الاهلي بيتعاقد مع كوزمين والهلال يتفرج ومبسوط عالآخر
 

[COLOR="red"]طبعا بعد الليله المهببه اللي عشناها امس مع الفريق واللي لو جلسوا يلعبون ثلاث ايام بنفس الطريه مستحيل يسجلون وبعد الشد العصبي اللي عانيناه اعتقد ان الاعصاب هديت ولازم نتكلم بالمنطق بغض عن حكاية التأهل من الدوحه او الخروج وصراحه هو الاحتمال الاكبر واقصد الخروج ، اتمنى ان الهلاليين الكبار يجلسوا من الآن مع الاداره ويحددوا معها اهم القرارات الحاسمه للموسم القادم واهم شيء عندنا كجماهير هو المدرب والاعبين الاجانب واخيرا تنسيق بعض الاعبين السعوديين اللي ماغير اكل ومرعى وقلة صنعه ومستوياتهم محلك سر او حتى اللي كانوا كويسين وبعد التجديد نزلت مستوياتهم

ابداء اول شيء بالمدرب يعني ماهو معقوله ان المدرب اللي كان يلعب بطريقه حماسيه مع الفيصلي ويعتمد على طريقة اثبات الوجود كأي فريق صغير ممكن ينفع لفريق بطولات وتاريخ كالهلال وفي نفس الوقت مستحيل نجرد زلاتكو من عمله ولكن ممكن يكون تمام في نفس مكانه الاول اللي هو الاولمبي اتمنى وتتمنى معنا كل جماهير الهلال يا كبار الهلايين التعاقد مع مدرب كبير ويحرك مخه كويس طوال المباراه واعتقد شخصيا ان كوزمين ماهو صعب يرجع للهلال والا يعني نجلس نتفرج على الاهلي وهم يفاوضونه ومن ثم يتعاقدون معه !!!هل يعقل ان ملايين الهلال تعجز عن اعادة كوزمين والله الروماني هذا يعرف كيف يضبط الدفاع ويقفل المناطق الخلفيه اللي نكبت فريقنا ومن ثم يلعب بتكتيك محكم يصعب مهمة الخصم .

اما اللعيبه الاجانب فأقل شيء نهاية الموسم نسلمهم مخاصه كلهم ونتخلى عن البخل ونجيب نجوم اجانب يستاهلوا اللعب للفريق العملاق الازرق وصراحه اللي يبغى بطولات يدفع واللي بيجلس يفكر بالاستثمار او يفكر بالقيمة المرتفعه للنجوم ياليت يترك المجال لغيره لانا كجاهير صراحه تعبنا واحترقت اعصابنا مع الكوري واخوياه.

الاعبين السعوديين فيه لعيبه تحس انهم نازلين الملعب تسليه ويبغون بس يستلمون رواتبهم اخر الشهر وسواء فاز الهلال او خسر مايهم خاصة اللي جدد عقده وضمن ملايين في حسابه البنكي فنتمنى لفت نظرهم واعطائهم فرصه اخيره وتهديدهم بلعيبة الفريق الاولمبي وايضا اللعيبه اللي مالهم داعي في الفريق ومن زمان ما اثبتوا وجودهم او كبار بالسن ياليت نهاية الموسم كل واحد يفهما ويغادر معزز مكرم والا ترى الجمهور مايرحم .

هذي نقاط مختصره اكتبها ياليت احد يستفيد منها والا الله يعيننا على الضغط اللي ماهو راضي ينزل .[/COLOR]

اقسم بالله اني ما اكذب اذا قلتلك في نظري طريقة لعب زلاتكو أفضل بمراحل من كوزمين .

لكن جب لي أجانب مثل اللي كانو مع كوزمين وتعال حاسبني ذيك الساعه .

موب جايب لي عيال قريح وتقول هاك ذولي اجانبك وشف شغلك يا صديق !

..

وثانيا يرحم والديكم فكونا من اسطوانة اعادة المدربين .

خذوها قاعده خلاص اللاعب او المدرب اللي يرجع لنفس منزله بعد خروج مسبق ماراح يعطي مثل ما أعطى في السابق .

طالما اني أرى زلاتكو أفضل في وجهة نظري ولكن الفارق هو اللاعبين الأجانب + الروح .

على فكرة .. كوزمين بيجدد مع العين ثلاث مواسم قادمة ...

طيب ليش ننتظر !!! اكيد لو عرضنا عليه مبلغ مغري ماراح يرفض .

زلاتكو ممكن يسوي لك تكتيك معقول لكن مايعرف يقلب المباراه على الخصم ويغير التكتيك على حسب ظروف المباراه وطريقته مكشوفه كلها اعتماد على مزاج ومجهود نواف العابد.

ياخوي تعلم ان عقد كوزمين السنوي 22 مليون ريال ...! (ثلث رعاية موبايلي )

هل هذا منطق ..!!!!
وهناك عشرات المدربين افضل منه واقل من هالسعر ولكنه استطاع المزايدة ونجح بذلك
ثم ان كوزمين استطعت ان تفوز عليه اكثر من مرة سواء بقطر او الامارات
المفترض منا جميعا دعم الفريق والاستقرار والابتعاد عن الاشاعات ..

ياخي مانبي كوزمين فكونا من مواضيعكم اللي مادري وش تبي اغلب الجمهور صار يبي يزيد عدد مشاركاته على حساب الفريق ترا كل البلا منكم قبل مايكون من الاعبين قبل مايتأسس المنتدى كنا نشوف الاعبين يلعبون لعب غير طبيعي وكل همه اسعاد الجمهور والحين من تطبيلكم وانتقادكم الزايد صاروا الاعبين شايفين نفوسهم علينا وكله بسببكم انتم والشي اللي نحتاجه هوا عدم اقاله زلاتكو وجلب سامي كمساعد له وجلب ثلاثه اجانب صانع لعب ومهاجم ومحور من اعلى طراز والابقاء على اوزيا وابعاد المرشدي والتعاقد مع مدافع محلي مكانه ويكون الحافظ والتعاقد مع يحيى الشهري خلاص فكونا من الكلام الزايد وكل واحد يبي كذا وكذا مفكرين اننا جالسين في سوبر ماركت ترا الهلال بيطيح بسبب صغار العقول

الخبر غير صحيح
لو يفحطون الاهلى ماراح يجبونه كيوزمن
لن يعود الى السعودية لهلال فقط

فكونا من كوزمين ومن رجوعه نريد مدرب شاب طموح

ومحترفين يقدمون مستوى و يحدثون الفارق للفريق واساسيين مو يتعاقدون مع لاعبين محترفين ويجلسوهم على الدكه

زولاتكو افضل يكفي وجهه المريح

بس جب لاعبين يستحقون الفانله الزرقاء

تصحيح كوزمين جدد عقدة مع العين

فكونا من كوزمين ومن رجوعه للفريق الهلالي نريد مدرب شاب طموح

ومحترفين يقدمون مستوى و يحدثون الفارق للفريق واساسيين مو يتعاقدون مع لاعبين محترفين ويجلسوهم على الدكه

لو افترضنا كوزمن وحتى جريتس جاء وش بيسوي لنا ؟؟؟
اللاعبين الاجانب رايحين فيها ,, اذا كانوا بيون يغيرون الفريق يتعاقدون مع اثنين مدافعين محليين حتى لو سياف البيشي ع الاقل افضل من اللي عندنا
والاجانب محور وصانع لعب واثنين مهاجمين عليهم القيمة
اما اذا كنا بنعتمد على ياسر وسالم في الهجوم مااتوقع حتى السنة الجاية نحقق الدوري
ماني مصدق ان فريقي الزعيم يوصل للمرحلة هذي على الاقل ماينهزم بسهولة

الهلال يحتاج لاعب وسط من العيار الثقيل يصنع الفرق في اي لحظة بتمريرة او تسديدة ، ونحتاج لقلب دفاع علىه القيمة ولاعب متأخر يحرث الملعب ولاعب حسم من انصاف الفرص,

هذا ما يحتاجه الهلال وغير كدا ستستمر المعاناة ورفعة الضغط