|
لا تخلط ولا تتعب نفسك , جهز موضوع للخسارة في الاياب من الحين . |
المدرب ماله دخل يعني جريتس جاب لنا الاسيويه فمعه خرجنا ومع كوزمين خرجنا .......العله في عدم قدرة الوسط ادارة دفة المباراه امام فريق اكثر خبره وبنيه جسمانيه قويه |
الهلال كان افضل نعم الهلال كان افضل فنيا وقدم مباراه طيبه وخصوصا الشوط الأول إلا انه عابه التسجيل وهذا ماعطى للفريق القطري الراحه أكثر والنتيجه واحد صفر يعني مي صعبه هزيمتهم هناك ولخويا على انه لاعبين اجانب مجمع يعني بالعربي منتخب لجميع الجنسيات ليس بالفريق الصعب نعم انا كنت قبل المباراة أكثر خوفا مما ستأول اليه النتيجه ولكن بعد مشاهدتي للفريق صحيح فريق منظم لكن لوقابله الهلال برتم سريع لسجلنا اكثر من هدف ومتفاءل بنتيجة مباراة الاياب لكن بشروط أولا عدم اللعب بثلاث محاور او اثنين ثانيا تسريع لعب الكره ومن لمسه ثالثا ان تلعب حتى الصافره مو تيأس دعوكم من هالكلام لازال هناك فرصه هزمنا الاستقلال على ارضه وهو الفريق الصلب دفاعا وامام الآف احتشدوا من أجل فريقهم واستفزازات واضحه من قبل المباراة نبي روح اتحدي والعزيمه الهلاليه المعروفه واتمنى اللعب بمحور واحد ومهاجمين اثنين مع تعاون الجميع في حالة الدفاع وكذلك الهجوم والتشكيله التي اتمنى يلعب فيها بقطر السديري الزوري اوزيا المرشدي الشهراني جوتسافوا العابد ويسلي الدوسري القحطاني الكوري تفاءلوا بالخير تجدوه المدرب ليس لديه لعيبه تساعده اعطوه فرصه لجلب مايحتاجه من لعيبه محليين أو محترفيين ومن ثم طالبوه الحمد لله على قضاء الله وقدره اللهم لا إعتراض |
حرام بوجود الاطراف العابد والزوي والشهراني وسالم عدم وجود مهاجم يتمركز ويزعج ويخلص دايما يدخلون ف الصندوق ويرجعون لايوجد راس حربه |
تستهبل ولا تستهبل لازم نرضى بالواقع احسب حسابك اي مباراه لازم الهلال يستقبل هدف ماجد واوزيا والسديري ... والزوري مو بعيد منهم بعد .... ’، اتمنى الهلال يفكر بالموسم القادم ... واتممنى الهلال مايتأهل ويطرنا بالعجه ... خلونا كذا مستانسين ... او تدرون خلونا نطقطق مع الاهلي الملكيه والزعامه الورقيه لنا ولا لهم |
الروح ثم الروح ثم الروح ... اذا جت الروح اللي في مباراة الغرافة كل شى بيصير |
الخلطه تحذير اللاعبين أو التنسيق.. الاستعراض والتبطاح مرفوض. |
كلامك صحيح الحقيقة اخويا ,, شوف من وجهة نظري المتواضعة , اليوم الظهير الأيمن لـ فريق الخصم وقف خطورة نواف العابد + الزوري تماماً وماقدرنا نسوي شيء من الجهه هذيك شفنا نواف العابد مو قادر يسوي شيء قدام الظهير حقهم ما ادري وش اسمه وفرق كبير بالبنية الجسدية فـ نواف سوا اللي عليه لكن مايقدر يعدي من قدامه , بالله عليكم قدامه ظهير سريع + جثه ماشالله , ما ألوم نواف حقيقة , طيب راح نواف الجهه الثانية برضو قدامه ظهير ثاني لايقل عن الأول وشفنا الفرق بين تكتيك لخويا وجيرتس وبين هلالنا الجريح + زلاتكو الخواف زلاتكو اليوم يلعب بـ خطة 4-6-0 , بالله عليكم ياشباب يلعب بدون مهاجم كيف نفوز ؟ صناع اللعب يصنعون لـ مين ؟ تكتيك سيء جداً اليوم , نفس طريقة المباراة السابقة يلعب 4-6-0 , ايش المشكلة يازلاتكو ؟ ياليت تفهمني السديري تمركز خاطئ جداً ودائماً نشوفه يتابع الكورة بـ عيونه وهي متجهه للمرمى ومايرفع عينه عنها إلا لما تسكن الشباك الهلالية وبعدين يجلس يلوم اللعيبه , لاتلومونه ياشباب هو يجلس يدعي (يارب تطلع برا ياررب تطلع برا) والله ستر علينا كثير ترا اوزيا اليوم سيء خلونا واقعيين وهو من صنع الهدف , اوزيا اليوم واقف قدام المدافع وحاط يدينه ورا ظهره . ما أدري ايش الحكمه يعني , يبغى يخوف الخصم ولا يستعرض ؟ ولاخايف تجي بـ يده ويسير بلنتي ؟ ولا بس يبغى يمشي معوق كذا استغفر الله بدون يدين ؟ والله شيء غريب جداً اللي صاير في الهلال ياشباب مو معقول يعني كل مرة نقول نفس الكلام ونفس الأخطاء تحصل , السديري ياناس غير مؤهل لـ حراسة المرمى حالياً الشمري لاعب خبرة وفنان بالحراسة ليش مانعطيه الفرصة ؟ ليش ياسديري واسطتك قوية كذا !ّ!!!!!!!!!!! المرشدي سوا اللي عليه ولاتلومووه جاي ذاك يضربوا من ورا ويطيحوا وماتبغوه يعصب ؟ الشهراني اليوم أنقذنا حقيقة من كرات خطيرة , الزوري ماقصر كمان ويسلي كان سيء بس كان ماسك ومسوي تنظيم بالوسط الهلالي يعني لو ماطلع كان ممكن نطلع تعادل لما دخل ياسر (لاحد يلومة مالوا دخل وجاي من إصابة) صار لخويا يستحوذ على الكرة ويبني هجمات الشلهوب سوا اللي عليه لكن الدقيقة 70 او 75 خلاص انتهى اللاعب تعبان واضح عليه ليش مايتدخل زلاتكو ؟ بعدين يجي يطلع الفرج ويدخل الكوري !!!!!!!!!! ياخي طلع الشلهوب تعباااااان ياخي مدرب مايحس ماعنده فكر ولاشيء في أكثر من مناسبة نشوفه اذا جاء هدف هلالي يقول ارجعواا !!!!!!!!! الظاهر انو الى الحين يحسب انو يدرب الفيصلي ياناس مو معقول أبداً ياسر القحطااني لسا جاي من إصابة تخليه يلعب ليش ؟ مو الأولى يدخل سعد أو الكوري ؟ تحط الفرج محور ليش ؟ محمد مسعد يمكن كان جاهز في وسط الملعب لاعب خبرة ومفيد بدل الاستهبال حق زلاتكو يجيك الدقيقة 85 يدخل الكوري !!!!!! طيب ايش ابغى فيه انا الدقيقة 85 انا تعبت ياشباب والله من كثر من نتكلم ونهرج على الفاضي ------------- الحل من وجهة نظري للموسم المقبل , تصفية كل من الكوري + ويسلي(يبغى يرجع لـ رومانيا وشفنا كيف يلمح اليوم بالمبااراة بإضاعته لـ فرص سهلة للتسجيل ) + هرماش + بوليفار(اخذ الفرصة الكافية) بيع عقودهم جميعاً حتى لو خسرنا(نضحي بالاستثمار شوي) لأن غير كذا ماينفع اوزيا لانجدد معاه لأننا بناكل مقلب , يتم التفاوض مع مانقان اذا بيرجع يلعب زي اخر مباراتين له وبروح وحماس ونفس القوة السابقة اوكيه يرجع وهو احسن من اوزيا حقيقة واللي عندو فكرة كروي راح يعرف الشيء هذا ياناس لاعب سجل هدفين واحد بالرأس وواحد بـ قدمه ويعتبر من هدافين الزعيم + كان ماسك الدفاع ماكان يجي اهداف ====== التعاقد مع جناح ايمين + مهاجم عليه الكلام + صانع لعب(من خامة برونو) + مدافع(مانقان) خانة المحور عندك لاعبين في الاولمبي + مسعد + القرني +الغنام وغيرهم خانة المحور تعبتنا الحقيقة وماراح يرضي الجمهور اي لاعب من بعد طيب الذكر رادوي وتعبنا واحنا نجرب في هذي الخانة جبنا هرماش مانفع (طلع هجومي على قولتهم) طيب جبنا بوليفار (طلع هجومي كمان) ما أدري الادارة تستهبل يعني جايبه محور هجومي وهو يقول انا محور دفاعي ولا ايش ؟ يجيبوا لاعب مالعب اكثر من شهرين ليش ؟ (بوليفار) فـ بناء على ذلك اتمنى التعاقد مع محترفين زي الأهلي بصراحة اقوللها لاحد يزعل , عندهم بالومينو + فيكتور + عماد + برونو ولايحتاجون صانع لـعب بوجود بصاص + تيسير فريق منظم مدعوم من ولد الملك عبدالله + ادارة واعية وذكية وماحد يقدر يتكلم على الاهلي بـ ولا حرف لأن وراه ظهر ادارة الاهلي (تدفع) ملايين بس تحصل فريق منظم ممتاز اجانب على مستوى شوفوا الاتحاد , وشجاعة الإدارة ايش سوت فريقهم صار كلوا شباب سريعين مايتعبوا نشيطين يحبوا الاتحاد يلعبوا بروح مو زي لعيبتنا اذا جاء فينا هدف ! لاحد يقولي مندس او متحيز إلى متى وأحنا ساكتين ؟ شوفوا الفتح ايش سوا ؟ اخذنا رايح جاي + اخذ الدوري اللي المفروض ناخذه احنا الهلال مشكلته الثانية هي : لايوازي بين الهجوم والدفاع تلاقي مدافعييننا عند مرمى الخصم وتجي مرتدة وننكب على روسنا مافي توازن بالدفاع والهجوم وهذي المعضلة مايحلها الا مدربين زي جيريتس والمحنك كوزمين ملك الدفاع عموماً انا احس اني طولت شويتين بالكتابة وطفشت في نفس الوقت ومقهور مره بصراحة اتمنى نسوي زي الاتحاد مع بعض اللاعبين وبدون ذكر اسسماء في الدفاع + المحور + الظهير أحياناً أعذروني على الإطالة |
لاعبين. بلا روح اشبااااح لاعبين. وينك. ياسامي. تلعب وخشمك مكسوووررر. يلعب للنادي مو لفلوس بتجيه من النادي |
للاسف اعذاركم كل سنه وحده ماتتغير !! بكل خروج تحملون المدرب واذا ماكان المدرب راح تحملونها الحكم !! الى متى الامور واضحه وضوح الشمس .. كلها من اداره بن مساعد ما اضاف اي شي يذكر للفريق !! بطولات محليه ... قبله اخذناها !! خلوكم واقعيين الفريق راح ينهار مع عيال بن مساعد !! الموسم وانتهى والتفكير بالموسم القادم.. مع اداره جديده ومدرب جديد ولاعبين جدد ( اجانب) وتسريح بعض اللاعبين |
إقتباس:
|
إقتباس:
|
اولا الصراحه من هزم الهلال مدربه فريق ع ارضك وتلعب بمهاجم واحد ثانيا ويسلي يلعب ع الواقف وكل كوراته مقطوعه وجالس يازلاتكو تتفرج عليه يجب تغيره من الشوط الاول ثالثا يجب ان يقدم للشلهوب خطاب شكر ويقال ماقصرت هنا وخلاص رابعا اي فريق في العالم دفاع ومحاور وهذا غير موجود بالهلال شكراااا |
هي من زمان الهلال لم يوووفي لاسسيا |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 04:53 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd