|
أهم شي أنك تبني نادي قوي داخل الملعب وخارجه في داخل النادي عليك أن تجعل الجميع من يعمل في النادي كخلية نحل. وأن تعطي أبناء النادي من الاعبين الفرصة أولاً وأن لم ينجح في من الممكن الاستعانه بلاعب من خارج أسوار النادي لكن للضروره وللحاجة القصواء وليس التعاقد لمجرد التعاقد. وعليك تتعاقد مع محترفين أجانب أربعة للحاجة وللفائدة الفنية وليس التعاقد لمجرد أسم وتاريخ اللاعب والبعد عن تعاقدات (يتصيب يتخيب). عليك بناء 22 لاعب محلي بمراكز مختلفه يخدمون النادي لعشر سنوات ويكون الاحتياطي بمستوى الاساسي . الاستقرار الفني والأداري من أهم عوامل النجاح وليس من الضروري التعاقد مع مدرب عالمي للفريق لكن من المهم البحث عن مدرب يعرف يوظف قدرات اللاعبين داخل الملعب وأن يكون الجهاز المساعد هو العالمي. البحث عن مشرف عام للفريق أن يكون لاعب سابق بالنادي والمهم أنه ما يكون من فئة النجوم والمشاهير في النادي وأن يكون قريب من أعمار الاعبين صديق لهم متحدث لبق يعرف يحل مشاكل الاعبين بعيد عن الاعلام . اما خارج النادي أن يكون جمهور النادي وأعضاء الشرف والأعلام هم سلاحك |
أول شيء أبني دفاع قوي جداً ففريق بلا دفاع لا يساوي شيء مهماً كان قوة الوسط والهجوم والحراسة ولنا بريال مدريد وبرشلونة خير مثال ثانياً : جلب محور وصانع لعب قوي ومهاجمين هدافين من الطراز الأول وقبل كل شيء مدرب على مستوى كبير ويحمل سيرة ذاتية عالية شريطة الأستمرارية وعدم أستعجال النتائج خلال أول موسمين |
شوف ال 100 مليون هذي بدون اعضاء شرف يدفعون دبلها ماراح توفر لك كل شي اذا انت تبي اجانب نجوم بمعنى الكلمه غير الاعبين المحليين اللي كل واحد في السنه يستلم مليون ونصف الى مليونين يعني نبي مساهمة كل اعضاء الشرف ولو كل واحد يدفع نصف مليون او مليون وهي والا شي بالنسبه له راح نأسس فريق قوي لكن المشكله مافي الا سته مدري سبعه هم اللي يدعمون والبقيه اعضاء شرف بالأسم فقط واللي سمعناه اليوم ان فيه دعم للاداره و تقريبا تقريبا مخلصه من الاعبين المحليين وراح يعين سامي مدرب وراح يهتمون بالاجانب الاربعه وهذا شي زين بالتوفيق للزعيم يعطيك العافيه |
عن انا بحط 50 مليون بجيبي و50 مليون ادفعها رواتب وابيع من هالاعبين واحط نص المبلغ بخزينة النادي والنص الثاني بجيبي وافلها بلا كورة بلا بطيخ مادام ان التجنيس ممنوع مافيش اسيا |
إقتباس:
بس اعجبتني كلمتك(ولو ان الاسيوية بفلوس كان جلبها جوانزهو الصيني الموسم المآضي) مع العلم ان جوانزو ليس فقط نادي غني بل انه كان افضل واقوى من الاتحاد بكثير ولكن الحظ ساق الاتحاد للفوز والتأهل مثلما ساق السد القطري وقبلة النصر في بطولة السوبر اللتي مهدت له (التاهل بمقياس حقرة بقرة خل ربي يعد العشرة منذا فيذا جعل الخير كله فيذا )وذهبو للعالمية المزعومة التأهل بطرق غير سلمية وصحيحة الشاهد من هذا كلة الكتش الكبير زلا تكو دلاتش يقول (وهو محق بما يقول ) لا احتاج لمئة مليون فقط احتاج شهري الاتفاق خليفة للشلهوب وشفاء عزوز الدوسري وسأختار محترفين يلعبون اساسيين في منتخباتهم فقط وسأحقق الاسيوية السهله ولن يكلفني ذلك مائة مليون بتاتا فقط احتاج الفرصة وادارتكم لم تتحدث مع حتى الان ولم امظي سوى اربعة اشهر فقط وقد غيرت ما اسعفني الوقت بتغييرة ونجحت كما قال لقد علمت من بعد مباراة العين في الرياض من خلال تصريح الرئيس انها نهاية اجمل اربع شهور مع الهلال . نقطة اخر السطر |
بالطبع سأبحث عن الإستقرار أولا وأمنح الثقه في المدرب زلاتكو ثانيه وأجلب قلب دفاع وحارس مرمى وصانع لعب وأترك لزلاتكو إختيار من يريد من الأجانب |
الله يعطيكم الفين عافيه على مشاركاتكم وارائكم الجميله صدقوني ان مشاركتكم لها قيمه |
والله عن نفسي أخذ الـ 100 مليون وأبطل تشجيع الكورة نهائيا إيش لي أنا ووجع الراس يابويا بالعقل 100 مليون هذي مو أي شئ والله ما أطل في وجهك كمان ههههههههههه فلووووووووووووووووووووووووس |
الله يسلمك ابقي علي زلاتكو وابيع عقد الاجانب كلهم + استرجااع عادل هرماش التعاقد مع يحيى الشهري التعاقد مع مهاجم اولسان الاصلع الى طهبل فالهلال التعاقد مع مدافع اسباني مميز جدا جدا جدا التعاقد مع محور دفاعي مع هرماش اسيوي بمستوى عالي الغاء عقد عبدالله الزوري وبس |
إقتباس:
هههههههههههههههههههههههههههههههههههه |
إقتباس:
صدقت .. , وصح لسآنك ... لكن خلنا ناخذ الصورة من زاوية اكبر .. لو صنفنا اهم البطولات حسب القوة الفنيّة اللي يشاركها فيها نادي الهلال رآح تكون على هالطريقة :- 1- الدوري السعودي 2- كأس اسيا 3- كأس ولي العهد 4- كأس الملك .. , فالاهم نحقق الدوري , الدوري معروف عالميا انه افضل واقوى بطولة لانها بالمنطق قدرت تتغلب على افرقة بلادك وتحصد نقاط اكثر .. - ناخذها من زاوية اكبر .. , تشيلسي ماكان مطالب بتحقيق بطولة التشامبينز ليق , الموسم الماضي .. لكن حققها .. وامام من ؟ امام افضل فريقين ! برشلونة ثم البافاري .. وضع تشيلسي كان جدا سيئ .. ماكانو مطالبين بالبطولة لكن حققوها .. هالموسم لما كانو مطالبين بالحفاظ على البطولة .. خرجو من الدور الاول .. , هالموسم ماكانو مطالبين بتحقييق اليوربآ ليق .. , لكنهم حققوها ! نادي السد ماكان منه مطلوب تحقيق كأس اسيآ لكن المنافسة ... لكنه حققهآ .. , أولسآن لو انه واجه فريق شرق اسيوي نسبة استمراره ضئيلة جدا .. , لكنه من حظه لعب ضد اتدية لاتفقه في الانتظام التكتيكي .. " الهلال و الاهلي و بنيدكور " ماكان مطالب بتحقيق البطولة قدر ماكان مطالب انه يحاول يحسن مستواه بالدوري ليشارك بهالنسخة .. وحققهآ , كورنيثانز البرآزيلي , ماكان مطالب بشكل كبير تحقيق البطولة كأس العالم للاندية , قدر ماكان مطالب انه يوصل فقط للنهائي .. لكن حققهآ ! الاهلي المصري في دوري ابطال افريقيآ هالموسم .. الدوري واقف عندهم بعذرهم لو خسرو بنتيجة كبيرة .. ماكانو مطالبين بتحقيق البطولة .. فحققوهآ .. كأس افريقيآ الاخير .. ايضا اللي اخذ البطولة اول مرة يآخذها في تاريخ الدولة .. " الاتحاد ماكان مطآلب بالوصول لنهائي كأس الملك قدر ماكان مطلوب تقديم مستوى جيد .. ووصلو للنهائي هالحاجتين كلها كانت في اخر سنتين او اقل حتى ماجبت شي بعيد .. " ريآل مدريد ! البرآزيل ! ألمآنيآ , هولندآ , الهلال ! .. الخ من غيرهم كل منهم له بطولة يبغى يحقق لكي يضيفها لخواتها من الكؤوس السابقة .. لكن مالناتج ؟ ماقدرو يحققون البطولات اللي يرغبونهآ .. حصد البطولات هو الاهم .. برشلونة ليس اكثر نادي حقق بطولات كأس اوروبآ , لكنه الاول عالميا بعدد البطولات :) |
انا اذا تحطني رئيس وتعطيني 100 مليون اقوم بتوظيف مرافقيني اكثر واحد يضحكني له نسبه في كل عقد وما اتعامل بالريال فقط اليورو اجيب في كل فترة تسجيل 4 محترفين بشرط عقودهم فوق المليونين يورو وفي الفتره المقبله اغيرهم احضر مدرب كل ثلاثه شهور بشرط ان لايقل عقده عن ثلاثه مليون يورو وانا ماراح اخذ ريال الله مغنيني لكن المرافقين بصراحه يستحقون هم اقرب الناس لي . على فكره انت ياصاحب الموضوع لا يمكن قبولك معهم . امزح الحين الجد راح احضر ظهير ايمن ومحور محليين صحيح لن يستفيد الوسطاء لانهم اقل من المليون لكن مصلحة الهلال اهم / الحسن من الطائي او سعد المحيسن الشرق او علي الزبيدي الاتفاق للظهير الايمن المحور ممكن سلطان الدوسري من الفيصلي او ايجاد محور من(الغنام والقرني ومحمد قاسم وبدرالمرشدي وخيرات ورضوان والسعيد وعطيف والعازمي) راح اقوم بتصعيد(الصالح حارس وسويد البيشي ومشعل الحوطي ظهير ايمن وخالد كعبي وسط ايمن وكروم والقطام صانعي العاب وسلطان جمال ومهند فلاته واحمد النجعي محاور) الغي عقود (نامي وسعد ومسعد وزايد والعازمي وعطيف والسالم) اعاره(العبدالله والمسلم او عبدالله الدوسري وخيرات والمحاور التي لا يمكن ان تفيد الفريق) راح اعلن اسماء 22 لاعبا الاساسي والبديل الاول كل لاعب بمركزه الاساسي + 4 اجانب + حارس + مدافع + وسط + مهاجم بامكانهم اللعب بالفريق الاولمبي = 30 لاعبا راح احضر مدرب متمكن كوزمين مثلا ومعه 3مساعدين احدهم مدرب اعداد ومدرب حراس ومدرب لياقه ويكون معهم الحبشي مساعد للمدرب والدعيع مساعد مدرب الحراس راح احضر قلب دفاع متاخر (قشاش) طويل القامه وسريع ويجيد ضربات الراس ويملك قدم يمنى قويه ومحور سريع يجيد التمرير والتسديد والرقابه ويلعب بالقدم اليمنى وصانع العاب سريع ويجيد التسديد وتنفيذ الكرات الثابته ويلعب بالقدم اليمنى ومهاجم سريع ذو بنيه جسمانيه يجيد التسديد والتسجيل بالقدمين والراس مثل لويس فابيانو واذا ما لعب الفريق على كاس اسيا استقيل واعلن قبل بداية الموسم انني لا اقبل الا بكاس اسيا والاعب الي يرى ان هذا يسبب له ضغط يدور فريق ثاني اكون مثالي جدا مع جمهوري وحتى لو كنت اعرف انه هلالي صميم وسبني اقول من جمهور الجار . اختار مدير مركز اعلامي كذاب وذكي وسريع البديهه . من ارى فيه الذكاء من اعلاميي الهلال الجدد اعطيه كل فتره معلومه وانا لا اظهر الا كل فتره . (مافيني احلق كل يوم) شكرا لك لانك وسعت صدورنا |
مو شرط المبلغ الشرط عقلية اللاعب لازم تتحسن بعد كذا حتجيب كأس العالم مو آسيا عندنا اللاعب عقله يا بالفلوس أو بالدشره غير كذا ماش الكوره ماخذها يضيع وقت لا اكثر ولا اقل لازم العقلية تتغير و الله إني للآن مقهور على إقالة توماس دول لو استمر للموسم هذا و الله لتلقون الهلال رائع و أروع |
هلا والله بكل اللي طل علينا في الموضوع |
للتوضيح فقط قبل لايجونك المنجمين والمبدعين عقد موبايلي يغطي فقط 40 % من مصاريف النادي .. 15 % من اعضاء الشرف 45% من جيب عبدالرحمن بن مساعد وحده ... ومع هذا يجيونك ويطالبون برحيله ... |
| الوقت المعتمد في المنتدى بتوقيت جرينتش +3.
الوقت الان » 10:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd