أخبار الزعيم الملكي ليوم الخميس 6 / 7 / 1434 هـ من الصحف - نادي الهلال السعودي - شبكة الزعيم

فهد العبسي · #11 16/05/2013, 09:22 AM

اولا : وقبل كل شي نحمد الله على النتيجة وللاسف كانت متوقعة بالنسبة لي بحكم اني متابع لنادي الاخويا من فترة وليست من اليوم

.
ثانيا: اتمنى من الجميع ينظر للمباراة بنظرة إيجابية اكثر من النظرة سلبية وان تكون القرارات منصبة في مصلحة الفريق قبل كل شي .

ثالثا : الجميع شاهد فريق الاخويا وشاهد البنية الجسمانية ومدى القدرة عل جلب وتجنيس لاعبين ذوو امكانيات عالية جدا سواء كانت بدنية او احترافية .. لاعبين الاخويا من جميع النواحي كانوا افضل لان المعطيات تعطيهم الافضلية في كل شي ولو لاحظتم ان الجانب البدني كان متفوق بشكل واضح خصوصا في المنطقة الخلفية . وبوجود الشلهوب وسالم والعابد وويسلي الضعفاء من الناحية البدنية بالمقابل الدفاع والمحاور فالفريق القطري يعتبرون من اصحاب البنية الجسدية القوية بقيادة مجيد بوقرة مدافع فريق رينجرز الاسكتلندي السابق وجميعا يعرف طريقة لعب الاسكتلنديين بني عم الانجليز ..

رابعا: وهذا الكلام موجه لسمو الامير عبد الرحمن بن مساعد .
لن تبني فرق قوي يجابه على جميع النواحي ويستطيع العودة في المباريات التي يتاخر فيها ويستطيع الحفاظ على نتائج المباريات بدون الثبات على مدرب .

هذي هي ابرز الصفات التي يفتقدها الفريق الهلالي وهذه هي الصفات اللي تمتلكها الفرق الكبيرة وهذي الصفات شغل مدريين ولايمكن انك تصنعها فيوم وليلة .

الان بنغير مدرب وبيجي افضل مدرب وبيبدا يتعرف على اللاعبين من جديد وعلى مايعرف انه يدرب فريق عظمة طري وينكسر بسرعة واذا انكسر صعب يتجبر يكون ضيعنا كل شي . بصراحة انا ضد مدرب في نص الموسم او مدرب لمدة موسم . الهلال لن يحرز دوري ابطال اسيا الا على يد مدرب لاتقل فترة بقائه مع الهلال عن سنتين مثل ماقال زلاتكو لما صرح ان الهلال يبيله شغل سنتين .

توماس دول تعرفونة ؟
اغلب الجمهور الهلالي يعرفه . مع احترامي لكل شخص نقص من قدرة هالمدرب وهذا الشحص هو الي اكد لي ان ادارة النادي ادارة اهواء لان هذا المدرب للناس الي تفهم كورة كان افضل مدرب من الناحية التكتيكية مر على الهلال بعد قيريتس وكوزمين ولو راجعنا مبارياته مع الهلال وشفتوا اساسيات صنعها دول فالفريق مثل السرعة والدقة والانظباط فكل شي ( شغل الألمان ) كانت واضحة جدا جدا جدا في الفريق في تلك الفترة ولكن خسارة مباراة او مبارتين في بداية المشوار ضيعت كل شي ,
كنت اتمنى ان يستمر مع الهلال لاني شفت شي مو طبيعي بس المشكلة فالناس الي تجهل كرة القدم بصراحة صوتهم اعلى وسلطتهم اقوى . هالمدرب لو كان مستمر الى اليوم كان شفنا هلال لافريق الاخويا ولا غيره يسوي فيه هالشي الي صار .
عموما خسرنا جولة ولم نخسر المعركة .
ياناس ياعالم ياهوه اثبتوا على مدرب اثبتوا على مدرب خله يخطي وخله بتعرف على الفريق زين ومستعدين نضحي بالسنة الاولى وانا متاكد ان السنة الثانية بتكون اجمل . لان هذي هي كرة القدم .

عشان تصنع فريق قوي لازم يبنيه مدرب مو الادارة الي تبني الفريق .

الحين بيطلع قرار اقالة زلاتكو .

طيب وبعدين المشاكل الي موجودة بالفريق من بيحلها ؟؟ المدرب الجديد .

المدرب الجديد بيحل المشاكل والا بيتعرف على الفريق؟ هنا مربط الفرس .

الحين الادارة امام حلين ,

اما انها تبقي زلاتكو بحكم انه عارف الفريق ويترك له بنائه واحظار اللاعبين اللي يراهم الاصلح .

أو احظار مدرب جديد ونصبر عليه لمدة موسمين نجعل الموسم الاول يمر بخيرة وشرة والموسم الثاني نبدا بالحصاد .
بصراحة اتمنى ابو عبدالله يمسك الفريق .. سامي هو المدرب واتمنى لو في تغيير يكون سامي هو الحل الاول لعبد الرحمن بن مساعد واتمنى يعطى الصلاحيات الكاملة وجلب جهاز مساعد محترف وبتشوفون شي مختلف عن الهلال في السنوات الماضية .
حاولت اختصر قدر المستطاع وشكرا...