|
شوف اخوي .. كلامك سليم كفكره .. جوستافو لاعب كبير انصدم من التحكيم في السعوديه واضطر يغير اسلوب لعبه .. انا واحد سال لعابي لما شفته ينشب في ميسي ويستخلص منه الكوره بكل روعه .. واضمن لك اذا انهينا عقده بيقعد يحوس في الخليج كم سنه ويسلي لاعب هداف .. لكن من زرق لرومانيا ذيك ال 4 ايام ورجع وهو في بطنه علم .. :cry: الرئيس والله على رأسي .. سطر اسمه بذهب في تاريخ الهلال ودفع مش اقل من 300 مليون لكن يبدو ان اموره اختلفت .. وهو قالها كاش(( ما راح اقدر ادفع بسخاء للابد )) لاننسى ان اعضاء الشرف مايدعمون حتى اخوه عبدالله رفع يده تقريبا .. اتكلم عن ملايين مو اشياء متقطعه الان عندنا عقد مانجان وكوستافو وويسلي والكوري .. اذا ماراح نقدر نتصرف الا اذا بعناها حنكون في مشكله العام لما كان فيه وقت ما كان فيه فلوس .. ولما جت الفلوس ((ايمانا والعربي )) انتهى الوقت ؟! بالتوفيق للزعيم s13s |
اذا هذولي اللاعبين والمدرب بيقعدون فيه الهلال عز الله رحنا فيها !! انا كنت مع المدرب انه يبقى لكن الظاهر بعد ما ضمن له كرسي في النادي تغير , وثانياً ما يعرف يدير مباريات الذهاب والاياب !! لحد يقول عبدالرحمن بن مساعد ماله دخل الا له دخل وبقوه وخلوا المثاليه تنفعكم !! وبيجي بعد ما نطلع ويقول ( نبقى اكثر فريق حققها بـ 6 القاب ) |
مانبي غير وش محل جملة موسم إستثنائي من الاعراب التي تفضل بها سموه ، فسموه لايملك الجواب لأنه لايملك أدوات الموسم الإستثنائي. فقط. |
مشكور اخوي على موضوعك صراحه هذا وقت الجمهور يجب علينا الوقوف مع الفريق كلها مباراة وبعدها انتقدوا على كيفكم وشيلوا الي تبيونه بفترة الانتقالات ومباراة لخويا مو صعبه وفارق هدف مو صعب وباذن الله بنحققها ونتأهل من الدوحه |
فيه جمهور يدعم ( يساند ) فريقه وفيه جمهور يدعم ( يصدم) فريقه انت من النوع الاول بارك الله فيك والتأهل من قطر |
اذا بنزعل بنزعل على المستوى المخيس ولا ندري ان الكورة فوز وخسارة مافية اي تقدير للشعار وجمهورة . |
إقتباس:
قسم بالله ذليتونا بالموسم قريتس ترى خلاص مر على موسم قريتس ثلاث مواسم انتم الى الان عايشين فيه ي حبيبي الهلال بطل من قبل لا يجي عبدالرحمن بن مساعد من قبل لا يجي قريتس بالتوفيق للهلال ياليت بعض الجماهير تنسا موسم قريتس |
موضوعك بقمة العقلانيه واهنيك عليه ... جمهور لايفقه مع احترامي لهم كاشخاص لكن لا اتفق مع فكرهم .. الهلال يعاني من محترفيه فقط وهذه اخر مباره بالموسم ويعدها لكل حادثه حديث بعض الجماهير تطالب بكل مباره مدرب جديد ومحترفين جدد لكل مباره يعني يبيلك تنعاقد مع 50 مدرب و500 لاعب وكل مباره رئيس جديد هذا تفكيرهم وهذي مطالبهم والمصيبه الاعظم طول الموسم في البيت ويحضر مباره واحده فقط ويذلك بفلوسه .. اجل الرجال اللي دفع 300 مليون الى الان وش شعوره تتوقع ؟ انا اتحدى اي شخص يحضر لي مقطع او تغريده لرئيس النادي ذكر فيها ان الموسم استثنائي !! او يذكر لي لاعب استثمر فيه !! للاسف يرددون مايذكر بالصحف الصفراء ولم يتاكدو بانفسهم بالعربي (( مخفات )) اذا لم نكن مع الهلال في اسواء الظروف فالهلال لايحتاجك في اسعدها ... بارك الله فيك اخي كاتب الموضوع .... |
انا اختلف معك اولا انت لعبت مع الخويا وهو لعب نهائي ونصف نهائي وكان مرهق ومسلم المباراة لك انت كانت لك كل مقومات الفوز من حضور الجماهير ومن طريقة لعب الخويا لو الاعبين لعبو بروح قتاليه وخسرو مانزعل بس نزعل انهم لعبو مباراة وكانها مباراة عاديه انا وش الي حادني ابحث عن الفوز بقطر وانا قادر احسمها بالرياض اما بالنسبه لضحك الاعبين نعم شي يقهر لانك تحس الاعبين ماهمهم الخسارة ياخي شوف الشلهوب متاثر بالتمارين من الهزيمه وياخي نحن نحب الهلال ولانرضى بخساره مثل كذا نحن نحضر من اجل الكيان ولانريد اي مقابل ماعدا ان نجد من يقدرنا وبعدها يطلع الجاسر ويتهكم علينا بالله عليك مو اهانه لنا اتمنى انك شفت مباريات الهلال ضد جابليو الياباني وضد شيمزو وضد الترجي علشان تعرف الروح القتاليه للاعبين |
موضوع جميل صراحه وانشاء الله يبيضون الوجه اللي اغضب الجمهور ي عزيزي ماهو الخسارة اللي اغضبها اختفاء الروح وانشاء الله ترجع الروح في الاياب ونتاهل ي رررررب |
إقتباس:
سؤالي عمي نسيته شلون تقول نفوز بأي نتيجة ونتأهل طيب فزنا 1 صفر شلون نتأهل؟؟؟ انتظرك |
ودي آكون متفائل وربي يشهد لكن لا هجوم ولا دفاع ولا تكتيك ولا لياقة ولا إحتياط ولا روح ولا قتالية ولا إدارة تستفيد من أخطائها لخويا ما لعب بطريقته المعتادة الهجومية ومحترفين على مستوى عالي ومعهم قيريتس يا خوفي ترجع نتيجة أولسان الكوري .. الله يستر |
انا استغرب ليش بعض الجماهير ماتبي الامير عبد الرحمن بن مساعد رئيس للهلال والامير عبد الرحمن بن مساعد جاب مع الهلال اكثر من5 بطولات للهلال ....؟ |
إقتباس:
1 ÷ صفرِ ,, تكونُ , تعآدلُ ,, 2×صفرِ , يتأهل آلهلآل |
طـــيب يا بعض الجمهــور الهلالي يعني احنآ مآ نحب الهلال يعني عآدي لو نجلس سنه سنتين ثلاث سنوات اربع بدون تحقيق انجازات اهم شي حب الهلال ) تغــلب عليكم العآطفــة آكثر من انك تحقق انجازات وش التشجـيع هذآ على العمــوم الي فهمـته من بعض الجمهــور انه عآدي عندهم الهلال يخسر ويخسر ويخسر اهم شي نحب النادي , 2003 2004 2005 مآ كانت المطالب بكاس اسيا مثل الان بعد 20062007 2008 2009 2010 2011 2012 وتقريبــآ 2013 .. بطولــــــــه آسيويــه ما تجيب المشكلــه الهلال يبحــث عن البطوله الاسيويـــه الســآبعه له .. وما نقدر نجيبهـآ ي الله لحد يقولي ريال مدريد جلس عارف الرد ريال مدريد عنده فرررررق صعبه جدآ جدآ جدآ جدآ برغم عشقي للريال لكن عنده فرق خارقه .. هنـــــــآ في اسيـــآ ما تتعدى فريقين .. ( ما ننلام اذا جانا المرض اصبح الهلال مثل الانديه الاخرى في هذا الموسم نتابع واحنا نعرف انه بينهزم وانه بيجي التعادل فيه ونبي المباراه تنتهي بسرعه خايفين راحت المتعه اه اه اه يا زعيــم .. يلا ان شاء الله التوفيق بالاياب ونطلع من لخويا الصصعب اعتبره علينا بالرغم انه ضعيف جدآ .. اسف على الاطاله .. |
| الوقت المعتمد في المنتدى بتوقيت جرينتش +3.
الوقت الان » 12:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd