشباه لاعبين نفس الموجودين الحين ^_^

إقتباس الرسالة الأصلية كتبت بواسطة رضيان هههههههههههههههههههههههههههههههههههه

معليش ترى أمزح معاك مو قصدي إني اقول ما أطل في وجهك

بس على فكرة الفلوس لها دوووور

يمكن لو عندي الفلوس والله ما أخش المنتدى ولا أعرف وش فيه

هذي فلووووس مو لعب

100 مليون

رواتب اللاعبين المحليين راح تاخذ من 50 الى 40 % بالميه

50 مليون ل اربع اجانب من غير رواتب م تجيب لك شي
كيف مع رواتبهم

زي م قال احد الاخوان ازرفها وامشي
وبعد سنه ارجع اصير الرئيس ويصير عندي ميتين مليون بالسنه
وقتها نقدر اشتغل مثل الناس