|
تدريب سامي للهلال مجازفة كبيرة مساء الخير اخواني الهلالين انا عندي وجهة نظر بالنسبة لخبر تدريب الكابتن سامي الجابر للهلال صحيح سامي نجم الهلال وابنة البار لكن سامي لم يكتسب الخبرة الكافية لتدريب الهلال والخوض معة في بطولات واستحقاقات محلية مهمة واسيوية لو افترضنا ان سامي الجابر لة في التدريب عشر سنوات او اكثر كان قلنا يمكن لدية خبرة او اكتسب مهارات حتى لو اخذ دورة تدريبية وعمل مساعد لمدة سنه واحدة فقط هذا لايكفي نحتاج لمدرب من طينة المدربين الكبار مثل جيريتس وكوزمين يملك الخبرة والدراية والتكتيك والاجهزة المتمرسة في مجال كرة القدم وبالنسبة لمبلغ العقد ان صح ان راتبة 300 الف ريال في الشهر فهذا مبلغ خيالي وغير معقول ياليت الادارة تصرف النظر عن اموضوع هذا لان هذا راح يحدث شرخ كبير في الادارة ونخسر نائب الرئيس بالاستقالة وياليت رئيس النادي ابن مساعد يسمع كلامي ويترك مجاملة سامي واعطاءة الخيط والمخيط على حساب النادي وبقاء الادارة وهذا مالانريدة ايها العقلاء . |
أنا بالنسبة لي لا أتمنى سامي مدرب للهلال رغم أني أحب هذا الإنسان الطموح الذي أثبت نفسه في كل شيء لاكن الهلال ليس بحاجة للتجارب |
وجود سامي في الجهاز الفني يعطي دفعه معنويه للاعبين .. ثاني شيء حماسه وحبه للنادي .... ومن انت عشان تحكم على لاعب مثل سامي .. للمعلوميه ترا كبار المدربين يمدحونه وجريتس قال انصح الهلال به ... ويا ليت ما تحكم على احد الين تشوفه .. بطلووو حكم على شخص من كيفكم !!!!!!!!!!!!!!!!!!!!!!!!! |
وكوزمين قبل يجي للهلال كان مشهور وكبير ولا مغمور ترى كوزمين ماكان معروف جيرتس ماكان معروف باكيتا ماكان معروف ومع هذا نجحو ع الأقل سامي يمسك الفريق وهو عارف علته وعارف نوعية اللاعبين السعوديين وتفكيرهم مو نجيب مثل دول وهاسيك وكمبواريه وبنص الموسم نطردهم سامي ترى مسك الهلال الموسم الماضي بكأس ولي العهد وكان من افضل المستويات الي قدمها وترى هو الي طلع سالم الدوسري وكان مساعد المدرب الي مسك الهلال بعد دول كان مجرد صوره فقط |
اقول من الفين وتسعه وعدد مشاركاتك 7 اشتغلوو الي اجزو بدري ! يا جماعه عندنا مباراه مهمه اليوم وبعدها لكل حادث حديث |
الهلال ابيصنع سامي من افضل المدربين مثل ماصنع الهلال جريتس |
وكيف ماعنده خبره اي لاعب مؤهل يصير مدرب بعد اعتزاله تكفيه خبرته وقت ماكان يلعب قوارديولا وش كان قبل يدرب برشلونة وبعدها ايش صار؟ |
..{ آولا قريـــتيس كوزمــين اولاريو بآكيتـآ كلهم تكلمــوآ عن ســآمي وعن مسـآعدته لهم واعطائهم معلومـآت مهمه لمصحلــة الزعيــم .. معلينا من كوزمــين وباكيتا قريــيتس تحدث وقال سامـي ساعدني كثيرا وسهل علية مهمة تدريب فريق الهلال .. .. والله الى سامـي افضل للهلال احسن من نجيب زي نوعيـة توماس دول وهاشيك وكوآمبريــه : آسلــم الفريق ليد سامي واتكل عليه يعرف الهلال ويعرف اش يحتـآج جلب وليهـآمسون الي مآ كآن احد يتوقع انه يعلب ف السعوديه وفي الشرق الاوسط تقريبا .. ( ســآمي بيدرب الهلال ان شاء الله وراح تشوفون الفريق الي راح يصنعـه صدقوني مراح يبعد كثير عن فريق قريتيس ويمكن افضل .. ! كل آمنيــآتي للهلال ب التوفيق الليله |
المدعو خوي القمر واذا صرت من الفين وتسعة وعدد مشاركاتي 7 مشاركات للعلم انا مبتعث خارج السعوديه وادرس ماجستير ودراستي اشغلتني عن متابعة الزعيم لكن ياليت تتكلم بشيء مفيد او نقد هادف بدل ماتدخل وتشوف ملفي وكم مشاركاتي |
وكوزمين قبل يجي للهلال كان مشهور وكبير ولا مغمور ترى كوزمين ماكان معروف جيرتس ماكان معروف هههههههههههههههههههههه قوية لا احد يسمعك بس(اجل كوزمين وجيرتس مغمورين )مع نفسك نخلص من الخويا ونلتفت لكم بس الحين كلش مو وقته يابطل |
سامي لعب مع الهلال اكثر من 10 سنين + سامي صار في فتره مدير لنادي الهلال يـستاهل ابو عبدالله يصير مدرب للنادي |
سامي الجابر الاعب : صطع اسم سامي الجابر كلاعب بالملاعب السعودية مع الهلال وحقق الكثر من انجازات مع الهلال حتى انظم للمنتخب وحقق معه انجازات وبطولات حتى اصبح (( الاسطوري )) الحقيقيه للكورة السعودية لا احد ينكر الشي أبد . سامي الجابر مشرف عام على الفريق : نجح مع الهلال كمشرف عام على الفريق الهلالي . وحورب من بعض الاعلاميين الهلاليين و الاعلام الاندية الاخرى التي هي ضد سامي . لكن خلونا واقعيين أهم شي عندنا الكيان الهلالي :- سامي الجابر مدرب للهلال . أكبر مغامرة ومجازفه ومجامله بحق نادي الهلال و حق سامي الجابر من قبل الادارة الهلال كفريق كبير صاحب انجازات وبطولات وصولات وجولات من المفترض يكون له مدرب كبير وجهاز فني كامل متكامل . مدرب + مساعد مدرب + مترجم + مدرب لياقة + مدرب حراس + أخصائي علاج من الاجهزة الفنية الكبيرة التي لها CV ممتاز ومميز [COLOR="rgb(139, 0, 0)"]سامي الجابر[/COLOR] : خبرة سامي الجابر بالتدريب لموسم واحد ومساعد مدرب غير كافية لـ ابو عبدالله النجاح بالتدريب سامي الجابر اذا درب الهلال فـ انه سيحارب من الجميع في حاله فشل سامي في بعض المباريات مستحيل ان الادارة تتكلم او تناقش سامي وهذا كبر غلط بيواجه الادارة انا ومن وجهه نظري بقاء سامي الجابر في فرنسا لسنه او سنتين قادمتين مفئدة له ولطموحه واكتساب المزيد من الخبرات بالتدريب وبالاخير : اتمنى من الله ان يوفق الهلال و يوفق سامي الجابر كمدرب في فرنسا وان يتعاقد معه نادي في فرنسا لكي ينجح ويكتسب الخبرات الهـــــــــــلال ككيان هو الاهم عندنا انتهاء زمن المجاملات والمحابة الان العمل والتخطيط الصحيح هو الاهم بالكيان |
سامي من سوف يعيد هيبة مع سامي لا وجود للتخاذل في الهلال |
| الوقت المعتمد في المنتدى بتوقيت جرينتش +3.
الوقت الان » 09:45 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd