|
الهلال لم يخرج بعد من البطولة الاسيوية .. ادعمووووه وخلو النقد بعدين السلام عليكم ورحمة الله وبركاته أرى من أغلب مواضيع الجمهور الهلالي انه فاقد الأمل وكأننا خسرنا بنتيجة 5-0 لا تنسون أن فريق لخويا فريق مميز بمدرب مميز. ويحمل عدد هائل من اللاعبين الاجانب المجنسين. وأيضا لا انكر المستوى الرديء اللي قدمه الفريق الهلال في مباراة الذهاب .. لكن فيه أمل.. و أمل كبير جدا بالتأهل لدور الـثمانية. والهلال قادر جدا على التعويض ورد الصاع صاعين .. ولا أرى ان الهلال في قطر يلعب خارج أرضه ... بالعكس. الخليج كله فيه جماهير هلالية غفيرة .. وأنا متأكد ان الملعب بيمتلي بجمهور الهلال عموما .. والله مو وقته النقد والاستياء من الفريق الهلالي .. اللاعبين محتاجين الدعم والدعم ثم الدعم. جميع المواضيع اللي فيها استياء ونقد للفريق غير مفيدة أبدا في الوقت الحالي ... لازم لازم ندعم الفريق بالمواضيع اللي تفيده في مباراة الاياب .... وأنا واثق ان اللاعبين لن يرضوا ان يخرجو من البطولة الاسيوية بسهووولة.. وابعطيكم مثال قريب جدا ... بعد الخسارة من الاستقلال الايراني في الرياض بنتيجة 2-1 .. تبقى للهلال 3 مباريات وكان محتاج للفوز في جميعها للتأهل .. والكثير لم يكن متوقع ان يفعلها الهلال ... لكن الزعيم زعيم .. فزنا على الاستقلال في ايران .. وطقطقنا على العين في الرياض .. و أنهيناها في قطر بالريان بأقل مجهود ....... الزعيم يبقى زعيم ... والهلال يمرض ولا يموت ... ادعموا الأزرق وخلو النقد بعد مباراة الاياب. وبإذن الله الواحد الأحد أن يعود لنا الهلال من قطر ببطاقة التأهل شكرا |
الله يكتب مافيه خير ويعود لنا ابطال الهلال ب بطاقة العبور واتمنى حتى لو تاهل الفريق ان لا تنسينا فرحة الصعود الاخطاء الكبيره التي وقعت فيها الاداره من سوء اختيار للاجانب وعدم التعاقد مع لاعبين محليين مميزين |
إقتباس:
لكن لا تنسى انو ادارة الهلال تعاقدت مع ياسر الشهراني اللي يعتبر مكسب كبيررر جدا للهلال حاليا وفي المستقبل وهو أميز لاعب محلي خارج الهلال |
كلامك عين العقل ، لازم نكون مع فريقنا في السراء والضراء فاز والا خسر ، باقي ٩٠ دقيقة ممكن يحصل فيها كل شي الفريق يحتاج الى الروح والروح فقط ، وهذه الروح ما يمكن تنوجد بدون وقفتكم في أحلك الظروف ، وكلنا نتفق ان الزعيم في هالوقت هو اكثر وقت يحتاجنا فيه .وقفتكم ودعمكم يا زعماء تكفوووووووووون نسال الله العلي القدير التوفيق لنا وزعيمنا في الاستحقاق القادم |
| الوقت المعتمد في المنتدى بتوقيت جرينتش +3.
الوقت الان » 05:14 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd