|
قبل المطالبه برحيل ابن مساعد طالبوا برحيل اللاعبين السيئيين فنياً قبل المطالبه برحيل رئيس النادي نطالب برحيل بعض اللاعبين..للأسف نحن كجماهير لانستطيع أن نمنع لاعب من المشاركة وتريدون أن نمنع رئيس من دخوله للنادي مره ثانيه فنطالب بإعارة او تنسيق كل من 1) ماجد المرشدي مدافع بالأسم كل ماعليه عند مواجهة الخصم التراجع حتى يسقط أرضاً 2) الخلوق عبداللطيف الغنام محور بالأسم فاحص لأجهزة العلاج بالنادي بالفعل الغنام 90 بالميه من حياته الرياضه بالهلال فقط بالعيادة الطبيه للنادي 3) محمد نامي حضر للفريق وقدم مايستطيع فعله ولكن فاقد الشي لايعطيه 4)الزوري لاعب أساسي بالفعل حقيقة مكانه الطبيعي دكة الأحتياط وقت الأزمات ينفع عندما يصاب لاعب أو يتعرض لوقف يعني بالكثير 4 مبارايات يلعبها بالموسم |
انا معك الا بنقطة الزوري الزوري قدم مستوى ممتــاز اليوم |
نفس اللي فوق انا معك في كل ماقلته ماعدا الزوري من افضل الاعبين اليوم وحرام تظلمونه هالاعب اذا ادى امدحووه حتى اذا لعب زين اكلتوه اضحكتني نقطة الغنام (( فاحص الاجهزة)) الله يسعدك في دنياك اضحكتني بعد الغبنة |
لولا الله ثم الأمير عبدالرحمن كان هاللاعبين اللي مو عاجبينك منسقين من سنين أنا ما ألوم المرشدي والزوري وخيرات والغنام ونامي والبيشي وسعد وغيرهم كثر ألوم اللي مسؤول عن الفريق الأمير عبدالرحمن هو اللي مقتنع فيهم يا رجال صارو يمسكون كبتنية لا لاعبين محليين ولا أجانب ولا مدربين صاحيين وبالحلقة الأخيرة مطلوب مني أشكرة على مجهوده ثلاث سنوات ورا بعض كل سنه طقم لاعبين أجانب مختلف ومدربيين كل سنه غير ويجلس سته شهور ويقال وياخذ الشرط الجزائي وحنا نطبل الأمير عبدالرحمن ثلاث سنوات ورا بعض نهاية الموسم يطلع ويعتذر ويتحمل المسؤلية وكأنه فدائي أجل مين المسؤول الجمهور ولا مين ؟ مو أنت اللي جبت المدرب مو أنت جبت اللاعبين الأجانب مو أنت وفق لقناعة المدرب اللوح اللي الأمير عبدالرحمن جابة وفق قناعته المرشدي و الغنام والزوري ونامي وخيرات والحارثي لو بفريق الكوكب تنسقوا من سنين وحنا أرضى بنصيبك ياليت لو يستقيل الأمير عبدالرحمن ماغير يطبلون بالمحلية أنا أقول بلوها وأشربوا مويتها دوري سيئ مافيه الى فريقين هلال واتحاد ويوم ناموا اخذه الفتح وبالحلقه الأخيرة مافي زي نكهة المحلية ههههه ولما نطلع الأسيوية نتجربع من أم صلال ولخويا وغرافة وسابهان وشلون عاد لو لعبنا ضد شرق القارة كان قفلنا النادي اللي صار ممتلكات خاصة |
قد نختلف حول الاسماء التي يجب أن ترحل وقد تطول القائمة لتشمل الجميع بل أن هناك موضوع متسلسل وصل صاحبه ل13 لاعب حتى تاريخه يطالب بتنسيقهم لكل شخص وجهة نظر يجب أن تحترم لكن الفيصل في هذا هو مدرب وجهاز فني على مستوى عالي جداً وطموح جداً وسيكون اكثر حرص ودراية على أن يحدد الراحلين ولانهمل أن تكون هناك لجنة من لاعبي النادي القدامى والنقاد الهلاليين لوضع التوصيات وتدارك الاخطاء |
اختلف معك في الزوري وكان ودي انك اضفت لهم ياسر شكرا |
في لعيبة كثيرين يبيلهم تسريح واولهم ياسر ... حاطين كل شيء على ابن مساعد وهو ماقصر بس البلا في اللعيبه والمدرب |
المرشدي نامي الغنام الحارثي مسعد مع حبي لياسر اتمنا اعارتة وكذلك الاجانب الاربعة كل هؤلاء لابد من رحيلهم |
المرشدي هو نفسه .. المرشدي الي مع اسامه كانو افضل دفاع في الدوري البلآ مو في المرشدي .. مافي مدافع يمسك خانه مع المرشدي يعتمد عليه ولا محآور تساند الدفاع مثل ماكان عزيز و رادوي .. ولا عندك دفاعات ومحاور بالاحتياط يعتمد عليهآ .. ي خسارة من جلب لاعب القادسيه ماذكر اسمه و فلاته و المسلم كلها صفقات ماستفدنا منها للآسف ... ع العموم الدفاع يحتاج ترميم مع المحاور .. لاتحملون المرشدي كل شي وانا مع بقاء المرشدي .... |
الي فوقي قصدك كان في واحد يغطي عيوب المرشدي الحين مافيه خلاص !!!! |
نامي والمرشدي والزوري والغنام والقرني ماعنده طمووح والحارثي وياسر الفحطاني ولا يهون الاربعة الاجانب |
فعلا اخوي الزوري لاعب جيد وبصراحه من النادر اقول عنه لاعب سيء .. لكن المرشدي لاحول ولاقوة الا بالله الغنام الله يرزقه لاعب خلوق لكن الاصابات ... |
والله اني اتمنى تصعيد لاعبين من فئة الاولمبي والشباب لاعبين مبدعين ويستحقون انهم يلعبون في الفريق الاول)). |
صحيح هناك اخطاء ولكن يجب الا نقسي على الامير عبدالرحمن فقد قدم للهلال الكثير اتفق معكم على رحيل من ذكرتم عدا الزوري وياسر فياسر على سؤ مهاجمي جميع الانديه من افضل السيئين ================== |
افضل وسيله للدفاع هي الهجوم مو مطلوب بل اصل وجود دفاع عندنا مهاجمين سيئين في 10 مباريات يسجل 3 اهداف اذا رونالدو ايام كاس العالم كان يسجل هدفين بكل مباراه ولمن فازو بكأس العالم البرازيل نسبو الفوز له احنا بل 10 مباريات يسجل 3 اضافه لتضييع فرص بل جمله والهدايا المتكرره وهدايا مرتدات والوسط اسماء قديمه ايضا توفر كل الدعم للمنافس و و و نحتاج لفريق جديد 100% والاسماء الحاليه لو انتقلت لاي فريق لن تفيد نهائيا |
| الوقت المعتمد في المنتدى بتوقيت جرينتش +3.
الوقت الان » 11:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd