|
انا واثق من تأهل الزعيم لدور 8 فقط بحاجه ابعاد هذين الاعبين وتحفيز الاعبين مثل مباراة الاستقلال والعين والله كنت متخوف من هذي المباراة من قبل لا تبدا واثناء المباراة لم كانت النتيجه تعادل سلبي تمنيتها تنتهي وجاء الهدف وحصله الخيبه ؟؟ ليه كنت متخوف اعطيكم السبب الرئيسي ؟؟ الاعبين المحليين ؟؟ ليه ماذكرت الاجانب لاني ما كنت اعول عليه اي شيء ويسلي ، بيونغ سو ، غوستافو كلهم لاعبين ما اثبتوا وجودهم بالدوري المحلي امام فرق ضعيف كيف امام فرق النخبه في آسيا مع ان غوستافو قدم اداء لا بأس فيه لكن يعابه عليه ثقيل مره لدرجه مايقدر يتحرك ،، اوزيا قلب دفاع ومقدم اداء حلو وله ثقله . الاعبين المحليين ماقدموا شيء يذكر وبذات نواف العابد وسالم الدوسري لان الجمهور الهلالي يعول عليهم كثير وهم افضل الموجودين من يصنع الفارق دائما" لاعبين الهلال يصعبون المهمه على انفسهم وينتضرون الجماهير تنتقدهم وبعدها يرجعون رجوع الابطال واكبر دليل مباراة الاستقلال في ايران ومباراة العين في الرياض وكذالك المواسم الماضيه . طيب ليه / هذا المستوى الهزيل وانتم تمتلكون الافضل . الشوط الأول الزعيم قدم مستوى لا بأس فيه واضاع عديد الفرص الشوط الثاني هبوط كبير في مستوى الزعيم واضح للجميع ضعف اللياقة البدنية وجريتس لم كان في الزعيم كان يعتمد عليها اعتماد كليا واكبر دليل لم كان مع الهلال قدم الزعيم افضل مستواياته حقق الدوري وكأس ولي العهد وتجاوز بنيدكور الاوزبكي في دور ال 16 وخسر بركلات الترجيح في كأس الملك والي تابع المباراة النهائي يجزم ان الهلال راح يخسر المباراة لان واضح الاعبين كانوا متشبعين بطولات ومباريات . الخلاصه / للياقة لاعبين الزعيم ضعيفه جدا" والي يشاهد ويسلي في المباراة يجزم انهم مايتدربون نهائي . انا قلتها سابقا" جريتس افضل من كوزمين بمراحل شاهدنا فريق كوزمين العين الهلال تلاعب فيه بالرياض وانتهت بهدفين مع الرأفه مع انه يمتلك لاعبين محليين واجانب افضل من لخويا . زلاتكو صحيح انه مدرب افضل من كومباريه وتوماس دول والبقيه لكن مستحيل يكون بمستوى غريتس وكوزمين انا قارنت بين غريتس وكوزمين وقلت غريتس يتفوق على كوزمين لكن مو معناه ان كوزمين سيء بالعكس اتمنى كوزمين يجي الموسم القادم للزعيم مدرب من طينه الكبار الجمهور الهلالي / كان يتغنى بزلاتكو ويطالب الرئيس بالتجديد له وبعد خروج الهلال من كأس الملك وهزيمه من لخويا واحتمال خروجه لا قدر الله تغير كليا من مطالب ببقاءه الى مطالب برحيله . في مباراة الاستقلال في ايران بعد فوز الزعيم انتقدته في التغييرات وبعض الجمهور عارضني وانتقدني وقال هذولا هم فايزين تنتقد المدرب . انا ما انتقد اذا انهزم الهلال او فاز لـ مجرد الانتقاد انا انتقد اذا اخطاء المدرب او اي لاعب انا كنت خايف من المباراة وخسر الزعيم لكن اقولها حاليا" انا متفائل بفوز الزعيم من قطر ليه ؟؟ مثل ماذكرت في اعلى كلامي لاعبين الزعيم لم تكثر الانتقادات تلقاهم رجال مواقف فريق يفوز على الاستقلال في ايران ويفوز على فريق مثل العين مع مدرب ذكي ولاعبين محليين واجانب لهم ثقلهم ويتلاعب فيهم وكأنه امام فريق ضعيف ليه ما اتفائل برجال الزعيم . رجال الزعيم قادرين بأذن الله ان يحققوا امال الجمهور الهلالي فقط نحتاج من زلاتكو وضه التشكيلة المناسبه والتغييرات المناسبه وفي وقتها الهلال خسران بهدف والهدف ماهو صعب على رجال الزعيم لو سجلوه لا يصبح وضع لخويا اصعب . امنيه / اتمنى ابعاد سلمان الفرج و ويسلي لوبيز ماهو لدكه البدلاء بل عن التشكليه كلها لاعبين متعالين على الكورة وكأن الجمهور الهلالي يشاهد مسي وليس لاعب عادي . كلمة اخيرة / عبدالرحمن بن مساعد تحدث عن تجديد زلاتكو وقال اذا قدم الهلال مستوى في كأس الملك وتأهل من الدور ال 16 راح نوقع معه . تمنيت يقول لكل حادث حديث الى انتهاء الموسم وزلاتكو كل مؤتمر يسألونه ممكن تجدد الزعيم محتاج استقرار في اصعب الضروف ماهو محتاج كثر بلبله ختاما" انا واثق في رجال الزعيم وبأذن الله التأهل لدور 8 يآآآرب ياكريم :alzaeem: |
اتفق معك الفرج ضيع فرص لاكثر من بطوله لانه يريد بانانيه هدف خرافي وهو غير مؤل لذلك؟ التسديد على المرمي يحتاج تدريب متكرر بالتمارين وليس في مباريات الحسم. ويسلي انتهى فنيا واتمنى ابعاده المباراة القادمه واشراك ياسر مكانه مع تواجد الكوري بتحركاته. |
خذها مني من الحين اجل الفرج وويسلي اساسيين الا اذا جتهم اصابه لا سمح الله |
اهم سببين لخروج الهلال المتكرر الرئيس والمدربين لانهم يجرمون في الهلال اجل زلاتكو يلعب بمهاجم واحد والهلال على ارضة بين جماهيرة.... وبعدين ترا كبرتو قبل رأس سلمان الفرج وانه لاعب وربي مايعجبني اسلوبه تحسه لاعب حواري والآن هالموسم من اسؤ لاعبي الهلال ان لم يكن اسؤهم كلهم |
سلمان الفرج من وقع العقد وهو ضااااااااايع |
انا معك في سلمان الفرج واعتقد لو يضعون في الاحتياط ويضم للمنتخب لانه مع المنتخب يبدع ونعطيه احمد عيد افضل. |
طرح رائع اتفق معك فيه ولكن لي ملاحظات الفرج فعلا مستواه سيء جدا ولكن من يتحمل ذلك هو المدرب تخيل الفرج لاعب وسط ايسر ولعب بالظهير والمحور والوسط الايسر والايمن وصناعة اللعب والجناح ؟... مشكلة الهلال الحقيقيه تغيير مراكز الاعبين . المدرب انا عادة ضد تغيير المدربين ومع مناقشتهم واتفق انه اقل من مستوى الهلال بكل الاحوال فريق يلعب مباراة العين بمهاجم وحيد ويخسر وفي المباراه الثانيه يلعب بمهاجمين ويفوز ثم يلعب مع الاستقلال بمهاجم وحيد ويخسر ثم يعود ويلعب بمهاجمين ويكسب ثم يلعب مع الخويا بمهاجم وحيد ويخسر وان شاء الله يلعب المباراه القادمه بمهاجمين ويفوز ولكن لماذا لا يتعلم من اخطائه ؟ عدوى من الاداره . الاداره غير موفقه في جميع تصريحاتها ولكن الله ابتلاها بالجاسر يبرر ويبربر ...... مشكور |
التفاؤل مطلووووب وإن شاء الله يتحقق الفوز للهلال بس ودي أعرف من اللي ما راح يشارك من لخويا في مباراة الإياب ؟ |
وانا اقول يبعدون ثلاثة أفضل ويسلي وسلمان الفرج ومحمد الشلهوب الشلهوب ميزته الوحيده التمرير واختفت ويسلي استعراض ولعب غير مفيد سلمان الفرج بالحواري اتوقع مكانه الصحيح |
التفاؤل مطلووووب وإن شاء الله يتحقق الفوز للهلال |
المدرب جبان ومباراة الخويا نفس سيناريو مباراة الاتحاد الي في الرياض المدرب ليش جالس ما غير الين جاء الهدف الدقيقه 83 يعني عاجبه تنتهي 0-0 النتيجة ذي من صالح الخويا المفروض من بداية الشوط الثاني وهو مغير كم لاعب ويبحث عن الهدف بالنسبة لي انتهى موسم الهلال واتمنى من الادارة البحث من الاسبوع ذا عن مدرب ولاعبين صح مو نكرر نفس الموسم الماضي تجلس لبداية الموسم وتاخذ الرخيص والمخيس الي كلن خلاه ما تعاقد معه |
سلمان الفرج لاعب يرفع الظغط والي يقول ماهو مركزه شاهدناه لعب بمركزه الاساسي الظهير الايسر امام الاتحاد وجاب العيد سلمان فرق كبير قبل العقد وبعده ويسلي الله يعجل بفراقه كلنا ان شاءالله متفائلين يارب نشوف الزعيم مثل مباراة الاستقلال والعين الاياب ياكريم |
اتفق معك في ابعاد وسلي والفرج ايضآ اتفق معك في كلام الامير عبدالرحمن بن مساعد عن التجديد مع زلاتكو ليته اجل الكلام |
نتمنى التوفيق للزعيم في قطر لكن " ليالي العيد تبان من عصاريها " يارب يخيب ظني ويتأهل الزعيم |
حراااام عليكم هاااالهجوم على سلمان الفرج هو لااااعب فنااان ولكن ضيعه المدرب مره لاعب ظهير ومره محور والمره الاخرى لاعب وسط اعتقد انه ضااااع من كثر المراااكز مثل مافعلوا بياسر الشهراااني حيث انه لم يقدم المستوى المامول منه في المبارااة الماضيه اما وسلي انا تحدث عنه من مباراااة اولسااان الكوري انه ليس الاعب المناسب للهلال وانتقد كلااامي من انتقده في ذااالك الوقت على العموم ان شاء الله يقدم الهلااال نصف مستواااه وانا اظمن لكم التأهل بإذن الله اللهم وفق الهلااال فوق كل ارض وتحت كل سماء اللهم آميين |
| الوقت المعتمد في المنتدى بتوقيت جرينتش +3.
الوقت الان » 09:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd