|
30 مايو نحن بإنتظارك وداعا اسيا كالعاده فالزعيم لم يقدم مهرك منذ بداية الموسم انما هي اجتهادات بأقل ثمن فقد احضر الرئيس المحبوب الغير مرغوب به مدرب عادي ولاعبين لا يستحقون ان يرتدوا شعار رديف الزعيم فما بالكم بالفريق الاول ( اجانب ومحليين ) من يريد بطولة اسيا عليه من بداية الموسم ان يحضر مدرب على مستوى عالمي ولاعبين اجانب على مستوى عالي يصنعون الفارق ولا يصبحون عالة على الفريق كالموجودين الان . 30 مايو نحن على موعد مهم في تاريخ الزعيم الا وهو 30 مايو الذي اشك واجزم انه ليس الا تلميع للرئيس وقرارات لا تقدم ولا تؤخر بل مجرد اعذار وتبريرات للأخطاء الكثيره من بداية الموسم الى اخر مباراة ضد الخويا نعم سيقول الرئيس من الكلام مايوهم به هذا المدرج الكبير بأنه فعل وفعل , ولكن ولكن , والحقيقه انه عمل ولكن ليس العمل المنشود لهذا المدرج الكبير . الزعيم يحتاج الى 3 قرارات فقط واضحه كوضوح الشمس هي : 1 - مدرب عالمي ( ان شاء الله ان يعلن عن اسمه في 30 مايو ) 2 - لاعبين اجانب على مستوى عالي 3 - الاستغناء عن ماجد المرشدي و محمد مسعد و سعد الحارثي وياسر القحطاني و البيشي و السديري ( هؤلاء هم من احبط نجوم الفريق الصغار ) جميعهم بلا روح وليس لديهم طموح . رسالة اذا كان سمو الرئيس لا يستطيع ان يقدم للزعيم اكثر مما قدم الى الان عليه ان يترك هذا الكيان لشخص يقول كلاما ويطبقه على ارض الواقع . بالتوفيق للزعيم |
اول قرار راح تسمعه هذا هو الموسم الاستثنائي ؟؟؟لاتحلم كثير ماتوقع في شي راح يتغير اعض |
اجل ماتبي ياسر القحطاني وسلطان البيشي ؟ ليتك والله بالع المودم قبل لا تكتب هالموضوع |
إقتباس:
ناقشني بغير هذه الالفاظ وش سوى ياسر القحطاني في هذا الموسم ؟؟؟ ياسر في هذا الموسم او بالاصح ياسر من 2008 وش سوى غير التسدح والتبطح بالملعب كثرة كلام بدون افعال نقاشات مع الحكام ومع اللاعبين والاعلاميين وبالملعب نايم بأحضان المدافعين ياخي طير من راسي انت وياسر انا لو مكان الرئيس اهديته لفريق بدوري ركاء لعل وعسى يرجع مستواه الاول ماقول الا الله يعوضنا ان شاء الله بيوسف السالم والبيشي بالله عليك تسميه لاعب شوف مباراة الهلال والاتحاد بكاس الملك وشوف الاهداف من وين جاءت وشوف تحركات البيشي الغبيه لاعب مصخره مصخره الظهير الايسر بالاتحاد سواه شوارع الله يعين علي اللي مثلك يعيشون باحلام لاعب كان نجم وعلى لاعب لا يفقه بأبجديات الكوره اي شي |
اول قرار اذا الرئيس قاعد قاعد يتم تكليف المهندس طارق التويجري بالاشراف على كرة القدم ومسئول عن كل شي يجلس ويتفق ويناقش مع ابن مساعد كل شي ثانيا بالنسبه للاعبين من يبقى ومن يرحل الان اتوقع سعد ومسعد وزايد ونامي وفلاته يعطون مخالصات وبالتوفيق . الشلهوب والغنام اذا كان مصابا يتم الوصول معهم لحلول باعتزالهم العبدالله و (المسلم او عبدالله الدوسري) و (رضوان او خيرات او السعيد) يكون هناك اعاره لواحد من كل مركز سلطان والفرج والقرني يجب ان يكون لهم طرق تدريبيه ترفع من مستوياتهم وبالذات في الاشتراك والارتقاء وضربات الراس البقيه يحدد المدرب مدى الاحتياج لكل لاعب ومدى قدرته يجب ان يكون الصالح حارس وسويد ظهير وكعبي وسط ايمن والمرشدي والعازمي وعطيف محاور وعبدالكريم القحطاني(كروم) وخالد القطام صانعي العاب من الاولمبي ضمن معسكر الفريق الاول. المحاور(الغنام والقرني ومحمد قاسم والمرشدي والعازمي وعطيف وحسام)وربما خيرات ورضوان ينجحوا يجب ان يكون لهم تقييم دقيق لاختيار اربعه منهم يستطيعون المشاركه اساسيين قبل الاعاره تقبل اختلافي |
من يوم شفت تاريخ التسجل وانا غاسل ايدي |
ايش رايكم نجيب محمد عيد والسهلاوي وابو سبعان وووو وجميع الاعبين المحلين ونلغي الانديه الاخرى على شان نحصل على الدوري ونترزز في الاستراحات ونقول للشباب ما احد قدنا زعيـــــم وجمهوره ابطال . لن يبقى الهلال على حاله افهموها الاسهم في انحدار خاصة مع بعض الجماهير الوضع خطير شيلوا جيبوا هي على كيف الرئيس . |
الله يووفق الزعيم ان شاء الله وياااارب تتيسر امووورة |
إقتباس:
معليش مادريت انك من مشجعي ياسر ولست من مشجعي الزعيم والمشكله انك غبي حتى الرد ماتعرف ترد كيف من يوم شفت تسجيلك وانا غاسل ايدي طيب انت 2007 وش فرق يعني انت اللحين مسوي انك تسبني اللحين :s5s: |
الله يوووفق الزعـــيم وان شاءالله نشااهد هلا2014 مختلف ......... |
يعطيك العافية اخوي الروقي حاول تستشعر وجودك بمنتدى الجمهور الهلالي وكلمة غبي مو حلوة منك انت تقول ياسر نسرحه ياخي انت تتكلم مع الخيل ياشقرا ولا بس عباطة!!! يعني ياسر هالموسم مو مقنعك !!!! يعني لاعب حمل الفريق على عاتقه بعد خروجنا من اولسان واحرز مالايقل عن ١٦ هدف وهو معدل تهديفي جيد بالنسبة لعدد الدقائق اللي لعبها، بعدين من عاجبك بالمهاجمين السعودين الاخرين؟؟ اخوي لا تطالب برحيل مهاجم هو افضل مهاجم بفريقك ومع وجود محترفين اثنين ومع ذلك فرض نفسه وصار المهاجم الاول بفريقه والسعودي بالدوري *في كل سنة يبدأ الهجوم على القناص وكانت الحُجّة عدم تسجيله امام اندية جماهيرية وهالسنة يوم سجل بالاتحاد هدف وبالاهلي هدف وبالشباب هدفين جاي تقول ماعنده الا تبطح اصلاً اجزم ان سبب كتابتك للموضوع مو عشان باقي اللاعبين انت اتوقع كاتب هالموضوع عشان ياسر لان مثل ماهو موجود ناس نشجع ياسر فيه ناس تحارب ياسر |
اجل ما تبغى ياسر القحطاني هذي النقطة كفيلة بأن لا اكمل الموضوع |
من قلت البيشي ونا غسلت يدي منك ومن قلت البيشي بمباراه الاتحاد واخطائه يوم مباراه الاتحاد غسلتها بديزل!! اجل احد يقيم لاعب جاي من اصابه؟؟ واحد يقيم لاعب اسمه ياسر وكل الي سواه بالموسم ذا وبدون صانع الاعب! بالله تفهم كوره؟؟ ياخي اذا بتناقش لاتقعد تتفرج على كبتن ماجد وتجي تكتب اذا بتكتب ناقش وش سووا البيشي بالموسم الي راح؟ يابوي تدري مافكك من نامي الا هو؟؟ ولا نسينا ماكلينا؟ ماجد المرشدي صدق انه عليه هويات بس اخر ايامه مستواه جيد السديري يابو الشباب حارس صغير بالسن ويحتاج خبره وبعدين خلنا نتناقش عن المهاجمين تعال قلي وش تبي توصله تبي مهاجم يسوي لك زي كبتن ماجد ويسجل هدف بدون صانع لعب؟؟ رح كلم رئيسك وخله يجيب زي طارق التايب ويحطني قدامه وابشر اذا ماصرت هداف الدوري!!!! ونا مادل الباب يالله مع السلامه ولعد تكتب مواضيع بالله نصيحه ياخي نصيحه يرحم لي امك لاتكتب مواضيع وتقعد تغث لي ام ام امي وتجيب لي الضغط وتحوم كبدي ياخي ماتعرف تكتب موضوع وانا ماعرف اكتب موضوع فالذالك تركت كتابه المواضيع لهلها وبطلت اكتب او اقولك! تركت حركاتك الي اقعد انتقد ونا ماعندي سالفه وخليت الي اخبر مني يالله بس سلام! |
إقتباس:
انا مؤيد لكلامك ياسر منذ مبطي مستواه هابط ومو ياسر زمان انطفى نجمه والبيشي والدفاع لاتعليق اضعف خطوط الفريق |
مانبي مدرب عالمي ولا شي نبي زلاتكو ولا سامي بس ومحترفين مستوى عالمي نقول ان شاء الله اما اذا بتستغني ودي يطيرونهم خارج النادي نامي ومسعد والحارثي اما المرشدي الزوري والبيشي خليهم احتياط ولا ودي اشوفهم اساسين اما تقولي تستغني عن ياسر والسديري ماتفق معك وين احنا اهم شي اشوف ياسر والسديري بس اشوف فيه ناس تدافع عن البيشي !!!!!!!!!!!!!!! ايش شايفين فيه تكفون قولوا لي والله مضره أكثر من نفعه لاعب ثقيل وهو نقطة ضعف الهلال واغلب الاهداف والهجمات من عنده والاظهره اهم شي بالفريق والبيشي ابلشنا ودي نشوف غيره يامحترف يايجبون من الاولمبي بس نفتك منه شكرا على موضوعك |
| الوقت المعتمد في المنتدى بتوقيت جرينتش +3.
الوقت الان » 10:37 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd