زعيم اسيا وملكها يختتم الموسم بـ(( لخويا )) ،توقعات ، نقاشات ، متابعات هنا - صفحة رقم 41 - نادي الهلال السعودي - شبكة الزعيم

هلالي راقي 511 · #1 22/05/2013, 07:37 PM

حسبي الله ونعم الوكيل

ما نطلب مستحيل فالنتيجة في علم الغيب .. نبي فقط روح ومستوى مشرف

فريق يفشل بكل امانه
لا روح ولا مستوى وبرود وتخبط واستسلام وفردية

تكفى يا شبيه الريح انت وعدتنا ان الموسم القادم موسم افعال لا اقوال
والنتائج هذه هي امامك
كرامة الهلال ككيان تهان من مركزك الاعلامي
ومن اداء فريقك ونتائجه

نرجوك ارحم مشجعين الفريق برحيلك مع ادارتك واترك هلالنا في حاله

لن ننسى جهدك
وايضا لن ننسى ان الفرق المغمورة صنعت تاريخها امامنا

كهرتنا الكورة ومتابعة فريقنا لانك تدمره دون ان تشعر

ولا حول ولا قوة الا بالله

بعبع آسيا ياهلال · #2 22/05/2013, 07:37 PM

هل يعقل يازعماء الهلال تقريبا يلعب بلاعبين انا اللي اشوفه فيه اثنين يلعبون بشوية روح
والبقيه ؟؟؟؟؟ اقسم بالله وجودهم مثل عدمهم لاتكتيك ولا لعيبه يتكل عليهم انا اشوف السنه الجايه
نريح ونخلي اسيا لاهلها وخلونا نطقطق بالدوري وكاس ولي العهد مع ادارة بن مساعد والله ثم والله لو نحفر ويلعب الجمهور مع اللعيبه مانتأهل للنهائي انا خلاص اقتنعت بالواقع والواقع يقول زعيم اسيا زمان الحين فريقنا مو بحجم بطوله مثل بطولة اسيا اقتنعوا

ديمة الشمال · #3 22/05/2013, 07:37 PM

استغفر الله من التشاؤم ًً بس أتشامً بابن مساعد

ولنتابع

عآشق الثنيآن · #4 22/05/2013, 07:37 PM

والله العظيم ان ياسر منتهي بسنتين قبل الاحتراف في العين
وكذلك المرشدي نكبة الدفاع من اربع سنين
المحور بعد رادوي عليه السلام
الحراسة في خبر كان
الشلهوب حتى وان كان في قمة عطائه الا انه لايستفاد منه اما الفرق الخشنه .. يخاف يا حليله فكيف الان وهو منتهي
الزوري مفهي من زمان
الكوري يتخبط يمين يسار لكن مضيع المرمى
سعد يحاول يرجع لمستواه لكن الكبر شين
السالم اللي جاي في الطريق لايملك الا رؤوس اما مهاره بعيد عن شواربه
جوستافوا يا دوب يحرك جسمه
اوزيا بدأ يخربط لكن مالومه دامه جنب المرشدي
سالم الدوسري ماهو فالح الا في فك اسبرنت طقها والحقها

هذا حال الزعيم الى متى نرقع للاعبين
ياخوفي نرقع لهم سنين ومانعتبر في نادي الاتحاد اللي نسق اصحاب الملايين والكبار سن حتى استعاد ربع بريقه

لكي نرجع اولا رحيل ابن مساعد المطوع المحترم اللي كل ما انهزمنا قال انا اتحمل المسؤوليه .. اذا الشغله كذا بسيطه لو يرأس النادي هندي حتى هو يتحمل مو بس انت

ثانيا رحيل المدرب الصامت المتوقف عن التشغيل ما غير يبقق عيونه في المباراه كأنه متفرج
ثالثا احضار مدرب من نوعية فتحي الجبال او فيرتس
رابعا احضار لاعب وسط يذكرنا بالتايب واحضار محور يشيل المركز وهجوم اقل شيء مثل بدر المطوع والابقاء ع اوزيا بشرط دعمه بلاعب محلي صخره في الدفاع

اخيرا ياليت يتم تطبيق الخصم في الراتب لكل لاعب ينزل مستواه اما يرجع لمستواه والا لاحسافة على فرقاه

من يقول اني متأثر بالمباراه والله اني اتمنى تطبق هالاشياء حتى في حالة تاهل الهلال
ولن ياخذ الهلال اسيا ما دام الاحتياط اضعف من الاساسي