|
انتهى موسم الهلال .. فماذا نحن فاعلون السلام عليكم ورحمة الله وبركاته معليش على الخروج الاسيوي ( تعودنا مع هذه البطولة الخروج مره من الادوار التمهيدية ومره من دور الـ 16 ومن من دور الـ 8 ) معليش يا امة الهلال الموسم انتهى بخيره وشره ,, الان احنا كجماهير ايش دورنا ... ؟؟؟ مو مطلوب مننا نحضر مدرب ولاعبين اجانب او نلوم الادارة .. المطلوب الوقوف مع الهلال ونجهزه للموسم الجاي بالدعم والتشجيع (يعني رحم الله والديكم فكونا من خزعبلات الصيف والانتقالات و و و ) هذا شغل الادارة مو شغلنا حنا مطلوب مننا متابعة الهلال في معسكره الجاي .. وتشجيع اللاعبين مو نلومهم خلاص اللي اخطأ اخطأ (الموسم انتهى) نطالب اللاعبين فقط بالروح القتالية فقط مثل ما شفناها بالشوط الثاني بمباراة لخويا انتفض في 20 دقيقه وسوى بلاوي نريد هذه الروح في كل المباريات من بدايتها فققققققققققققققققققط خذنا كأس ولي العهد .. ما شبعنا لسه .. خلص الموسم .. الموسم اللي بعده نبي الدوري وكأس ولي العهد وكأس الملك وكأس اسيا وبنقعد نطالب فيها كل موسم لانو هذا حنا الهلاليين نتنفس البطولات .. علشان كذا نستمر بالتشجيييييييييع والدعم وراح نستمر بالتشجيع حتى يحسون اللاعبين انو هذا الكيان له جماهير عاشقه تحب لونه تحب اسمه تحب كبريائه (لا نعشق اللاعبين ولا الرؤساء ولا حتى الشركاء) نحب ونعشق الكيان الهلالي .. اللاعبين جاو وراحو والرؤساء جاو وراحو والاجانب جاو وراحو وبقي الهلال هو الهلال بعشاقه ياما خسرنا بطولات وخاااااااصة اسيا .. لكن مازلنا نحترق ودمنا يفور لاجل الهلال والهلال فقط خلونا الان نرتاح ونفكر وندعم الهلال للموسم الجاي تحياتي |
رئيس الهلال اذا كان يحب الهلال عليه ان يترك الرئاسه . . الجمهور محتقن عليه . ولن يتحمله مواسم اخرى .. . نريد اداره جديده وروح واجهزه عمل جديده .. . خلاص 5 سنوات من الفشل كافيه للرئيس . ولافيها شي ولاهو عيب . اعتبرها شجاعه منه اذا رحل . يارب |
يارجال عساك سالم فريق خايس يلعب بلا روح اجانب فاشلين ادارة غير ناجحة وتبون تتأهلون الله المستعان |
مطـلق الهاجري هي نفس الادارة اللي حققت لك الدوري وكأس ولي العهد في سنوات مضت وهذه السنه جابت كأس ولي العهد الادارة تعمل وتشتغل على قد طاقتها وفلوسها هذا اللي عندها ..مولازم نطالبها بالرحيل علشان خسرنا بطولة او اثنين تحياتي الماسي07 ايوة نبغا التأهل ماجا السنه هذه ولا اللي قبلها ولا اللي قبلها لكن نبغى التأهل كل مره وراح نتأهل الفريق خايس مو مشكلة الفريق ياما كان مرعب ويمخ مخ بالملعب مو علشان السنه هذه تغير وضعه خلاص انتهى كل شي الهلال يطيح ويقوم تحياتي لك |
لالالا مطلوب مننا ننقد ومطلوب مننا نطالب موب بس نكون امعات نمشي ورا الركب ما ندري وش السالفه .. لما اشباه لاعبين يكرهون مسك الكوره ويمررونها الواحد كانه حامل بشهره الاخير تبينا نساندهم ليه ؟ تقولي بطولات الله والبطولات الفتح صاير يجيبها من سهولتها وتقولي بطولات .. انفقعت قلبونا نطبل للاعبين ماهم بلاعبين الا اسم .. وجاي انت تقول نشجع وما نختار , لنا الحق بالمطالبه برحيل اداره الفشل كل سنه وحنا صابرين ونبلع الخروج من اسيا بالادوار الاولى .. قسما بالله ماسك عمري لا اقول كلام ما ينقال ما يفقع قلبي الا المطبلين العبط الي يمشون ورا الاداره بدون عقل مجرد جسد .. |
قدر الله وما شاءالله الحمدلله على كل حال والقادم أحلى بإذن الله |
الحمد لله على كل حال لابد تصعيد لعيبة من الشباب هناك اسماء مع احترامي لهم لا يسعني الا اقول لهم شكراً على الفترات اللي قدمتموها لنا وافرحتم جماهير الزعيم # المرشدي # الشلهوب # ياسر القحطاني # محمد نامي # سعد الحارثي # محمد مسعد # البرقان والله الان نحتاج دماء شابه تحرث الملعب لاجل اسعاد الجماهير ولاجل الكيان اتمنى من أي ادارة تمسك الفريق الان يستعدوا ويجهزوا المحترفين مع طاقم فني جدير بتدريب الكيان الملكي ولا انسى ايضاً التعاقد مع حارس مرمى ووسط دفاع خاصة اسامة المولد او بدر النخلي تحياتي واجازة ممتعه |
متعب الحآرثي ياخوي وربي منقهر زيك على الخروج .. وانا مو مطبل للادارة وربي ما همتني هي مجرد جزء من النادي تشتغل وتجتهد نجحت كان بها ما نجحت الله يستر عليها واذا استمرت مو مشكله طالما الهلال مستمر يحقق بطولات اللاعبين برظو بننتقدهم الى متى ؟؟ هم لاعبين ايام يبدعون وايام ما يكونون بيومهم الله حق في لاعبين ودك تدق ركابهم بمطرقه (المرشدي ايوه انت منهم ) لكن وش نسوي يعني نقوم نتظاهر قدام النادي ونكسر البيبان علشان كم لاعب مستواهم سيئ انا ما الومك ياخوي الكل الان منفعل بسبب الخروج من اسيا ولابد من التصحيح حياك يا ذيب خالد(الرياض) الحمد لله .. وان شاء الله يكون القادم احلى تحياتي لك |
teto_18 اتفق معاك من ناحية اللاعبين اللي ذكرتهم بدون استثناء .. واطالب معك بتصعيد لاعبين شباب هذا هو الوقت المناسب للتصحيح نهاية الموسم المعسكر لابد ينضم له مجموعة من شباب النادي حتى يتنافسون على الخانه والاجدر هو الاحق باللعب تحياتي لك |
نطالب اللاعبين فقط بالروح القتالية فقط مثل ما شفناها بالشوط الثاني بمباراة لخويا انتفض في 20 دقيقه وسوى بلاوي نريد هذه الروح في كل المباريات من بدايتها فقط . انا مع صاحب هذه المقوله |
من آسوء آلموآسم ولكن آخذنآ كأس ولي العهد و وصيف آلدوري .وكآلعآده الاسيويه تحبطنا يجب درآسة هآلطيحه هذي درآسسسةة دققققققققققيقه ! |
' ابد والله بعد الإختبارآت بنأجز وبعدين بنصوم ونستقبل موسم جديد وحرقة دم جديده ،' وفاز وتعادل وخسر وهلمجره وتبدأ تصفيات الاسيويه ونطلع ،' ونجي هنا نشتم الاداره والمدرب والاعبين هذا اللي بنعمله إن الله آحينا ،' زعيمنآ يحتآج وقفه صآدقه من الإداره وإختيار مدرب كفئ ولاعبين إجانب عليهم الكلام ،' مهاجم ، صآنع العاب ، محور ، قلب دفاع ، وجلب يحيى الشهري ،' وفيصل أبو أثنيين هذا الشخص لو يكون رئيس ماعندي مانع المهم يرجع لأسوار النادي ،' ومآبأس عليك يازعيمي ،' القآدم أجمل بإذن الله ،' |
الغازي الهلالي يعطيك العافية اخوي .. والله ودي ترجع الروح القتالية للاعبين وربي محد يوقف قدام الهلال لو رجعت روح الهلال تحياتي لك .Mohammed# شفت كيف رغم انو موسم سيئ للهلال الا اننا طلعنا ببطولة والسقوط الاسيوي فعلا يبيله دراسه وتهيئه قوية حياك اخوي هلاليه وأفتخر..~ والله يا وخيه حنا من افتتح هذا المنتدى وحنا نطالب بلاعبين ومدربين واداريين وصرنا افضل سماسره لكن غالبا ما تتخذ الادارة عكس اللي نبيه .. هذ مهمتنا نطالب ونشجع وندعم :) هلابك اختي |
اقسم بالله يا في هذا المنتدى مندسين واااااااااجد وربي انهم سوو اللي يبون ياناس انا كل دقيقة اتصفح في المنتدى وناس اعرف ردودها والقاهم ينتقدون بادب القالهم مشاركات تبريكات اذا فاز الفريق اما من بعد مباراةالاخويا فجأه بقدرة الله في ثواني يجيك واحد يسب ويفتن وتلقا تاريخ تسجيله عام 1000م ومشاركتين وياليتها فرحة بفوز ولا شي يفيد الفريق كلللها نشر سمووووم من جماهير المرتزقة |
السلام عليكم ورحمه الله وبركاته لا تنسون صيام ايام البيض الخميس والجمعه والسبت عن أبوسعيد الخدري رضي الله عنه قال: سمعت النبي صلى الله عليه وسلم يقول: من صام يوما في سبيل الله بعد الله وجهه عن النار سبعين خريفا. |
| الوقت المعتمد في المنتدى بتوقيت جرينتش +3.
الوقت الان » 06:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd