سمو الأمير عبدالرحمن بن مساعد .. بعد هالموضوع هل سيعرق جبينك ام لا - نادي الهلال السعودي - شبكة الزعيم

صـدام شـمـر · #1 23/05/2013, 12:41 AM

يا عبدالرحمن بن مساعد

أكثر من ثلاث مواسم ماجانا مدرب ممتاز وكل سنه نفس الغلطة تتكرر طرد المدرب وتمشية الحال بسياسة الجود بالموجود
والغلطات هذي مو ببلاش جالسه ترهق ميزانية النادي بلاوي
وش فايدة اللاعبين المحليين والأجانب إذا مافيه مدرب صاحي يعرف يوظفهم يا رجل لوبيز اللي له 600 سنه راس حربة
صار صانع لعب يا رجل على أرض اللخويا وهم مقفلين ملعبهم فاشلنا يلعب أثنين محاور ولوبيز صار وسط
هذي إمكانيات المدرب ما نلومة اللوم على اللي رزة ومقتنع فيه

سمو الأمير وش سوا غير أول موسم ونص ؟؟
أتوقع لو دفع 200 مليون من جيبه الخاص ترى بالسنوات اللي فاتت أحرق أكثر من 400 مليون
مدربين فشلة سته شهور ويمسك الباب ولا عبين أجانب من أفشل ما رأيت
سول وايمانا و احمد علي و يوسف العربي و هرماش ووليكنز ودول وكومبوارية ومانقان وأجانب هالسنه وغيرهم

يعني لا لاعبين أجانب صاحيين ولا مدربين صاحيين أما اللاعب المحلي حكايته حكاية
أتمنى تذكرني لنا فترة نعاني الأمرين بالدفاع كيف حاول الفكر الإداري حل المشكلة
بكل بساطة حطو لي الزوري وجابوا مانقان اللي له 7 شهور مالعب كورة
وجابوا لاعب من المدينه على ما أعتقد فواز فلاته وعلى طول وزعوه على فريق ثاني
وجابوا المسلم وخلوة إحتياط وأعطوا الزوري الجبهه اليسرى فرصه للموسم الرابع أو الخامس
الزوري ونامي والبيشي مكانهم ليس الهلال
يفرطون ب سلطان البرقان ويتمسكون بعبد اللطيف يا رجل حتى عمر الغامدي أفضل من الغنام
يفرطون بسلمان المؤشر ويخلون الزوري ونامي ! قناعات غريبة جدا
إدارة غريبة لأبعد حد حدود تفكيرهم سعد الحارثي ويوسف السالم يا رجل طلع الجهني وأعطيه فرصة أرحم
بالله عليك المرشدي والزوري والبيشي ونامي والغنام وسعد الحارثي و حسن خيرات وحتى السالم يستحقون تمثيل الهلال
كل سنه وأفقع من اللي بعدها وماشفنا من حلول الإدارة إلى كبتنية بأيديهم
الهلال من أيام التايب وكوماتشوا وماعاد فيه صناع لعب بمعنى الكلمة الشلهوب كويس لكن وش يسوي لحالة

اللاعبين المحليين اللي يعتبرون مكسب للهلال أسامة هوساوي وجابة الأمير محمد بن فيصل
وياسر الشهراني وجابه حسن الناقور غير كذا وش حصل ؟ بغض النظر عن عطيف وهل سينجح ليذكر مع الإثنين
ويطلع كالعادة سمو الأمير عبدالرحمن ويقول اللاعبيين المحليين ما أحد يرضى يطلع لاعبة !!!
ليه الأهلي السعودي مو معانا بالسعودية ولا هو تبع الدوري الأوروبي أفضل لاعبينهم مشترى السنتين والثلاث اللي فاتت
ولا بس فريق الإتحاد يعرف يلقط لاعبينا من سنين ومنين

أما حسب وجهة نظري مع البطولات المحلية أنت يا هلال تنافس مين ؟
ماغير الإتحاد وشوف لما نام الهلال والإتحاد أخذة الفتح
عن نفسي أقول هالبطولات المحلية زينة بس مو مقياس المقياس الحقيقي آسيا يا سادة
وشوف عينكم مرة لخويا ومرة أم صلال ومرة غرافة إلى رحمة الله ومرة فريق ايراني وهذا المقياس مو دوري الفشلة اللي عندنا

ولو بنشكر نشكر الأمير بندر بن محمد اللي كل سنه يفاجأنا بلاعبين ولا ثلاثة لولا الله ثم هم كان ولينا
عبدالعزيز الدوسري ونواف العابد وأحمد الفريدي وسلمان الفرج ومحمد القرني وسالم الدوسري و فهد الجهني وحسام الحارثي وعبدالله السديري وسلمان المؤشر وغيرهم كثير
وربما لو الفئات السنية كانت تحت إشراف الأمير عبدالرحمن كان الوضع أسوأ ..

نريد بندر بن محمد

واللاعبين القدامى ( الدعيع مدرب حراس + الثنيان مدير الكره +
ابو اثنين مدير المركز الاعلامي )

نبي ناس تقدر وعندهم خبره ويحسون بالجمهور

هلالي معلمهم · #2 23/05/2013, 12:45 AM

يا اخوان تحمـلو ترى غيركم من 20 سنـه وهم من رئيس الى رئيس يدورون بطوله

صـدام شـمـر · #3 23/05/2013, 12:49 AM

إقتباس

الرسالة الأصلية كتبت بواسطة هلالي معلمهم


	يا اخوان تحمـلو ترى غيركم من 20 سنـه وهم من رئيس الى رئيس يدورون بطوله

يا حبيبي رئيس غيري عنده طموح عنده شجاعه عنده اصرار
اي رئيس يجي الهلال نسبة نجاحه 70 بالميه يعني فريق عنده امكانيات من حقنا نطالب
الهلال بزمن ابن مساعد لا طعم ولا لون

فديت صالح السليمان · #4 23/05/2013, 12:50 AM

إقتباس

الرسالة الأصلية كتبت بواسطة هلالي معلمهم


	يا اخوان تحمـلو ترى غيركم من 20 سنـه وهم من رئيس الى رئيس يدورون بطوله

ماشاءالله نغمه جديده ’ تحملو ’ !

يا ساتر وش بقى يازمن ماظهر

الهلال هو العالمي · #5 23/05/2013, 12:54 AM

شي يتكرر بالهلال لاعب يبدع اول مباراه وثاني مباراه بعدها ينخفض مستواه السبب ...... المال

الخالدي 911 · #6 23/05/2013, 12:57 AM

يارجل من اخوه قبله والمشكله هو الي نصحه الي الهلال بس اكتشاف في المنتدى مندس الي ريس النادي ترهم اخطر من النصروين

هلالي من الحناكية · #7 23/05/2013, 01:01 AM

وش رايكم نعطي ابو فيصل فرصه اخيرة

الموسم القادم بيتلافى كل السلبيات اللي في هالموسم المخيسسس

هلالي راقي 511 · #8 23/05/2013, 01:02 AM

فيه جماهير كيان تحترق على فريقها .. لا مستوى لا روح لا ادارة لا فكر يشجع على التفائل
وجماهير اشخاص بالها وسيع وتمني النفس باحلام ورديه وبتحقيق منجزات بتكرير نفس الاخطاء !

والله اننا نقدر الادارة كاشخاص وحاسين بهم وبجهدكم ونشكرها
لكن ان ننحرم من رؤية الهلال الذي نعرفه فلا والف لا

الثقة معدومة بالادارة فهي لا تملك الحلول للاسف لانها افسدت على نفسها بيئة العمل ولا يمكن ان تنجح مهما اصرت
فالافضل ان تحافظ على ما بقي لها في انفس محبين الكيان من ود قبل ان يتدمر الفريق بشقها لصفه

هــلاالـي · #9 23/05/2013, 01:13 AM

يآشبآب صلو على النبي ..

آنآ قلت لكم زمان اداره الهلال جالسه تدمر الفريق بتعاقدات مادري وش تبي

سعد الحارثي !!! ؟؟ وش أستفدنا منه
محمد مسعد !!! ؟؟ وش الفايدهـ منه اذا الاهلاويين اول ماطلع من عندهم كنهم فايزين ببطوله قسم بالله انصدمت ..
عبداللطيف الغنام !!! ؟؟
القرني !!!؟؟؟
الزوري !!!؟؟
المرشدي !!!؟
قوستافو بوليفار !! ؟ من افشل المحترفين في اخر عشر سنوات
اوزيا من جنبها والهلال يحتاج مدافع افضل منه بمليون مرهـ ..

آهـ ياهرماش الفريق من بعدك متخبطط جدآآآ ..

واعذروني على هالكلمه ارجوكم خلاص شبعنا مجاملات نبي " بطولات " يآسر أرجوك ارجع للعين والله يوفقك حبيبنا وعلى عيني وراسي بس هذا آلهلال مصلحته آولآ ..

بصراحه الفريق يبي له تغيير شبه جذري بآخرآج اغلبيه اللاعبين واعطاء الفرصه للصغار هذا الاهلي منتج بصاص والاتحاد منتج محمد قاسم ،، يعني مواهب وقدمو لفرقهم اشياء كثيرهـ ف ارجو الاستفاده من المواهب الي عندنا ..

كلمة آخيرهـ / بالتوفيق لـ آلهلآل

mxo · #10 23/05/2013, 01:21 AM

يا شبيه الريح
نريد المدرب سامي ونريد اجانب فايف ستار
اتركوا عنكم السماسرة
اذهبوا وشاهدوا الدوريات في افريقيا و البرازيل
بدون اجانب على مستوى عالي لا تحلمون باسيا

هدوء المطر · #11 23/05/2013, 01:22 AM

إقتباس

الرسالة الأصلية كتبت بواسطة هلالي معلمهم


	يا اخوان تحمـلو ترى غيركم من 20 سنـه وهم من رئيس الى رئيس يدورون بطوله

آهه يعني قصدك نصبر 20 سنه بعدين نزعل ونطالب ونشجب ونستنكر

إممممممم...يالله ليه لااااا واحنا ايش ورانا نصبرررررررر

رادوي الشمال · #12 23/05/2013, 01:24 AM

كلام اجمل من الجميل وواقعي نبي اسياء والله العضيم ماهي صعبه ع الهلال بس تبغا اداره ناجحه وفاهمه شوي
الامير عبدالرحمن ماقصر يوم جاب قريس ورادوي ونفز وليونق الشمشوني وسامي مدير الفريق بس للاسف بعد كذا ماشفنئ شي صار الفريق تجاري بحت اهم شي اصرف الي عندي بمالغ ضخمه واجيب واحد مش حالك الى مته طيب

الله يوفق الزعيم يارب

صابر هلالي · #13 23/05/2013, 01:32 AM

رحيل بن مساعد اصبح ضروري جدا

هدوء المطر · #14 23/05/2013, 01:46 AM

إقتباس

الرسالة الأصلية كتبت بواسطة هلالي من الحناكية


	وش رايكم نعطي ابو فيصل فرصه اخيرة الموسم القادم بيتلافى كل السلبيات اللي في هالموسم المخيسسس

!!!!!!!!!!!!!!!!!!!!!!!!!!!!!!!!!!!!!!!!!!!

للهلال شموخ · #15 23/05/2013, 02:02 AM

شكراً لك علي مقالك الصريح والمعبر عن مطلب أغلب الجمهور الهلالي

فالرئيس عبدالرحمن بن مساعد أثبت فشله في قيادة النادي وبخاصة الفريق الكروي بوضوح خلال السنتين الأخيرة

وأثبت واقع الفريق الكروي في هذا العام أن الرئيس كان يعتمد كلياً خلال الأربع سنوات الأولى من رئاسته على الحظ

والآن بعد أن اتضح فشله الذريع في رئاسة النادي سرب خبر رجوع سامي للفريق كمدرب لإسكات الجمهور وإرضاء محبي سامي ولجعل الانتقادات تبتعد عنه وتتجه لسامي كالمعتاد

لذلك أتمنى من الجمهور الهلالي أن يضغط بقوة لمصلحة النادي من أجل استقالة عبدالرحمن بن مساعد ومدير مركزه الإعلامي الذي تطاول على الجمهور بأسلوب سيء ولايليق !